Vastu Tips for Home: നിങ്ങളുടെ വീടുമായി ബന്ധപ്പെട്ട ഇക്കാര്യങ്ങള്‍ ശ്രദ്ധിക്കൂ, അത്ഭുതം കാണാം

Vastu Tips for Home: ഏറെ കഠിനാധ്വാനം ചെയ്തിട്ടും നിങ്ങളുടെ ജീവിതത്തില്‍ പുരോഗതി ഉണ്ടാകുന്നില്ലേ? പണം സമ്പാദിക്കുന്നത് അതേപോലെ നഷ്ടമാവുകയാണോ?  എങ്കില്‍ ചിലപ്പോള്‍ നിങ്ങളുടെ  വീടുമായി ബന്ധപ്പെട്ട വാസ്തു ദോഷമാകാം ഇതിന് കാരണം. വീടിന്‍റെ അത്തരം ചെറിയ ചില ദോഷങ്ങള്‍ മാറ്റുന്നതോടെ നിങ്ങളുടെ ജീവിതത്തില്‍ സന്തോഷവും സമൃദ്ധിയും വന്നുചേരും.

Also Read:  GoFirst: രണ്ടര മാസത്തിന് ശേഷം ഗോ ഫസ്റ്റിന് പറക്കാന്‍ അനുമതി നല്‍കി DGCA 

ഇന്ത്യൻ സംസ്കാരത്തിൽ വാസ്തു ശാസ്ത്രത്തിന് വളരെയധികം പ്രാധാന്യം നൽകിയിട്ടുണ്ട്. വീടുകള്‍ പണിയുമ്പോള്‍ വാസ്തു ശാസ്ത്രം ശ്രദ്ധിക്കാറുണ്ട്. എന്നാല്‍, ഈ അവസരത്തിലും ചിലപ്പോള്‍  സംഭവിക്കുന്ന  നിസാര പിഴവുകള്‍  നമ്മുടെ ജീവിതത്തില്‍ ബുദ്ധിമുട്ടുകള്‍ സൃഷ്ടിക്കാറുണ്ട്.  

Also Read:  NCP Nagaland: നാഗാലാൻഡിലും അടിതെറ്റി ശരദ് പവാര്‍!! അജിത് പവാറിനെ പിന്തുണച്ച് എൻസിപി എംഎൽഎമാര്‍

വാസ്തു നിയമങ്ങളുടെ ലംഘനം മൂലം വീട്ടിൽ നെഗറ്റീവ് എനർജി പ്രവാഹം വർദ്ധിക്കുമെന്നും കുടുംബത്തിന് ദോഷം വരുത്തുന്ന പല വിചിത്രമായ കാര്യങ്ങളും സംഭവിക്കുമെന്നും പറയപ്പെടുന്നു. വീട് ഐശ്വര്യമുള്ളതാക്കാൻ ഏതൊക്കെ പ്രത്യേക വാസ്തു നിയമങ്ങൾ ശ്രദ്ധിക്കണം എന്ന് അറിയാം. 

എന്നും വീട് വൃത്തിയാക്കുക 

വീടിന്‍റെ വൃത്തി വാസ്തു ശാസ്ത്രത്തിൽ ഏറ്റവും പ്രധാനമായി കണക്കാക്കുന്നു. വീട് ദിവസവും അടിച്ചു തുടയ്ക്കണം എന്നും ചിലന്തിവലകൾ ഉണ്ടാവാതിരിക്കാന്‍ ശ്രദ്ധിക്കണമെന്നും പറയുന്നു. വീടിന്‍റെ  കുളിമുറിയും അടുക്കളയും പ്രത്യേകം വൃത്തിയായി സൂക്ഷിക്കണം. അങ്ങനെ ചെയ്യുന്നതിൽ പരാജയപ്പെടുന്നത് വീട്ടിൽ വാസ്തു ദോഷങ്ങള്‍ സൃഷ്ടിക്കുന്നു, അതുമൂലം കുടുംബാംഗങ്ങൾക്ക് ബുദ്ധിമുട്ട് നേരിടേണ്ടി വരും. 

