തെലുങ്ക് സൂപ്പർ താരം നാഗാർജുനയുടെയും അമല അക്കിനേനിയുടെയും മകനും നടനുമായ അഖിൽ അക്കിനേനി വിവാഹിതനാവുന്നു. ചിത്രകാരിയും നടിയുമായ സൈനബ് റാവ്ജിയാണ് ഭാവി വധു.
'എന്നെന്നേക്കുമായി ഞാനെന്റെ ആളെ കണ്ടെത്തി' എന്ന അടിക്കുറുപ്പോടെയാണ് വിവാഹ നിശ്ചയ ഫോട്ടോകൾ അഖിൽ സമൂഹമാധ്യമങ്ങളിൽ പങ്കുവെച്ചത്.വെള്ള നിറത്തിലെ വസ്ത്രമാണ് വിവാഹനിശ്ചയ ദിനത്തിൽ ഇരുവരും ധരിച്ചത്.
Read Also: വളപട്ടണം കവർച്ച; മോഷ്ടാവ് അടുത്ത ദിവസവും വീട്ടിലെത്തി, കേസിൽ നിർണായക തെളിവുകൾ
എക്സിൽ പങ്കുവെച്ച കുറുപ്പിലൂടെ നടൻ നാഗാർജുനയാണ് വിവാഹനിശ്ചയ വാർത്ത പുറത്ത് വിട്ടത്.ഞങ്ങളുടെ മകൻ അഖിൽ അക്കിനേനിയും മരുമകൾ സൈനബ് റാവ്ജിയുമായുള്ള വിവാഹനിശ്ചയത്തിൽ അതിയായ സന്തോഷമുണ്ട്. സൈനബിന് ഞങ്ങളുടെ കുടുംബത്തിലേക്ക് സ്വാഗതം' ചിത്രങ്ങൾ പങ്കുവച്ച് നാഗാർജുന എക്സിൽ കുറിച്ചു.
പ്രമുഖ വ്യവസായി സുൾഫി റാവദ്ജിയുടെ മകളാണ് 39കാരിയായ സൈനബ് റാവ്ജി. സൈനബിന്റെ സഹോദരൻ സെയിൻ ഇസഡ് ആൻഡ് റിന്യൂവബിൾ എനർജി എന്ന കമ്പനിയുടെ ചെയർമാനും മാനേജിങ് ഡയറക്ടറുമാണ്.സൈനബിന്റെ പെയിന്റിങ്ങുകൾ നിരവധി എക്സിബിഷനുകളിലും പ്രദർശിപ്പിച്ചിട്ടുണ്ട്. എം എഫ് ഹുസൈൻ സംവിധാനം ചെയ്ത് മീനാക്ഷി: എ ടെയിൽ ഓഫ് ത്രീ സിറ്റീസ് എന്ന സിനിമയിൽ സൈനബ് ഒരു പ്രധാന വേഷം ചെയ്തിട്ടുണ്ട്.
2016ൽ ശ്രിയ ഭൂപാലുമായി അഖിലിന്റെ വിവാഹ നിശ്ചയം കഴിഞ്ഞിരുന്നു. എന്നാൽ പിന്നീട് ഇരുവരും വിവാഹത്തിൽ നിന്ന് പിന്മാറുകയായിരുന്നു. വിവാഹ നിശ്ചയ വിവരം പുറത്ത് വന്നതിന് പിന്നാലെ ഇരുവരും തമ്മിലുള്ള പ്രായ വ്യത്യാസവും ചർച്ചയാവുന്നുണ്ട്. 2025 ൽ അഖിലും സൈനബും തമ്മിലുള്ള വിവാഹം നടക്കുമെന്നാണ് റിപ്പോർട്ട്.
അതേസമയം നടൻ നാഗചൈതന്യയുടെയും നടി ശോഭിത ധുലിപാലയുടെയും വിവാഹം ഡിസംബർ നാലിന് ഹൈദരാബാദിൽവെച്ച് നടക്കുമെന്ന വിവരം പുറത്ത് വന്നിരുന്നു. ഹൈദരബാദിലെ അന്നപൂർണ സ്റ്റുഡിയോയായിരിക്കും വിവാഹവേദിയെന്നാണ് സൂചന. ഓഗസ്റ്റിലായിരുന്നു ഇരുവരുടെയും വിവാഹനിശ്ചയം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
