ഒയോ റൂംസ് സ്ഥാപകൻ റിതേഷ് അഗർവാളിന്റെ പിതാവ് രമേഷ് അഗർവാൾ മാർച്ച് 10 ന് ഗുരുഗ്രാമിലെ ബഹുനില കെട്ടിടത്തിൽ നിന്ന് വീണ് മരിച്ചു. വെള്ളിയാഴ്ച ഉച്ചയ്ക്ക് ഒരു മണിയോടെയാണ് സംഭവം. 20-ാം നിലയിൽ നിന്ന് വീണാണ് അപകടം. മരിക്കുമ്പോൾ ഭാര്യയും മകൻ റിതേഷ് അഗർവാളും ഭാര്യയും വീട്ടിലുണ്ടായിരുന്നതായി ഗുരുഗ്രാം ഈസ്റ്റ് ഡിസിപി പറഞ്ഞു.ആത്മഹത്യാ കുറിപ്പൊന്നും കണ്ടെത്തിയില്ല. മൃതദേഹം പോസ്റ്റ്‌മോർട്ടം ചെയ്ത ശേഷം വിട്ടു നൽകും.
ഞങ്ങളുടെ വഴികാട്ടിയും വെളിച്ചവും ശക്തിയുമായിരുന്നു എന്റെ പിതാവ് ശ്രീ രമേഷ് അഗർവാൾ മാർച്ച് 10 ന് അന്തരിച്ചുവെന്ന് ദുംഖത്തോടെ ഞാനും കുടുംബവും പങ്കിടാൻ ആഗ്രഹിക്കുന്നു. അദ്ദേഹം ജീവിതത്തിൽ ഞങ്ങളെ പ്രചോദിപ്പിച്ചിരുന്ന വ്യക്തിയാണ്. അദ്ദേഹത്തിന്റെ മരണം ഞങ്ങളുടെ കുടുംബത്തിന് തീരാ നഷ്ടമാണ്. എന്റെ പിതാവിന്റെ അനുകമ്പയും ഊഷ്മളതയും ഏറ്റവും പ്രയാസകരമായ സമയങ്ങളിൽ പോലും ഞങ്ങളെ ജിവിതത്തിൽ മുന്നോട്ട് കൊണ്ടുപോയിരുന്നു.ഈ ദുഃഖസമയത്ത് ഞങ്ങളുടെ സ്വകാര്യതയെ മാനിക്കാൻ ഞങ്ങൾ എല്ലാവരോടും അഭ്യർത്ഥിക്കുന്നു-റിതേഷ് അഗർവാൾ പറഞ്ഞു.
റിതേഷ് അഗർവാളിന്റെ വിവാഹം കഴിഞ്ഞ ദിവസമായിരുന്നു. തൊട്ട് പിന്നാലെ കുടുംബത്തിലെ മരണം എല്ലാവരെയും ദുഖത്തിലാഴ്ത്തിയിരിക്കുകയാണ്. ഫാർമേഷൻ വെഞ്ചേഴ്‌സ് പ്രൈവറ്റ് ലിമിറ്റഡിന്റെ ഡയറക്ടർ ഗീതാൻഷ സൂദിനെയാണ് റിതേഷ് വിവാഹം ചെയ്തത്. എമ്മിന്റെ വിജയ് ശേഖർ ശർമ്മ, സോഫ്റ്റ് ബാങ്കിന്റെ മസയോഷി പുത്രൻ, മുൻ ഭാരത്‌പേ സഹ-വിദഗ്‌ധർ എന്നിവർ പങ്കെടുത്തു. സ്ഥാപകൻ അഷ്‌നീർ ഗ്രോവർ, ഭാരതി എയർടെല്ലിന്റെ സുനിൽ മിത്തൽ തുടങ്ങിയവർ വിവാഹത്തിൽ പങ്കെടുത്തിരുന്നു.
അതേസമയം വീടിൻറെ ബാൽക്കണിയിൽ നിന്നും വീണാണ് മരണമെന്നാണ് പോലീസ് പറയുന്നത്. മരണത്തിന്റെ സാഹചര്യത്തെക്കുറിച്ച് കുടുംബത്തിൽ നിന്ന് പരാതിയൊന്നും ലഭിച്ചിട്ടില്ല," പോലീസ് ഉദ്യോഗസ്ഥൻ പറഞ്ഞതായി സിഎൻബിഎസി റിപ്പോർട്ട് ചെയ്യുന്നു. സംഭവത്തെ കുറിച്ച് പോലീസ് വിശദമായി അന്വേഷിച്ച് വരികയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
