പെരുമ്പാവൂര്‍: അന്തര്‍സംസ്ഥാന മോഷ്ടാക്കള്‍ പെരുമ്പാവൂരിൽ പിടിയിൽ. മൊബൈല്‍ മോഷ്ടിച്ച ബിഹാര്‍ സ്വദേശികളായ ലാല്‍ജി കുമാര്‍, രാകേഷ് കുമാര്‍, ആളൊഴിഞ്ഞ ഹോട്ടലില്‍ മോഷണം നടത്തിയ വെസ്റ്റ് ബംഗാള്‍ മുര്‍ഷിദാബാദ് സ്വദേശി അനാറുല്‍ ഷേഖ് എന്നിവരെയാണ് പോലീസ് പിടികൂടിയത്.
Also Read: ബെംഗളൂരുവിൽ വ്‌ളോഗർ കൊല്ലപ്പെട്ട സംഭവം; മലയാളി യുവാവിലേക്കുള്ള അന്വേഷണം ശക്തം!
കഴിഞ്ഞ ദിവസം രാത്രി 11:30 ന് പ്രൈവറ്റ് ബസ് സ്റ്റാന്‍ഡില്‍ സംശയാസ്പദമായ സാഹചര്യത്തില്‍ കാണപ്പെട്ട ഇവരെ ചോദ്യം ചെയ്തപ്പോഴാണ് ഇവർ കുറ്റം സമ്മതിച്ചത്. വല്ലം കൊച്ചങ്ങാടിയിലെ പ്ലൈവുഡ് കമ്പനിയില്‍ നിന്നാണ് ഇവർ മൊബൈല്‍ ഫോണ്‍ മോഷ്ടിച്ചത്. രണ്ടുദിവസം ഇവർ ഇവിടെ ജോലി ചെയ്തിരുന്നതായും പറഞ്ഞു. ഇവർ തൊഴിലാളികളുടെ മുറിയില്‍നിന്നും ഫോണ്‍ മോഷ്ടിച്ചശേഷം കടന്നുകളയുകയായിരുന്നു എന്നാണ് റിപ്പോർട്ട്.
Also Read: ഭാര്യയും ഭർത്താവും തമ്മിലുള്ള പ്രായ വ്യത്യാസം എന്തായിരിക്കണം?
മറ്റൊരു പ്രതി പിടിയിലാവുന്നത് പൂട്ടിക്കിടക്കുന്ന ഹോട്ടലില്‍ ആളനക്കം കേട്ട് പോലീസ് സ്റ്റേഷനില്‍ വിവരം അറിയിച്ചതിനെ തുടർന്നാണ്. വിവരമറിഞ്ഞെത്തിയ പൊലീസ് പരിശോധിക്കുമ്പോള്‍ മോഷ്ടാവ് സാധന സാമഗ്രികള്‍ ചാക്കില്‍ നിറക്കുകയായിരുന്നു എന്നാണ് റിപ്പോർട്ട്. ഇയാൾ മയക്കുമരുന്ന് വാങ്ങാനാണ് ഇത്തരത്തിൽ മോഷണം നടത്തുന്നതെന്ന് പോലീസിനോട് പറഞ്ഞതായിട്ടാണ് റിപ്പോർട്ട്. മയക്കുമരുന്ന് കേസില്‍ ശിക്ഷ കഴിഞ്ഞ് ഇറങ്ങിയ ശേഷമാണ് ഇയാളെ വീണ്ടും പിടികൂടിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
