ನವದೆಹಲಿ: ಕೇಂದ್ರ ಸರ್ಕಾರ ಕೆಲವು ತಿಂಗಳ ಹಿಂದೆ ದೇನಾ ಬ್ಯಾಂಕ್ ಮತ್ತು ವಿಜಯ ಬ್ಯಾಂಕ್ ಅನ್ನು ಬ್ಯಾಂಕ್ ಆಫ್ ಬರೋಡಾ (BOB) ನೊಂದಿಗೆ ವಿಲೀನಗೊಳಿಸಿತು. ಇದರ ನಂತರ, ಎರಡೂ ಬ್ಯಾಂಕುಗಳ ಗ್ರಾಹಕರು ಬ್ಯಾಂಕ್ ಆಫ್ ಬರೋಡಾದಲ್ಲಿ ಸೇರಿದರು. ಈಗ ಬ್ಯಾಂಕ್ ಆಫ್ ಬರೋಡಾ ದೊಡ್ಡ ಬದಲಾವಣೆಗಳನ್ನು ಮಾಡಲಿದ್ದು, ಇದು ಗ್ರಾಹಕರ ಮೇಲೆ ನೇರ ಪರಿಣಾಮ ಬೀರುತ್ತದೆ.
ಈಗ ಬ್ಯಾಂಕ್ ಆಫ್ ಬರೋಡಾ (BOB) ಫೆಬ್ರವರಿ 28 ರ ನಂತರ ದೇನಾ ಬ್ಯಾಂಕ್ (Dena Bank) ಮತ್ತು ವಿಜಯ ಬ್ಯಾಂಕ್ (Vijaya Bank) ನ ಐಎಫ್‌ಎಸ್‌ಸಿ ಕೋಡ್ ಅನ್ನು ಮುಚ್ಚುತ್ತಿದೆ. ಅಂತಹ ಪರಿಸ್ಥಿತಿಯಲ್ಲಿ ಅದರ ಗ್ರಾಹಕರು ಮಾರ್ಚ್ 1 ರಿಂದ ಹೊಸ ಐಎಫ್‌ಎಸ್‌ಸಿ ಕೋಡ್ ಅನ್ನು ಬಳಸಬೇಕಾಗುತ್ತದೆ. ಈ ಎರಡು ಬ್ಯಾಂಕುಗಳಲ್ಲಿ ನೀವು ಸಹ ಖಾತೆಯನ್ನು ಹೊಂದಿದ್ದರೆ, ಬೇಗನೆ ಹೊಸ ಐಎಫ್‌ಎಸ್‌ಸಿ ಕೋಡ್ ಪಡೆಯಿರಿ, ಇಲ್ಲದಿದ್ದರೆ ನಿಮಗೆ ಆನ್‌ಲೈನ್‌ನಲ್ಲಿ ಯಾವುದೇ ವಹಿವಾಟನ್ನು ನಡೆಸಲು ಸಾಧ್ಯವಾಗುವುದಿಲ್ಲ.
ಬ್ಯಾಂಕ್ ಆಫ್ ಬರೋಡಾ ಜೊತೆಗೆ, ಪಂಜಾಬ್ ನ್ಯಾಷನಲ್ ಬ್ಯಾಂಕ್ (PNB) ಹಳೆಯ ಚೆಕ್‌ಬುಕ್ ಮತ್ತು ಓರಿಯಂಟಲ್ ಬ್ಯಾಂಕ್ ಆಫ್ ಕಾಮರ್ಸ್ ಮತ್ತು ಯುನೈಟೆಡ್ ಬ್ಯಾಂಕ್ ಆಫ್ ಇಂಡಿಯಾದ ಐಎಫ್‌ಎಸ್‌ಸಿ / ಎಂಐಸಿಆರ್ ಕೋಡ್‌ನಲ್ಲಿ ಬದಲಾವಣೆಗಳನ್ನು ಮಾಡುತ್ತಿದೆ. ಆದಾಗ್ಯೂ ಹಳೆಯ ಸಂಕೇತಗಳು ಮಾರ್ಚ್ 31 ರವರೆಗೆ ಕಾರ್ಯನಿರ್ವಹಿಸುತ್ತವೆ. ಇದರ ನಂತರ ನೀವು ಬ್ಯಾಂಕಿನಿಂದ ಹೊಸ ಕೋಡ್ ಮತ್ತು ಚೆಕ್ (Cheque) ಬುಕ್ ಪಡೆಯಬೇಕು ಎಂದು ಪಿಎನ್‌ಬಿ ಟ್ವೀಟ್ ಮೂಲಕ ಮಾಹಿತಿ ಹಂಚಿಕೊಂಡಿದೆ. ಇದನ್ನೂ ಓದಿ - Banking Update: ಇನ್ಮುಂದೆ ಮೊಬೈಲ್ ನಿಂದಲೇ ನಿಮ್ಮ Debit Card ಲಾಕ್ ಮಾಡಬಹುದು... ಹೇಗೆ?
