T20 World Cup: 2021ರ ಐಸಿಸಿ ಟಿ20 ವಿಶ್ವಕಪ್‌ನ ಎರಡನೇ ಸೆಮಿಫೈನಲ್‌ನಲ್ಲಿ ಪಾಕಿಸ್ತಾನದ ಯೋಜನೆಗಳು ತಲೆಕೆಳಗಾಗಿವೆ. ರೋಚಕ ಪಂದ್ಯದಲ್ಲಿ ಪಾಕಿಸ್ತಾನವನ್ನು ಸೋಲಿಸಿದ ಆಸ್ಟ್ರೇಲಿಯಾ ಫೈನಲ್‌ಗೆ ಟಿಕೆಟ್ ಗಿಟ್ಟಿಸಿಕೊಂಡಿದೆ. ಈ ಮೂಲಕ ಕಾಂಗರೂ ಪಡೆ ಎರಡನೇ ಬಾರಿಗೆ T20 ವಿಶ್ವಕಪ್‌ನ ಫೈನಲ್‌ಗೆ ಲಗ್ಗೆ ಇಟ್ಟಿದೆ.
ಟಿ20 ವಿಶ್ವಕಪ್ ಮುಕ್ತಾಯದ ಹಂತದಲ್ಲಿದೆ. ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ (Aus Vs Nz) ತಂಡಗಳು ಫೈನಲ್ ತಲುಪಿವೆ. ಈ ಎರಡೂ ತಂಡಗಳು ಸೂಪರ್-12 ಹಂತ ಮತ್ತು ಸೆಮಿಫೈನಲ್‌ಗಳಲ್ಲಿ ಕೆಲವು ಉತ್ತಮ ತಂಡಗಳನ್ನು ಸೋಲಿಸುವ ಮೂಲಕ ಈ ಸ್ಥಾನವನ್ನು ಸಾಧಿಸಿವೆ. ಶ್ರೀಲಂಕಾ ತಂಡವು 2014 ರಲ್ಲಿ ಚಾಂಪಿಯನ್ ಆದ ಹೊಸ ತಂಡವಾಗಿತ್ತು. ಈ ಹಿಂದೆ ಭಾರತ, ಪಾಕಿಸ್ತಾನ, ಇಂಗ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ ಚಾಂಪಿಯನ್ ಆಗಿದ್ದವು. 2016ರಲ್ಲಿ ವಿಂಡೀಸ್ ಮತ್ತೊಮ್ಮೆ ಚಾಂಪಿಯನ್ ಆಯಿತು. ಇಂತಹ ಪರಿಸ್ಥಿತಿಯಲ್ಲಿ ಏಳು ವರ್ಷಗಳ ನಂತರ ಮತ್ತೊಮ್ಮೆ ಹೊಸ ಚಾಂಪಿಯನ್ ಸಿಗಲಿದ್ದಾರೆ.
ಇದನ್ನೂ ಓದಿ- ICC T20 World Cup 2021: ಅಬ್ಬರಿಸಿದ ಮ್ಯಾಥ್ಯೂ ವಾಡೆ, ಫೈನಲ್ ಗೆ ಲಗ್ಗೆ ಇಟ್ಟ ಆಸೀಸ್ ಪಡೆ
ಎರಡನೇ ಬಾರಿಗೆ T20 ವಿಶ್ವಕಪ್‌ನ ಫೈನಲ್‌ಗೆ ಲಗ್ಗೆ ಇಟ್ಟ ಆಸ್ಟ್ರೇಲಿಯ:
ಆಸ್ಟ್ರೇಲಿಯ ತಂಡ ಎರಡನೇ ಬಾರಿಗೆ ಟಿ20 ವಿಶ್ವಕಪ್‌ನಲ್ಲಿ ಫೈನಲ್ (T20 Worldcup Final) ತಲುಪಿದ್ದರೆ, ನ್ಯೂಜಿಲೆಂಡ್ ತಂಡ ಚೊಚ್ಚಲ ಬಾರಿಗೆ ಟಿ20 ವಿಶ್ವಕಪ್‌ನಲ್ಲಿ ಫೈನಲ್‌ಗೆ ಲಗ್ಗೆ ಇಟ್ಟಿದೆ. ಆಸ್ಟ್ರೇಲಿಯ ತಂಡ 2010ರಲ್ಲಿ ಇಂಗ್ಲೆಂಡ್ ವಿರುದ್ಧ ಗೆದ್ದು ಫೈನಲ್ ತಲುಪಿತ್ತು. ಈ ಬಾರಿಯ ಫೈನಲ್‌ನಲ್ಲಿ ಚೊಚ್ಚಲ ಬಾರಿಗೆ ಚಾಂಪಿಯನ್ ಆಗಲು ಇಬ್ಬರ ನಡುವೆ ತೀವ್ರ ಪೈಪೋಟಿ ಏರ್ಪಡಬಹುದು. ಫೈನಲ್ ತಲುಪಲು ಈ ಎರಡು ತಂಡಗಳ ನಡುವಿನ ಸೆಣಸಾಟ ಕ್ರಿಕೆಟ್ ಪ್ರಿಯರಲ್ಲಿ ಭಾರೀ ಕುತೂಹಲ ಮೂಡಿಸಿದೆ. ಈ ಎರಡೂ ತಂಡಗಳಲ್ಲಿ ಏನು ವಿಶೇಷ ಎಂಬುದನ್ನು ನೋಡೋಣ...