പതിവായി കർപ്പൂരം കത്തിക്കുക

വീട്ടിൽ ഐശ്വര്യവും സമൃദ്ധിയും ഉണ്ടാകാൻ രാവിലെയും വൈകുന്നേരവും പതിവായി കർപ്പൂരം കത്തിക്കുന്നത് നല്ലതാണ് എന്ന് വാസ്തു ശാസ്ത്രത്തിൽ പറയുന്നു. ഇങ്ങനെ ചെയ്യുന്നതിലൂടെ വീട്ടിൽ പോസിറ്റീവ് എനർജി പ്രവാഹം വർദ്ധിക്കുന്നു. ഇത് വീടിന്‍റെ  അന്തരീക്ഷം ശുദ്ധമാക്കും, കുടുംബത്തിലെ  അംഗങ്ങൾക്കിടയിൽ ഐക്യം വർദ്ധിപ്പിക്കുന്നു. 

പൂജാമുറിയുടെ സ്ഥാനം  

നമ്മുടെ വീട്ടിൽ നിർമ്മിച്ചിരിയ്ക്കുന്ന പൂജാമുറി ഏത് ദിശയിലാണ് എന്നതിനെ ആശ്രയിച്ചിരിക്കും നമ്മുടെ  വീടിന്‍റെ ഐശ്വര്യം. വാസ്തു ശാസ്ത്ര പ്രകാരം വീട്ടിലെ പൂജാമുറി എപ്പോഴും വടക്കുകിഴക്ക് ഭാഗത്തായിരിക്കണം. പൂജമുറിയ്ക്ക്  താഴെയോ മുകളിലോ കുളിമുറിയോ ഗോവണിയോ പാടില്ല എന്നതും ഓർമിക്കേണ്ടതാണ്. 

ഉറങ്ങാനുള്ള ദിശ പ്രത്യേകം ശ്രദ്ധിക്കുക

വാസ്തു ശാസ്ത്രത്തിൽ, ഉറങ്ങുന്ന ദിശയ്ക്ക് വലിയ ഊന്നൽ നൽകിയിട്ടുണ്ട്. ഉറങ്ങുമ്പോൾ തെക്ക് ദിശയിൽ പാദങ്ങൾ വയ്ക്കരുത് എന്നാണ് പറയപ്പെടുന്നത്. ഈ ദിശയിൽ കാലുകൾ വെച്ച് ഉറങ്ങുന്നത് അശുഭകരമായി കണക്കാക്കപ്പെടുന്നു. തെക്ക് ദിശയിൽ കാൽ വച്ചുകൊണ്ട് ഉറങ്ങുന്നവർക്ക് ആരോഗ്യ സംബന്ധമായ പല പ്രശ്‌നങ്ങളും നേരിടേണ്ടി വരുമെന്ന് പറയപ്പെടുന്നു. 

പ്രധാന വാതിലിന്‍റെ അറ്റകുറ്റപ്പണികൾ ശ്രദ്ധിക്കുക

നിങ്ങളുടെ വീട്ടിലേക്കുള്ള പ്രവേശന വാതില്‍ നിങ്ങളുടെ വിധിയിലേക്കുള്ള കവാടം കൂടിയാണ്. അതിനാൽ പ്രധാന വാതിലിലും സമീപവും എപ്പോഴും  വൃത്തിയായിരിക്കണം.  കൂടാതെ, വാതില്‍ തുറക്കുമ്പോഴും അടയ്ക്കുമ്പോഴും ഒരു യാതൊരു തരത്തിലുള്ള ശബ്ദവും ഉണ്ടാകാതിരിക്കാൻ ശ്രദ്ധിക്കണം. 

(നിരാകരണം: ഇവിടെ നൽകിയിരിക്കുന്ന വിവരങ്ങൾ പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. ZEE NEWS ഇത് സ്ഥിരീകരിക്കുന്നില്ല.) 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...