ಐಎಫ್‌ಎಸ್‌ಸಿ ಕೋಡ್ ಬದಲಾಯಿಸಿದ ನಂತರ ಗ್ರಾಹಕರಿಗೆ ಆನ್‌ಲೈನ್‌ನಲ್ಲಿ ಹಣವನ್ನು ವರ್ಗಾಯಿಸಲು ಸಾಧ್ಯವಾಗುವುದಿಲ್ಲ. ಬ್ಯಾಂಕ್ ಆಫ್ ಬರೋಡಾ (BOB) ಈ ಮಾಹಿತಿಯನ್ನು ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳ ಮೂಲಕ ನೀಡಿದ್ದು, ಇ-ವಿಜಯ ಮತ್ತು ಇ-ದೇನಾ ಐಎಫ್‌ಎಸ್‌ಸಿ ಕೋಡ್‌ಗಳನ್ನು 20 ಮಾರ್ಚ್ 2021 ರಿಂದ ನಿಲ್ಲಿಸಲಾಗುವುದು ಎಂದು ತಿಳಿಸಿದೆ.
ಐಎಫ್‌ಎಸ್‌ಸಿ ಕೋಡ್ 11-ಅಂಕಿಯ ಸಂಕೇತವಾಗಿದ್ದು, ಮೊದಲ ನಾಲ್ಕು ಅಂಕೆಗಳು ಬ್ಯಾಂಕಿನ ಹೆಸರನ್ನು ಸೂಚಿಸುತ್ತವೆ, ಆದರೆ ನಂತರದ 7 ಅಂಕೆಗಳು ಶಾಖೆಯ ಸಂಕೇತವನ್ನು ಸೂಚಿಸುತ್ತವೆ. ಆನ್‌ಲೈನ್‌ನಲ್ಲಿ ಹಣವನ್ನು ವರ್ಗಾಯಿಸಲು ಐಎಫ್‌ಎಸ್‌ಸಿ (IFSC) ಕೋಡ್ ಅನ್ನು ಬಳಸಲಾಗುತ್ತದೆ. ಇದನ್ನೂ ಓದಿ - SBIಯಿಂದ ಹೊಸ ವರ್ಷಕ್ಕೆ ಭರ್ಜರಿ ಗಿಫ್ಟ್ : FDಯಲ್ಲಿ ಸಿಗಲಿದೆ 6.2ರಷ್ಟು ಬಡ್ಡಿ
ಬ್ಯಾಂಕಿನ ಶಾಖೆಗೆ ಭೇಟಿ ನೀಡುವ ಮೂಲಕ ನೀವು ಹೊಸ ಐಎಫ್‌ಎಸ್‌ಸಿ ಕೋಡ್ ಪಡೆಯಬಹುದು ಅಥವಾ ಟೋಲ್ ಫ್ರೀ ಸಂಖ್ಯೆ 18002581700 ಗೆ ಕರೆ ಮಾಡುವ ಮೂಲಕವೂ ನೀವು ಐಎಫ್‌ಎಸ್‌ಸಿ ಕೋಡ್ ತಿಳಿದುಕೊಳ್ಳಬಹುದು. ಇದಲ್ಲದೆ ನೀವು ಸಂದೇಶ ಕಳುಹಿಸುವ ಮೂಲಕ ಹೊಸ ಕೋಡ್ ಅನ್ನು ಸಹ ಪಡೆಯಬಹುದು. ಇದಕ್ಕಾಗಿ ನೀವು 'MIGR <Space> ಹಳೆಯ ಖಾತೆ ಸಂಖ್ಯೆಯ ಕೊನೆಯ 4 ಅಂಕೆಗಳು' ಎಂಬ ಸಂದೇಶದಲ್ಲಿ ಬರೆಯಬೇಕಾಗಿದೆ 'ಈಗ ಈ ಸಂದೇಶವನ್ನು ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ 8422009988 ಗೆ ಕಳುಹಿಸಿ ಐಎಫ್‌ಎಸ್‌ಸಿ ಕೋಡ್ ಪಡೆಯಬಹುದು. ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ... Android Link - https://bit.ly/3hDyh4G Apple Link - https://apple.co/3hEw2hy ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
