Luck of Monday Born: ജ്യോതിഷം പറയുന്നതനുസരിച്ച് തിങ്കളാഴ്ച ജനിച്ചവര്‍ ഏറെ ഭാഗ്യശാലികളാണ്. അതിന് കാരണമുണ്ട്. ജ്യോതിഷത്തിൽ തിങ്കളാഴ്ചയെ ചന്ദ്രന്‍റെ ദിവസം എന്നാണ് വിശേഷിപ്പിക്കുന്നത്. അതിനാല്‍തന്നെ ഈ ദിവസത്തിന്‍റെ അധിപൻ ചന്ദ്രനാണ്. തിങ്കളാഴ്ച ജനിച്ചവരില്‍ ചന്ദ്രന്‍ പ്രത്യേക സ്വാധീനം ചെലുത്തുന്നു.
അതുകൂടാതെ, സംഖ്യാശാസ്ത്ര പ്രകാരം ഈ ദിവസം ജനിച്ച വ്യക്തിയിൽ രണ്ട് എന്ന സംഖ്യയുടെ സ്വാധീനം ഉണ്ട്. തിങ്കളാഴ്ച ജനിച്ചവര്‍ ഏറെ ആകര്‍ഷകത്വം ഉള്ളവരും നല്ല സ്വഭാവഗുണം ഉള്ളവരും ആയിരിയ്ക്കും. ഇവര്‍ക്ക് സുന്ദരമായ നിറവും കണ്ണുകളുമുണ്ടാകും. ഒപ്പം ഇവര്‍ സൗമ്യശീലമുള്ളവരും പ്രസന്നത നിറഞ്ഞവരും ആയിരിയ്ക്കും. ഇവര്‍ സുഹൃത്തുക്കൾക്കും ബന്ധുക്കള്‍ക്കും ഇടയില്‍ ഏറെ പ്രിയരായിരിയ്ക്കും.
എന്നാല്‍, ജ്യോതിഷ പ്രകാരം തിങ്കളാഴ്ച ജനിച്ചവർ മറ്റുള്ളവരിൽ നിന്ന് ഏറെ വ്യത്യാസപ്പെട്ടിരിക്കുന്നു. അതായത്, തിങ്കളാഴ്ച ജനിച്ച വ്യക്തിയുടെ സ്വഭാവം, ശാരീരിക ഘടന, തൊഴില്‍ രംഗം, ആരോഗ്യസ്ഥിതി, കരിയർ എന്നിവയെല്ലാം വ്യത്യാസമായിരിയ്ക്കും.
Also Read: Money Tips: പണം വരുന്നു, പോകുന്നു.. ഈ അവസ്ഥ നിങ്ങളും അഭിമുഖീകരിച്ചിട്ടുണ്ടോ? എന്നാല്‍ വഴിയുണ്ട്
ഭാഷാ നൈപുണ്യം ഉള്ളവര്‍ ആണ് തിങ്കളാഴ്ച ജനിച്ചവര്‍ എന്നാണ് പറയപ്പെടുന്നത്‌. അതായത് ഇവര്‍ക്ക് ഒന്നിലധികം ഭാഷകള്‍ നന്നായി കൈകാര്യം ചെയ്യാന്‍ കഴിവുള്ളവര്‍ ആയിരിയ്ക്കും. ഇവര്‍ക്ക് ഏതെങ്കിലും വിഷയത്തില്‍ സംഭാഷണത്തിൽ ഏര്‍പ്പെടാന്‍ സങ്കോചമുണ്ടാകില്ല. എന്നാല്‍, ഏതെങ്കിലും വിഷയത്തില്‍ തീരുമാനമെടുക്കാന്‍ ഇവര്‍ വളരെ സമയം എടുക്കുന്നു, ഒപ്പം ഇവര്‍ ഏറെ ആലോചിച്ചശേഷം മാത്രമേ തീരുമാനമെടുക്കൂ... കൂടാതെ, ഇവരുടെ ജീവിതത്തില്‍ മറ്റുള്ളവരുടെ ഉപദേശം വളരെ വേഗത്തിൽ സ്വാധീനം ചെലുത്തുന്നു.
