kangana ranaut net worth: ಬಾಲಿವುಡ್ ಕ್ವೀನ್‌ ಎಂದೇ ಕರೆಸಿಕೊಳ್ಳುವ ಕಂಗನಾ ರಣಾವತ್ ಸಿನಿರಂಗ, ರಾಜಕೀಯ ಎರಡರಲ್ಲೂ ಮಿಂಚುತ್ತಿರುವವರು. ನಟನೆ, ಸೌಂದರ್ಯ, ಮಾತು ಎಲ್ಲದರಿಂದಲೂ ಜನರ ಮೇಲೆ ಪ್ರಭಾವ ಬೀರಿದವರು ಕಂಗನಾ. ಇಂದು ಕಂಗನಾ ರಣಾವತ್ ನಟಿಸಿರುವ ಬಹು ನಿರೀಕ್ಷಿತ ಸಿನಿಮಾ ʻಎಮರ್ಜೆನ್ಸಿʼ ರಿಲೀಸ್‌ ಆಗಿದೆ. ಎಮರ್ಜೆನ್ಸಿ ಚಿತ್ರಕ್ಕೆ ಎಲ್ಲೆಡೆ ಉತ್ತಮ ರೆಸ್ಪಾನ್ಸ್‌ ಸಿಗುತ್ತಿದೆ. ಎಲ್ಲಾ ಕ್ಷೇತ್ರಗಳಲ್ಲಿ ಜನಪ್ರಿಯತೆ ಗಳಿಸುತ್ತಿರುವ ಕಂಗನಾ ಸಂಪತ್ತೆಷ್ಟು? ಎಂಬ ಚರ್ಚೆ ಶುರುವಾಗಿದೆ.
ಕಂಗನಾ ಉತ್ತಮ ಆರ್ಥಿಕ ಸ್ಥಿತಿ ಹೊಂದಿದ್ದ ಕುಟುಂಬದಿಂದಲೇ ಬಂದವರು. ಕಂಗನಾ ರಣಾವತ್ ಅವರ ಅಜ್ಜ ಐಎಎಸ್‌ ಅಧಿಕಾರಿ ಆಗಿದ್ದರು. ಕಂಗನಾ ರಣಾವತ್ ಕೂಡ ಕೋಟಿ ಗಟ್ಟಲೇ ಸಂಭಾವನೆ ಪಡೆಯುತ್ತಾರೆ. ಕಂಗನಾ ಮಾರ್ಚ್ 23, 1987 ರಂದು ಹಿಮಾಚಲ ಪ್ರದೇಶದ ಮಂಡಿ ಜಿಲ್ಲೆಯಲ್ಲಿ ಜನಿಸಿದರು. ಕಂಗನಾ ರಣಾವತ್ ಚುನಾವಣಾ ಆಯೋಗಕ್ಕೆ ನೀಡಿದ ಅಫಿಡವಿಟ್ ಪ್ರಕಾರ, ಅವರ ನಿವ್ವಳ ಮೌಲ್ಯ 90 ಕೋಟಿ ರೂ.ಗಳಿಗಿಂತ ಹೆಚ್ಚು ಎಂದು ಹೇಳಲಾಗಿದೆ.
12ನೇ ತರಗತಿ ಪಾಸ್ ಆಗಿರುವ ಬಾಲಿವುಡ್ ನಟಿ ಕಂಗನಾ ರಣಾವತ್ ಅವರ ಬಳಿ 2 ಲಕ್ಷ ರೂಪಾಯಿ ನಗದು. ಎಲ್ಲಾ ಬ್ಯಾಂಕ್ ಖಾತೆಗಳು, ಷೇರುಗಳು-ಡಿಬೆಂಚರ್‌ಗಳು ಮತ್ತು ಆಭರಣಗಳು ಸೇರಿದಂತೆ ಒಟ್ಟು ಚರ ಆಸ್ತಿ 28,73,44,239 ರೂ. ಇದೆ. ಸ್ಥಿರ ಆಸ್ತಿಯ ಮೌಲ್ಯ 62,92,87,000 ರೂ. ಆಗಿದೆ. ಕಂಗನಾ 17,38,00000 ರೂ. ಸಾಲವನ್ನು ಹೊಂದಿದ್ದಾರೆ.
ಚುನಾವಣಾ ಅಫಿಡವಿಟ್ ಪ್ರಕಾರ, ಕಂಗನಾ ರಣಾವತ್ ಬಳಿ 6 ಕೆಜಿ 700 ಗ್ರಾಂ ಚಿನ್ನದ ಆಭರಣಗಳಿದ್ದು, ಇವುಗಳ ಮೌಲ್ಯ ಸುಮಾರು 5 ಕೋಟಿ ರೂ. ಎಂದು ಹೇಳಲಾಗಿದೆ. ಇದಲ್ಲದೆ, ಅವರ ಬಳಿ 60 ಕೆಜಿ ಬೆಳ್ಳಿ ಇದ್ದು, ಅದರ ಮೌಲ್ಯ 50 ಲಕ್ಷ ರೂ. ಆಗಿದೆ. ಕೋಟಿ ರೂ.ಗಳಿಗೂ ಹೆಚ್ಚು ಮೌಲ್ಯದ ವಜ್ರಾಭರಣಗಳನ್ನು ಹೊಂದಿದ್ದಾರೆ.
