ಶೀಘ್ರವೇ ಸಾಧ್ಯವಾಗುವುದು ಏಲಿಯನ್ ಗಳ ಸಂಪರ್ಕ, ವಿಜ್ಞಾನಿಗಳಿಗೆ ಅನ್ಯ ಗ್ರಹದಿಂದ ನಿರಂತರವಾಗಿ ಸಿಗುತ್ತಿದೆ ಸಿಗ್ನಲ್

Is This Evidence of Alien : ಅನ್ಯ ಗ್ರಹ ಜೀವಿಗಳ ಬಗ್ಗೆ ಬಾಹ್ಯಾಕಾಶ ಸಂಶೋಧಕರು ನಿರಂತರವಾಗಿ ಸಂಶೋಧನೆ ನಡೆಸುತ್ತಿದ್ದಾರೆ.  ಈ ಕಾರಣದಿಂದಲೇ ವಿವಿಧ ಬಾಹ್ಯಾಕಾಶ ಸಂಸ್ಥೆಗಳ ಬಾಹ್ಯಾಕಾಶ ನೌಕೆಗಳು ನಿರಂತರವಾಗಿ ಬಾಹ್ಯಾಕಾಶದಲ್ಲಿ ಸಂಚರಿಸುತ್ತಿವೆ. ಮಾತ್ರವಲ್ಲ, ಬಾಹ್ಯಾಕಾಶದ ಪ್ರತಿ ಕ್ಷಣವನ್ನು ಸೆರೆಹಿಡಿಯಲಾಗುತ್ತದೆ. ಆದರೆ ಇದೀಗ,  ಆಶ್ಚರ್ಯಕರ ಸುದ್ದಿಯೊಂದು ಬೆಳಕಿಗೆ ಬಂದಿದೆ. ಬಾಹ್ಯಾಕಾಶದಿಂದ ಕೆಲವು ನಿಗೂಢ ರೇಡಿಯೊ  ಸಿಗ್ನಲ್ ಗಳು ಸಿಗುತ್ತಿವೆ ಎನ್ನಲಾಗಿದೆ. ಈ ಸಿಗ್ನಲ್ ಗಳು ಸಾಮಾನ್ಯ ರೇಡಿಯೊ  ಸಿಗ್ನಲ್ ಗಳಿಗಿಂತ ಸಂಪೂರ್ಣ ಭಿನ್ನವಾಗಿದೆ ಎಂದು ಹೇಳಲಾಗುತ್ತಿದೆ. 

ವಿಜ್ಞಾನಿಗಳು  ಹೇಳುವುದೇನು ? 
ಈ ರೇಡಿಯೋ ಸಿಗ್ನಲ್‌ಗಳನ್ನು  ಬಾಹ್ಯಾಕಾಶ ಸಂಶೋಧಕರು ನಕ್ಷತ್ರಪುಂಜದಿಂದ ಸ್ವೀಕರಿಸುತ್ತಿದ್ದಾರೆ ಎಂದು  ಹೇಳಲಾಗಿದೆ. ಇದನ್ನು ಚೀನಾದ ಫೈವ್ ಹಂಡ್ರೆಡ್ ಮೀಟರ್ ಅಪರ್ಚರ್ ಸ್ಫೆರಿಕಲ್ ರೇಡಿಯೊ ಟೆಲಿಸ್ಕೋಪ್ ಮೂಲಕ ದಾಖಲಿಸಲಾಗಿದೆ ಎಂದು ಹೇಳಲಾಗುತ್ತಿದೆ.  ಈ ರೇಡಿಯೊ ಟೆಲಿಸ್ಕೋಪ್ 82 ಗಂಟೆಗಳ ಕಾಲ 1863  ಸಿಗ್ನಲ್ ಗಳನ್ನು ದಾಖಲಿಸಿದೆ. ಈ ಸಿಗ್ನಲ್‌ಗಳನ್ನು ಪಡೆಯುವ ಸ್ಥಳವನ್ನು FRB 20201124A ಎಂದು ಹೆಸರಿಸಲಾಗುತ್ತಿದೆ. ಈ ರೇಡಿಯೋ ತರಂಗಗಳ ಮೂಲವನ್ನು ನ್ಯೂಟ್ರಾನ್ ನಕ್ಷತ್ರ ಎಂದು ಹೇಳಲಾಗುತ್ತಿದೆ. 

