Viral Video: ಯುಎಸ್‌ನಲ್ಲಿ ಮೇಲಿಂದ ಮೇಲೆ ನಡೆಯುತ್ತಿರುವ ಶೂಟೌಟ್‌ಗಳು ಜನರನ್ನು ಬೆಚ್ಚಿಬೀಳುಸುತ್ತಿವೆ. ಮಕ್ಕಳು ಗನ್ ಹಿಡಿದು ಶಾಲೆಯಲ್ಲಿ ಶೂಟೌಟ್ ಮಾಡಿ ಸಾಕಷ್ಟು ಮಂದಿಯ ಪ್ರಾಣ ತೆಗೆದ ಉದಾಹರಣೆಗಳಿವೆ. ಇಂತಹ ಆತಂಕದ ನಡುವೆಯೇ ಈಗ ಬಾಲಕನೊಬ್ಬ ಗನ್ ತೋರಿಸಿ ದರೋಡೆ ಮಾಡುವ ವಿಡಿಯೋ ವೈರಲ್ ಆಗುತ್ತಿದೆ.
ಇದನ್ನೂ ಓದಿ: ಪ್ರವಾದಿ ಕುರಿತ ವಿವಾದಾತ್ಮಕ ಪೋಸ್ಟ್‌: ಮುಸ್ಲಿಂ ರಾಷ್ಟ್ರಗಳಿಂದ ತೀವ್ರ ಖಂಡನೆ
ಸಿಸಿಟಿವಿಯಲ್ಲಿ ಈ ದೃಶ್ಯ ಸೆರೆಯಾಗಿದೆ. 12 ವರ್ಷದ ಬಾಲಕ ಹಾರ್ಟ್‌ಫೋರ್ಡ್‌ನಲ್ಲಿರುವ ಗ್ಯಾಸ್ ಸ್ಟೇಷನ್‌ನಲ್ಲಿ ಗನ್ ತೋರಿಸಿ ಬೆದರಿಸಿ ದರೋಡೆ ಮಾಡುವ ಆತಂಕಕಾರಿ ಘಟನೆ ಜರುಗಿದೆ. @davenewworld_2 ಎಂಬ ಟ್ವಿಟ್ಟರ್ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.
A 12-year-old boy in Michigan robs a gas station at gun point 😳 pic.twitter.com/0rdWTAGwtW
— Fifty Shades of Whey (@davenewworld_2) June 5, 2022
ಗ್ಯಾಸ್ ಸ್ಟೇಷನ್‌ನ ಸಿಬ್ಬಂದಿಯೊಬ್ಬರು ವ್ಯಕ್ತಿಯೊಬ್ಬರೊಂದಿಗೆ ಮಾತನಾಡುತ್ತಿರುವಾಗ ಪಕ್ಕದಲ್ಲಿಯೇ ಹುಡುಗನೊಬ್ಬ ಬ್ಯಾಗ್‌ನೊಳಗೆ ಕೈ ಹಾಕಿ ನಿಂತಿರುವುದನ್ನೂ ವಿಡಿಯೋದಲ್ಲಿ ಗಮನಿಸಬಹುದು. ಆ ವ್ಯಕ್ತಿ ಅಲ್ಲಿಂದ ಹೋದ ತಕ್ಷಣ, ಬಾಲಕ ಗನ್ ಹೊರತೆಗೆಯುತ್ತಾನೆ. ಸಿಬ್ಬಂದಿ ಕಡೆ ಗನ್‌ಪಾಯಿಂಟ್‌ ಮಾಡಿ ಹಣವನ್ನು ಬ್ಯಾಗಿನೊಳಗೆ ಹಾಕಿ ಎಂದು ಬೆದರಿಸುತ್ತಾನೆ.
ಸಿಬ್ಬಂದಿ ಪ್ರತಿರೋಧಿಸಿದಾಗ, ಗನ್ ನಿಜ ಎಂದು ತೋರಿಸಲು ಗಾಳಿಯಲ್ಲಿ ಒಂದು ಗುಂಡನ್ನು ಕೂಡ ಹಾರಿಸುತ್ತಾನೆ. ಇದರಿಂದ ಹೆದರಿದ ಮಹಿಳಾ ಸಿಬ್ಬಂದಿ ಹಣವನ್ನು ಬ್ಯಾಗಿನಲ್ಲಿ ಹಾಕಿ ಕಳುಹಿಸುತ್ತಾರೆ. ಬಾಲಕನ ಈ ಕೃತ್ಯ ನೆಟ್ಟಿಗರನ್ನು ಬೆಚ್ಚಿಬೀಳಿಸುತ್ತಿದೆ.