ಕಂಗನಾ ದುಬಾರಿ ಮತ್ತು ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ. ಚುನಾವಣಾ ಆಯೋಗಕ್ಕೆ ನೀಡಿದ ಅಫಿಡವಿಟ್‌ನಲ್ಲಿ ಅವರು ಎರಡು ಕಾರುಗಳ ಬಗ್ಗೆ ಉಲ್ಲೇಖಿಸಿದ್ದಾರೆ. ಇವುಗಳಲ್ಲಿ ಒಂದು BMW 7-ಸರಣಿ ಮತ್ತು ಇನ್ನೊಂದು ಮರ್ಸಿಡಿಸ್ ಬೆಂಜ್ GLE SUV. ಈ ಎರಡು ಕಾರುಗಳ ಒಟ್ಟು ಬೆಲೆ 1.56 ಕೋಟಿ ರೂ. ಎಂದು ಹೇಳಲಾಗಿದೆ.
ಕಂಗನಾ ರನೌತ್ ಅವರ ಚರಾಸ್ತಿಗಳ ವಿವರಗಳನ್ನು ನೋಡಿದರೆ, ಅತ್ಯಂತ ವಿಶೇಷವಾದ ವಿಷಯವೆಂದರೆ ಅವರ ಹೆಸರಿನಲ್ಲಿ ಒಂದು ಅಥವಾ ಎರಡಲ್ಲ 50 ಎಲ್‌ಐಸಿ ಪಾಲಿಸಿಗಳಿವೆ. ಈ ಎಲ್ಲಾ ಪಾಲಿಸಿಗಳನ್ನು ಒಂದೇ ದಿನಾಂಕದಂದು ಅಂದರೆ ಜೂನ್ 4, 2008 ರಂದು ಖರೀದಿಸಲಾಗಿದೆ. ಅವರು ಷೇರುಗಳಲ್ಲಿಯೂ ಹೂಡಿಕೆ ಮಾಡಿದ್ದಾರೆ. ಮಣಿಕರ್ಣಿಕಾ ಫಿಲ್ಮ್ಸ್ ಪ್ರೈವೇಟ್ ಲಿಮಿಟೆಡ್‌ನ 9999 ಷೇರುಗಳನ್ನು ಹೊಂದಿದ್ದು, ಇದರಲ್ಲಿ ಅವರ ಒಟ್ಟು ಬಂಡವಾಳ ಹೂಡಿಕೆ ಮೊತ್ತ 1.20 ಕೋಟಿ ರೂ.ಗಳಿಗಿಂತ ಹೆಚ್ಚು.
ಕಂಗನಾ ರಣಾವತ್ ಬಾಲಿವುಡ್‌ನ ಅತ್ಯಂತ ಶ್ರೀಮಂತ ಮತ್ತು ದುಬಾರಿ ನಟಿಯರಲ್ಲಿ ಒಬ್ಬರೆಂದು ಪರಿಗಣಿಸಲಾಗಿದೆ. ವರದಿಗಳ ಪ್ರಕಾರ, ಕಂಗನಾ ಒಂದು ಚಿತ್ರ ಮಾಡಲು ಸುಮಾರು 15 ರಿಂದ 25 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಮತ್ತೊಂದೆಡೆ ಜಾಹೀರಾತನ ಮೂಲಕವೂ ಕಂಗನಾ ರಣಾವತ್ ಸಂಪಾದಿಸುತ್ತಾರೆ.
ವರದಿಗಳ ಪ್ರಕಾರ, ಕಂಗನಾ ರಣಾವತ್ ಒಂದು ಬ್ರ್ಯಾಂಡ್ ಅನ್ನು ಜಾಹೀರಾತು ಮಾಡಲು 3-3.5 ಕೋಟಿ ರೂ.ಗಳವರೆಗೆ ಶುಲ್ಕ ವಿಧಿಸುತ್ತಾರೆ. ಕಂಗನಾ ರಣಾವತ್ ನಿರ್ದೇಶಕಿ ಮತ್ತು ಚಲನಚಿತ್ರ ನಿರ್ಮಾಪಕಿಯೂ ಆಗಿದ್ದಾರೆ. ಅಲ್ಲದೇ ಈಗ ಕಂಗನಾ ರಣಾವತ್ ಸಂಸದೆ ಕೂಡ ಆಗಿದ್ದಾರೆ. ಇದೆಲ್ಲವೂ ಅವರ ಆದಾಯ ಏರಿಕೆಗೆ ಗಣನೀಯ ಕೊಡುಗೆ ನೀಡುತ್ತವೆ.
ಕೋಟಿಗಟ್ಟಲೆ ಆಸ್ತಿ ಹೊಂದಿರುವ ನಟಿ ಕಂಗನಾ ರಣಾವತ್ ಹಿಮಾಚಲ ಪ್ರದೇಶದ ಮನಾಲಿಯಲ್ಲಿ ಒಂದು ಐಷಾರಾಮಿ ಬಂಗಲೆ ಹೊಂದಿದ್ದು, ಇದರ ಮೌಲ್ಯ ಸುಮಾರು 25 ಕೋಟಿ ರೂ. ಆಗಿದೆ. ಮುಂಬೈನಲ್ಲಿ 5BHK ಅಪಾರ್ಟ್‌ಮೆಂಟ್ ಇದೆ, ಇದರ ಬೆಲೆ 15 ರಿಂದ 20 ಕೋಟಿ ರೂ. ಮುಂಬೈನ ಪಾಲಿ ಹಿಲ್‌ನಲ್ಲಿ ಕೋಟಿಗಟ್ಟಲೆ ಮೌಲ್ಯದ ದೊಡ್ಡ ಕಚೇರಿ ಸ್ಥಳವೂ ಇದೆ.
ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