ಇದನ್ನೂ ಓದಿ : ಫ್ಲಿಪ್‌ಕಾರ್ಟ್ ಬಿಗ್ ಬಿಲಿಯನ್ ಡೇಸ್: ಅರ್ಧದಷ್ಟು ಬೆಲೆಗೆ ಐಫೋನ್ 12 ಖರೀದಿಸುವ ಸುವರ್ಣಾವಕಾಶ

ಸಿಗ್ನಲ್‌ನಿಂದ ವಿಜ್ಞಾನಿಗಳಲ್ಲೂ ಅಚ್ಚರಿ : 
ಅಮೇರಿಕಾ ಮತ್ತು ಚೀನಾ ಸದಾ ಪರಸ್ಪರ ಪೈಪೋಟಿ ನೀಡುತ್ತಲೇ ಬಂದಿದೆ. ಆದರೆ,  ಸಿಗ್ನಲ್‌ಗಳ ಅಧ್ಯಯನದಲ್ಲಿ ಅಮೆರಿಕ ಮತ್ತು ಚೀನಾ ಜಂಟಿಯಾಗಿ ಕಾರ್ಯ ನಿರ್ವಹಿಸುತ್ತಿದೆ. ಇದು ಬೇರೆ ಪ್ರಪಂಚದಿಂದ ಬರುವ ಸಂಕೇತಗಳೂ ಆಗಿರಬಹುದು ಎಂದು ಕೆಲವರು ಅನುಮಾನ ವ್ಯಕ್ತಪಡಿಸುತ್ತಾರೆ. ಈ ಸಂಕೇತಗಳು ವಿಜ್ಞಾನಿಗಳನ್ನು ಅಚ್ಚರಿಗೊಳಿಸಿವೆ. 

ಬಾಹ್ಯಾಕಾಶದ ಜೀವಿಗಳ ಹುಡುಕಾಟ : 
ಚೀನಾದ ವೇಗದ ದೂರದರ್ಶಕವಲ್ಲದೆ, ನಾಸಾದ ಜೇಮ್ಸ್ ವೆಬ್ ಟೆಲಿಸ್ಕೋಪ್ ಮತ್ತು ಹಬಲ್ ಟೆಲಿಸ್ಕೋಪ್ ಕೂಡ ಇಂತಹ ರೇಡಿಯೋ  ಸಿಗ್ನಲ್ ಗಳ ಹುಡುಕಾಟದಲ್ಲಿ ನಿರತವಾಗಿವೆ. ಇತ್ತೀಚೆಗೆ, ನಾಸಾದ ಹಬಲ್ ಟೆಲಿಸ್ಕೋಪ್ ನಲ್ಲಿ ನಕ್ಷತ್ರಗಳ ಗುಂಪು ದಾಖಲಾಗಿದೆ. ಈ ಕಾರಣದಿಂದಾಗಿ ಹಬಲ್ ಟೆಲಿಸ್ಕೋಪ್ ಭಾರೀ ಪ್ರಶಂಸೆಗೆ ಪಾತ್ರವಾಗಿತ್ತು. ಈ ಹಬಲ್ ಟೆಲಿಸ್ಕೋಪ್  ನಲ್ಲಿ ಪತ್ತೆಯಾದ ನಕ್ಷತ್ರಗಳ ಗುಂಪಿನ  ವೈಶಿಷ್ಟ್ಯವೆಂದರೆ ಅವುಗಳಲ್ಲಿ ಕಾಣಿಸಿಕೊಂಡಿರುವ ನಕ್ಷತ್ರಗಳಲ್ಲಿ ಹೆಚ್ಚಿನವು ಯುವ  ನಕ್ಷತ್ರಗಳಾಗಿವೆ. 

ಇದನ್ನೂ ಓದಿ : Jio ಗ್ರಾಹಕರಿಗೆ ಸಿಹಿ ಸುದ್ದಿ : 365 ಅನಿಯಮಿತ ಕರೆ, Free ಇಂಟರ್ನೆಟ್!

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.