Dhanteras Shopping 2023: ഹിന്ദു മതത്തിലെ ഏറ്റവും വലിയ ആഘോഷമാണ് ദീപാവലി. 5 ദിവസം നീണ്ടു നില്‍ക്കുന്ന ഈ ആഘോഷം ധന്‍തേരസോടെയാണ് ആരംഭിക്കുന്നത്. ധന്‍തേരസ് ദിനത്തില്‍ ആരംഭിക്കുന്ന ദീപാവലി ആഘോഷം ഭായ് ദൂജില്‍ അവസാനിക്കുന്നു. പൂജാര്‍ച്ചനകള്‍ കൊണ്ട് സമ്പന്നമാണ് ഈ ദിവസങ്ങള്‍.
Also Read: 2024 Lucky Zodiac Signs: പുതു വര്‍ഷമായ 2024ല്‍ സമ്പത്ത് വാരിക്കൂട്ടും ഈ രാശിക്കാര്‍!!
ദീപാവലി ആഘോഷങ്ങളുടെ ആദ്യ ദിനമായ ധന്‍തേരസിന് ഏറെ പ്രാധാന്യം ഉണ്ട്. പുരാണ വിശ്വാസമനുസരിച്ച്, ദീപാവലിക്ക് രണ്ട് ദിവസം മുമ്പാണ് ധൻതേരസ് ഉത്സവം ആഘോഷിക്കുന്നത്. യഥാർത്ഥത്തിൽ ഈ ദിവസമാണ് ധന്വന്തരി ഭഗവാൻ ജനിച്ചതെന്നാണ് വിശ്വാസം. അതുകൊണ്ടാണ് ഈ ഉത്സവം ധന്‍തേരസ് എന്ന് അറിയപ്പെടുന്നത്.
Also Read: Dhanteras 2023: ധന്‍തേരസ് ദിനത്തില്‍ ഈ കാര്യങ്ങള്‍ കാണുന്നത് ശുഭം!! ഭാഗ്യം ഉടന്‍ പ്രകാശിക്കും
കാർത്തിക കൃഷ്ണ പക്ഷത്തിലെ ത്രയോദശി തിയതിയിലാണ് ധൻതേരസ് ഉത്സവം ആഘോഷിക്കുന്നത്. ഈ വർഷം നവംബർ 10 വെള്ളിയാഴ്ചയാണ് ധൻതേരസ് ഉത്സവം ആഘോഷിക്കുന്നത്. ഈ ദിവസം വൈകുന്നേരം 6:20 മുതൽ രാത്രി 8:20 വരെയായിരിക്കും പൂജ നടത്താനുള്ള സമയം. ഈ ദിവസം കുബേര്‍ ദേവനെയാണ് പ്രത്യേകം ആരാധിക്കുന്നത്.
ധൻതേരസ് വളരെ ശുഭകരമാണ്. ഈ ദിവസം ആളുകൾ പുതിയ സാധനങ്ങൾ വാങ്ങുന്നത് വളരെ ശുഭകരമായി കണക്കാക്കപ്പെടുന്നു. ധൻതേരസ് പൂജയുടെ ശുഭകരമായ സമയവും ബിസിനസുകാർക്ക് ഏതൊക്കെ സാധനങ്ങൾ വാങ്ങുന്നത് ശുഭകരമായിരിക്കുമെന്ന് വിശദമായി അറിയാം....
ധൻതേരസിൽ ഷോപ്പിംഗ് നടത്തുമ്പോൾ, ചില പ്രത്യേക കാര്യങ്ങൾ മനസ്സിൽ സൂക്ഷിക്കേണ്ടത് പ്രധാനമാണ്, കൂടാതെ ബിസിനസുകാർക്ക് ഏതൊക്കെ സാധനങ്ങൾ വാങ്ങുന്നതിലൂടെ എന്ത് നേട്ടങ്ങൾ ലഭിക്കുമെന്നും അറിയാം.
ധൻതേരസിൽ ഇവ വാങ്ങുന്നത് ശുഭകരമായി കണക്കാക്കപ്പെടുന്നു
ധൻതേരസിൽ പുതിയ സാധനങ്ങൾ വാങ്ങുന്ന ഒരു പാരമ്പര്യം വളരെ പുരാതനകാലം മുതല്‍ നിലനിന്നിരുന്നു. ഈ ദിവസം സ്വർണ്ണം, വെള്ളി, പിച്ചള തുടങ്ങിയവകൊണ്ടുള്ള പുതിയ വസ്തുക്കൾ വാങ്ങുന്നത് ശുഭകരമായി കണക്കാക്കപ്പെടുന്നു. ഈ ദിവസം വാങ്ങുന്ന സാധനങ്ങൾ വീടിന് ഐശ്വര്യം നൽകുമെന്നാണ് വിശ്വാസം. ഈ ദിവസം ഗണേശ ലക്ഷ്മി വിഗ്രഹവും ചൂലും മറ്റും വാങ്ങുന്നത് ഏറെ ശുഭകരമായി കണക്കാക്കപ്പെടുന്നു.
പുതിയ സാധനങ്ങള്‍ വാങ്ങുന്നത് കൂടാതെ, ധൻതേരസ് ദിനത്തിൽ ദാനം ചെയ്യുന്നത് ഐശ്വര്യമായി കണക്കാക്കപ്പെടുന്നു. ഈ ദിവസം നടത്തുന്ന ദാനങ്ങള്‍ക്ക് ഇരട്ടി പുണ്യം ലഭിക്കും എന്നാണ് പറയപ്പെടുന്നത്‌.'
ധൻതേരസിൽ ഷോപ്പിംഗ് നടത്തുമ്പോള്‍ ഇരുമ്പ് വസ്തുക്കളൊന്നും വാങ്ങരുത് എന്ന കാര്യം പ്രത്യേകം ഓര്‍മ്മിക്കുക. ഇത് ശുഭകരമല്ലെന്ന കാര്യം വിസ്മരിക്കരുത്.
ബിസിനസുകാർ ധൻതേരസിൽ എന്തൊക്കെ വാങ്ങുന്നത് ശുഭമാണ്‌?
ധൻതേരസിൽ പുതിയതെന്തും വാങ്ങുന്നത് ഒരു വ്യക്തിയുടെ ജീവിതത്തില്‍ പുരോഗതി കൈവരുത്തുന്നു. അത്തരമൊരു സാഹചര്യത്തിൽ, ധൻതേരസ് ദിനത്തിൽ ലക്ഷ്മി ഗണേശ വിഗ്രഹം അല്ലെങ്കില്‍ വെള്ളി കൊണ്ടുള്ള എന്തെങ്കിലും സാധനങ്ങള്‍ അല്ലെങ്കില്‍ വെള്ളി നാണയം വാങ്ങുന്നത് ഏറെ ശുഭകരമായി കണക്കാക്കപ്പെടുന്നു. ഈ ദിവസം, ഈ നാണയങ്ങൾ പൂജാമുറിയില്‍ സൂക്ഷിക്കുകയും പൂജിക്കുകയും പിന്നീട് സുരക്ഷിതമായി വയ്ക്കുകയും ചെയ്യുക.
(നിരാകരണം: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്. ZEE NEWS ഇത് സ്ഥിരീകരിക്കുന്നില്ല.)
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
