Rashmika Mandanna : ಟಾಲಿವುಡ್‌ ಬ್ಲಾಕ್ಬಸ್ಟರ್‌ ಪುಷ್ಪಾ ಭಾರತೀಯ ಸಿನಿರಂಗದಲ್ಲಿ ಮೋಡಿ ಮಾಡಿದ ಸಿನಿಮಾಗಳಲ್ಲಿ ಒಂದು. ಅಲ್ಲು ಅರ್ಜುನ್‌ ನಟನೆಯ ಸಿನಿಮಾ ಪ್ರೇಕ್ಷಕರಿಂದ ಒಳ್ಳೆಯ ಮೆಚ್ಚುಗೆ ಗಳಿಸಿತ್ತು. ಅಲ್ಲದೆ, ರಶ್ಮಿಕಾ ಮಂದಣ್ಣ ನ್ಯಾಷುನಲ್‌ ಕ್ರಷ್‌ ಆಗಿ ಈ ಚಿತ್ರದಿಂದ ಪ್ಯಾನ್‌ ಇಂಡಿಯಾ ಲೆವೆಲ್‌ನಲ್ಲಿ ಮಿಂಚಿದರು. ಇದೀಗ ಪುಷ್ಪಾ ಚಿತ್ರತಂಡ ರಷ್ಯಾದಲ್ಲಿ ಅದ್ಧೂರಿ ಪ್ರಚಾರ ಕೈಗೊಂಡಿದೆ.
ನಟಿ ರಶ್ಮಿಕಾ ಮಂದಣ್ಣ, ಪುಷ್ಪಾ ಸಿನಿಮಾದ ಮೂಲಕ ಭಾರತೀಯ ಸಿನಿ ಪ್ರೇಕ್ಷಕರ ಹೃದಯದ ಅರಮನೆಯಲ್ಲಿ ಸ್ಥಾನ ಪಡೆದ ಕನ್ನಡತಿ.
ಅದ್ಭುತ ನಟನೆಯ ಮೂಲಕ ಶ್ರೀವಲ್ಲಿ ಎಂದೇ ಖ್ಯಾತಿಗಳಿಸಿದರು. ನೋಟ ಬಂಗಾರವಾಯಿತೇ ಶ್ರೀವಳ್ಳಿ ಮಾತೆ ಮಾಣಿಕ್ಯ ವಾಯಿತೇ ಹಾಡಂತು ಅದ್ಭುತವಾಗಿತ್ತು.
ಅಲ್ಲು ಅರ್ಜುನ್‌ ಜೊತೆ ಸಾಮಿ.. ಸಾಮಿ.. ಅಂತ ಹೆಜ್ಜೆ ಹಾಕಿ ಸೊಂಟ ಬಳುಕಿಸಿ ಭಾರತೀಯ ಸಿನಿರಸಿಕರ ಮನಗೆದ್ದ ಚೆಂದುಳ್ಳಿ ಚೆಲುವೆ ರಶ್ಮಿಕಾ.
ಇನ್ನು ರಷ್ಯಾದಲ್ಲಿ ಪುಷ್ಪ ಚಿತ್ರ ಡಿಸೆಂಬರ್ 8 ರಂದು ಬಿಡುಗಡೆಯಾಗಲಿದ್ದು, ಸಿನಿಮಾದ ಪ್ರಚಾರದಲ್ಲಿ ರಶ್ಮಿಕಾ ಸಖತ್‌ ಬ್ಯುಸಿಯಾಗಿದ್ದಾರೆ.
ಅಲ್ಲು ಅರ್ಜುನ್‌, ರಶ್ಮಿಕಾ, ಸುಕುಮಾರ್‌ ಸಧ್ಯ ರಷ್ಯಾದಲ್ಲಿ ಪುಷ್ಪಾ ಸಿನಿಮಾ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ. ಅಲ್ಲಿ ಸಿನಿಮಾ ಯಾವ ಮಟ್ಟಿಗೆ ಯಶಸ್ವಿಯಾಗುತ್ತೆ ಅಂತ ಕಾಯ್ದು ನೋಡ್ಬೇಕಿದೆ.
ಇನ್ನು ಬ್ಯಾನ್‌ ಎಂಬ ಊಹಾಪೋಹಗಳ ಮಧ್ಯೆ ರಶ್ಮಿಕಾ ಯಾವುದೇ ಸುದ್ದಿಗೆ ತಲೆಕೆಡಿಸಿಕೊಳ್ಳದೆ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ರಶ್ಮಿಕಾ ವಿಜಯ್‌ ನಟನೆಯ ʼವಾರಿಸುʼ ಬಿಡುಗಡೆ ಸಿದ್ದವಾಗಿದೆ.