വളരെ ആശ്ചര്യപ്പെടുത്തുന്ന വ്യക്തിത്വം
തിങ്കളാഴ്ച ജനിച്ചവര്‍ ഏറെ വികാരാധീനരാണ് എന്നാണ് പറയപ്പെടുന്നത്‌. എന്നാല്‍, ഇവരുടെ ഈ വൈകാരികതയ്ക്കും സ്ഥിരതയില്ല. ചന്ദ്രൻ ദിനംപ്രതി മാറുന്നതിനാൽ, ഇവരുടെ മാനസികാവസ്ഥയും മാറും. ഇവരെ സംബന്ധിച്ചിടത്തോളം പ്രധാനപ്പെട്ട തീരുമാനങ്ങൾ എടുക്കുന്നത് എളുപ്പമല്ല. എന്നാല്‍, ഇവര്‍ ശാന്തതയോടെ, സാഹചര്യത്തോട് പ്രതികരിക്കുകയും എല്ലാവരുമായും സൗഹൃദബന്ധം സ്ഥാപിക്കുകയും ചെയ്യുന്നു.
തിങ്കളാഴ്ച ജനിച്ചവര്‍ ആശയങ്ങള്‍കൊണ്ട് സമ്പന്നര്‍ ആണ്. എന്നാല്‍, ഈ ആശയങ്ങള്‍ പങ്കിടാന്‍ പ്രോത്സസാഹിപ്പിച്ചാല്‍ മാത്രമേ അവര്‍ ഈ വിവരങ്ങള്‍ മറ്റുള്ളവരുമായി പങ്കിടുകയുള്ളൂ. ഇവര്‍ അല്പം അന്തർമുഖരാണ് ഒപ്പം കൂടുതൽ സമയം വീട്ടില്‍ ചെലവഴിക്കാനും ഇഷ്ടപ്പെടുന്നു. ഇവര്‍ സ്ത്രീകളോട് കൂടുതൽ അടുപ്പമുള്ളവരാണ്.
തിങ്കളാഴ്ച ജനിച്ചവരുടെ കരിയര്‍ എങ്ങിനെ?
തിങ്കളാഴ്ച ജനിച്ചവര്‍ അവരുടെ കരിയറിൽ കൂടുതൽ ശ്രദ്ധ കേന്ദ്രീകരിക്കുന്നു, കാരണം അവർ പുതിയ ഉയരങ്ങളിലെത്താനും ആഗ്രഹിക്കുന്ന കരിയർ ലക്ഷ്യങ്ങൾ നേടാനും ആഗ്രഹിക്കുന്നു. ബഹുമാനവും അഭിനന്ദനവും നേടാൻ അവര്‍ ആഗ്രഹിക്കുന്നു.
തിങ്കളാഴ്ച ജനിച്ചവര്‍ ഇക്കാര്യങ്ങള്‍ ശ്രദ്ധിക്കുക. ജ്യോതിഷികൾ പറയുന്നതനുസരിച്ച് തിങ്കളാഴ്ച ജനിച്ചവര്‍ വിജയകരമായ ജീവിതം നയിക്കുന്നതിന് ഇക്കാര്യങ്ങള്‍ ശ്രദ്ധിക്കുക
ഒന്നാമതായി, നിങ്ങളുടെ മാനസികാവസ്ഥ നിയന്ത്രിക്കാൻ, ധ്യാനമോ യോഗയോ മുടങ്ങാതെ ചെയ്യുക.
നെഗറ്റീവ് ചിന്തകൾ ഉണ്ടാകാൻ സാധ്യതയുള്ള സ്ഥലങ്ങളിൽ പോകുന്നത് പൂര്‍ണ്ണമായും ഒഴിവാക്കുക.
നിങ്ങൾ ആഗ്രഹിക്കുന്ന വലിയ ലക്ഷ്യങ്ങൾ നേടുന്നതിന്, നിങ്ങളുടെ ചെറിയ ലക്ഷ്യങ്ങൾ ആദ്യം പൂർത്തിയാക്കണം. ഒരു ദിവസം തന്നെ വ്യത്യസ്ത ജോലികള്‍ പൂര്‍ത്തിയാക്കാന്‍ ശ്രദ്ധിക്കുക.
തിങ്കളാഴ്ച ദിവസം ശിവനെ ആരാധിക്കുകയും അന്നദാനം നടത്തുകയും ചെയ്യുന്നത് തിങ്കളാഴ്ച ജനിച്ചവര്‍ക്ക് ഉത്തമമാണ്. ജലം പാഴാക്കരുത്.
നിരാകരണം: ഇവിടെ നൽകിയിരിക്കുന്ന എല്ലാ വിവരങ്ങളും സാമൂഹികവും മതപരവുമായ വിശ്വാസങ്ങളെ അടിസ്ഥാനമാക്കിയുള്ളതാണ്. Zee News ഇത് സ്ഥിരീകരിക്കുന്നില്ല. ഇതിനായി, ഒരു വിദഗ്ദ്ധന്‍റെ ഉപദേശം സ്വീകരിക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