1. ಆಸ್ಟ್ರೇಲಿಯಾ:
ಆಸ್ಟ್ರೇಲಿಯಾ ಕೂಡ ಈ ವಿಶ್ವಕಪ್‌ಗೆ ಮುನ್ನ ಲಯದಲ್ಲಿ ಇರಲಿಲ್ಲ. ವಿಶ್ವಕಪ್‌ಗೆ ಬರುವ ಮೊದಲು, ಬಾಂಗ್ಲಾದೇಶ, ವೆಸ್ಟ್ ಇಂಡೀಸ್, ನ್ಯೂಜಿಲೆಂಡ್, ಭಾರತ ಮತ್ತು ಇಂಗ್ಲೆಂಡ್‌ನ ದ್ವಿಪಕ್ಷೀಯ ಸರಣಿಗಳಲ್ಲಿ ಸೋಲನುಭವಿಸಿತ್ತು. ಈ ತಂಡಕ್ಕೂ ವಿಶ್ವಕಪ್‌ನ ಪಯಣ ಸುಲಭವಲ್ಲ ಎಂದು ನಂಬಲಾಗಿತ್ತು. ಆದಾಗ್ಯೂ, ಮೊದಲ ಪಂದ್ಯದಿಂದಲೇ ಆಸ್ಟ್ರೇಲಿಯಾ ಉತ್ತಮ ಆಟವಾಡಿ ಸತತ ಪಂದ್ಯಗಳನ್ನು ಗೆದ್ದುಕೊಂಡಿತು. ಈ ತಂಡವು ಮಧ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಸೋತಿತು. ಆದರೆ ಉಳಿದ ಪಂದ್ಯವನ್ನು ಗೆದ್ದು ಸೆಮಿಫೈನಲ್ ತಲುಪಿತು. ನಂತರ ಸೆಮಿಫೈನಲ್‌ನಲ್ಲಿ ವಾರ್ನರ್ ಮತ್ತು ಝಂಪಾ ಆಧಾರದ ಮೇಲೆ ತಂಡವು ಈ ವಿಶ್ವಕಪ್‌ನ ಬಲಿಷ್ಠ ತಂಡವಾದ ಪಾಕಿಸ್ತಾನವನ್ನು ಸೋಲಿಸಿ ಇದೀಗ ಫೈನಲ್‌ಗೆ ತಲುಪಿದೆ.
ಇದನ್ನೂ ಓದಿ- Pakistan Cricket Players: ಪಾಕಿಸ್ತಾನಕ್ಕಾಗಿ ಆಡಿದ್ದಾರೆ ಈ 7 ಮುಸ್ಲಿಮೇತರ ಕ್ರಿಕೆಟಿಗರು
2. ನ್ಯೂಜಿಲೆಂಡ್ :
ನ್ಯೂಜಿಲೆಂಡ್ ಕಳೆದ ಕೆಲವು ವರ್ಷಗಳಲ್ಲಿ ಉತ್ತಮ ಆಟವನ್ನು ಪ್ರದರ್ಶಿಸಿದೆ ಮತ್ತು ಈ ವಿಶ್ವಕಪ್‌ನಲ್ಲಿ ಅವರ ಪ್ರದರ್ಶನವೂ ಅತ್ಯುತ್ತಮವಾಗಿದೆ. ಮೊದಲ ಪಂದ್ಯದಲ್ಲಿ ಈ ತಂಡ ಪಾಕಿಸ್ತಾನದ ಎದುರು ಸೋತಿದ್ದು , ಆ ನಂತರ ಕಿವೀಸ್ ಆಟಗಾರರು ಅದ್ಭುತ ಆಟ ಪ್ರದರ್ಶಿಸಿದ್ದಾರೆ. ಅವರು ಭಾರತವನ್ನು ಸೋಲಿಸಿದರು ಮತ್ತು ಸ್ಪಿನ್ ಪಿಚ್‌ಗಳಲ್ಲಿ ಸತತ ಪಂದ್ಯಗಳನ್ನು ಗೆದ್ದರು. ನ್ಯೂಜಿಲೆಂಡ್ ಏಕಪಕ್ಷೀಯ ಪಂದ್ಯಗಳನ್ನು ಗೆದ್ದಿಲ್ಲ, ಆದರೆ ಅವರು ಯಾವಾಗಲೂ ಗೆಲ್ಲಲು ಕಠಿಣ ಪರಿಸ್ಥಿತಿಗಳಿಂದ ಹೊರಬಂದಿದ್ದಾರೆ. ಸೆಮಿಫೈನಲ್‌ನಲ್ಲಿ ಅವರು ಇಂಗ್ಲೆಂಡ್‌ನಂತಹ ಬಲಿಷ್ಠ ತಂಡವನ್ನು ಸೋಲಿಸಿದರು. ಈ ಪಂದ್ಯದಲ್ಲಿ ಕಿವೀಸ್ ತಂಡ ಸೋಲುವ ಸಂದರ್ಭವಿತ್ತು, ಆದರೆ ನೀಶಮ್ ಅವರ ಅದ್ಭುತ ಪ್ರದರ್ಶನವು ತಂಡವನ್ನು ಗೆದ್ದು ಫೈನಲ್ ತಲುಪಿತು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
