Kapil Sharma Life Story: ಭಾರತೀಯ ಚಿತ್ರರಂಗದಲ್ಲಿ ಹಾಸ್ಯವು ಯಾವಾಗಲೂ ಒಂದು ಪ್ರಕಾರದ ಕಲೆಯಾಗಿದೆ.. ಇದು ಯಾವುದೇ ಚಲನಚಿತ್ರದ ಯಶಸ್ಸಿಗೆ ಇದೂ ಕೂಡ ಪ್ರಮುಖ ಕಾರಣವೆಂದು ಹೇಳಲಾಗುತ್ತದೆ.. ಮೆಹಮೂದ್, ಜಾನಿ ವಾಕರ್, ಓಂಪ್ರಕಾಶ್ ನಂತರ ಜಾನಿ ಲಿವರ್ ರಂತಹ ಹಾಸ್ಯ ಕಲಾವಿದರು ಹಿಂದಿ ಚಿತ್ರಗಳ ಪ್ರೇಕ್ಷಕರನ್ನು ನಗೆಗಡಲಲ್ಲಿ ತೇಲಿಸಿದರು. ಆದರೆ ಇದರ ನಂತರ ಸ್ಟ್ಯಾಂಡ್ ಅಪ್ ಕಾಮಿಡಿ ಮತ್ತು ಲೈವ್ ಕಾಮಿಡಿ ಶೋಗಳ ಯುಗ ಪ್ರಾರಂಭವಾಯಿತು. ಅದಕ್ಕೆ ಗುರುತನ್ನು ನೀಡಿದ ಈ ವ್ಯಕ್ತಿ ಇಂದು ಪ್ರತಿ ಮನೆಯಲ್ಲೂ ವಿಶೇಷವಾದ ಗುರುತನ್ನು ಹೊಂದಿದ್ದಾನೆ. ಸದ್ಯ ನಾವು ನಟ ಮತ್ತು ಹಾಸ್ಯನಟ ಕಪಿಲ್ ಶರ್ಮಾ ಬಗ್ಗೆ ಮಾತನಾಡುತ್ತಿದ್ದೇವೆ.
ಸ್ಟ್ಯಾಂಡ್-ಅಪ್ ಕಾಮಿಡಿಯೊಂದಿಗೆ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ ಕಪಿಲ್ ಶರ್ಮಾ ಇಂದು ಬಾಲಿವುಡ್‌ನ ವಿಶೇಷ ತಾರೆಗಳಲ್ಲಿ ಒಬ್ಬರು. ಹಲವು ಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಕಪಿಲ್ ಶರ್ಮಾ ಇಂದು ತಮ್ಮ ಹೊಸ ಶೋ ಮೂಲಕ ಪ್ರೇಕ್ಷಕರಿಗೆ ಕಚಗುಳಿ ಇಡುತ್ತಿದ್ದಾರೆ. ಆದರೆ ಅವರ ಯಶಸ್ಸಿನ ಹಿಂದಿನ ಪಯಣ ಅಷ್ಟೊಂದು ಸುಲಭವಾಗಿರಲಿಲ್ಲ.
ಇದನ್ನೂ ಓದಿ-Pranitha Subhash: ಮುದ್ದು ಮಗಳ 2ನೇ ಜನ್ಮದಿನದ ಸಂಭ್ರಮದಲ್ಲಿ ಸ್ಯಾಂಡಲ್‌ವುಡ್‌ ಮಿಲ್ಕಿ ಬ್ಯೂಟಿ!
ಇಂದು ಕಪಿಲ್ ಶರ್ಮಾ ಎಲ್ಲವನ್ನೂ ಹೊಂದಿದ್ದಾರೆ.. ಹೆಸರು, ಖ್ಯಾತಿ ಮತ್ತು ಸಂಪತ್ತು. ಐಷಾರಾಮಿ ಮನೆ, ದುಬಾರಿ ಕಾರುಗಳ ಸಂಗ್ರಹ ಮತ್ತು ಅಸಂಖ್ಯಾತ ವೀಕ್ಷಕರ ಪ್ರೀತಿ. ಆದರೆ ಅವರು ಲೋಕಲ್ ಟ್ರೈನ್‌ಗಳಲ್ಲಿ ಪ್ರಯಾಣಿಸಬೇಕಾದ ಸಮಯವಿತ್ತು.
ಅಷ್ಟೇ ಅಲ್ಲ, ಹಲವು ಬಾರಿ ಕಪಿಲ್ ಬಳಿ ಟಿಕೆಟ್ ಗೆ ಹಣವೂ ಇರಲಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ಅವರು ಕಳ್ಳರಂತೆ ಪ್ರಯಾಣಿಸಬೇಕಾಯಿತು. ಹೋರಾಟದ ದಿನಗಳಲ್ಲಿ ಕಪಿಲ್ ಅನೇಕ ಸಣ್ಣಪುಟ್ಟ ಕೆಲಸಗಳನ್ನು ಮಾಡಿಕೊಂಡು ಬದುಕಿದ್ದರು ಎಂಬುದು ಕೆಲವೇ ಜನರಿಗೆ ತಿಳಿದಿದೆ..
ನಂದಿತಾ ದಾಸ್ ಅಭಿನಯದ ‘ಝ್ವಿಗಾಟೊ’ ಚಿತ್ರದಲ್ಲಿ ಕಪಿಲ್ ಶರ್ಮಾ ಡೆಲಿವರಿ ಬಾಯ್ ಆಗಿ ನಟಿಸಿರುವುದು ಎಲ್ಲರಿಗೂ ಗೊತ್ತೇ ಇದೆ. ಕಪಿಲ್ ಶರ್ಮಾ ಅವರ ಈ ಚಿತ್ರದಲ್ಲಿ, ಫುಡ್ ಡೆಲಿವರಿ ಕಂಪನಿಯ ಡೆಲಿವರಿ ಬಾಯ್ ಆಗಿರುವ ವ್ಯಕ್ತಿಯ ಜೀವನದ ಸಮಸ್ಯೆಗಳು ಹೇಗಿರುತ್ತವೆ ಎನ್ನುವದನ್ನು ತೋರಿಸಲಾಗಿತ್ತು.. ಆದರೆ ನಿಜಜೀವನದಲ್ಲೂ ನಟ ಅಂತಹ ಕೆಲಸ ಮಾಡಿದ್ದಾರೆ. ಕಪಿಲ್ ಇಂದು ಅವರು ಕೋಟಿ ಮೌಲ್ಯದ ಮನೆ ಮತ್ತು ಐಷಾರಾಮಿ ಕಾರುಗಳ ಒಡೆಯರಾಗಿದ್ದಾರೆ... ವರದಿಗಳನ್ನು ನಂಬುವುದಾದರೆ, ಕಪಿಲ್ 330 ಕೋಟಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ.
