Vinay And Karthik: ಬಿಗ್ಬಾಸ್ ಕನ್ನಡ 10 ರ ಶೋ ಆರಂಭವಾಗಿ ಎಂಟು ವಾರಗಳು ಉರುಳಿದ್ದು, ಶುರುವಿನಲ್ಲಿ ದೊಡ್ಮನೆಯೊಳಗೆ ಒಟ್ಟು 17 ಸ್ಪರ್ಧಿಗಳು ಲಾಕ್ ಆಗಿದ್ದರು. ಕೆಲವರು ಕೆಲವರಿಗೆ ಮುಂಚಿನಿಂದಲೇ ಪರಿಚಯದವರಾಗಿದ್ದರೆ, ಇನ್ನೂ ಕೆಲವರಿಗೆ ಎಲ್ಲರೂ ಹೊಸ ಪರಿಚಯವೇ. ಕಳೆದ ವಾರ ಬಿಗ್ಬಾಸ್ ಮನೆಯಿಂದ ನೀತು ವನಜಾಕ್ಷಿ ಔಟ್ ಆದ ಬಳಿಕ, ನಿನ್ನೆ ಮೈಕಲ್ "ನೀತು ಮತ್ತು ನಾನು 6 ವರ್ಷಗಳಿಂದ ಸ್ನೇಹಿತರು" ಎಂದು ಹೇಳಿದ್ದಾರೆ. ಇದನ್ನ ಕೇಳಿಸಿಕೊಂಡ ಸಿರಿ ಆಶ್ಚರ್ಯ ವ್ಯಕ್ತಪಡಿಸಿದರೇ,ಇತ್ತ ವಿನಯ್ಗೆ ಬೇಸರ ಉಂಟಾಗಿದೆ.
ಹೌದು.. ಬಿಗ್ಬಾಸ್ ಮನೆಯಲ್ಲಿ ನೀತು ಕುರಿತಾಗಿ ಮೈಕಲ್ ಹಾಗೂ ಸಿರಿ ಮಧ್ಯೆ ನಡೆಯುತ್ತಿರುವಾಗ,ಮೈಕಲ್ ನೀತು ಮತ್ತು ನಾನು 6 ವರ್ಷಗಳಿಂದ ಸ್ನೇಹಿತರು ಎಂದರು. ಅದಕ್ಕೆ ಸಿರಿ ಹೌದ ಎಂದು ಪ್ರತಿಕ್ರಿಯಿಸಿದಾಗ ಮೈಕಲ್ ಹೌದು.. ನೀತುನೇ ನನಗೆ ಕೈ ಮೇಲೆ ಟ್ಯಾಟೂ ಹಾಕಿರೋದು, ಗೊತ್ತಿಲ್ವಾ ನಿಮಗೆ? ಅವರ ಟ್ಯಾಟೂ ಸ್ಟುಡಿಯೋ ಇರೋದು ನಮ್ಮ ಮನೆಯ ಹತ್ತಿರವೇ. ನೀತು ಟ್ರಾನ್ಸ್ಫಾರ್ಮ್ ಆಗೋಕೂ ಮುಂಚಿನಿಂದಲೇ ನನಗೆ ಗೊತ್ತು. ಮಂಜುನಾಥ್ ಆಗಿದ್ದ ಕಾಲದಿಂದಲೂ ಗೊತ್ತು ಎಂದು ಹೇಳಿದರು. ಅದಕ್ಕೆ ವಿನಯ್, ಅವರಿಬ್ಬರೂ ಮಾಡೆಲಿಂಗ್ ಫ್ರೆಂಡ್ಸ್ ಎಂದು ಹೇಳಿದರು.
ಇದನ್ನೂ ಓದಿ: Bigg Boss Kannada: ಡ್ರೋಣ್ ಪ್ರತಾಪ್ಗೆ ಕಳಪೆ ಪಟ್ಟ!
ಮೈಕಲ್ ಹಾಗೂ ನೀತು ಫ್ರೆಂಡ್ಸ್ ಅಂತ ಕೇಳಿದ್ಮೇಲೆ ವಿನಯ್ ಬಿಗ್ಬಾಸ್ಗೆ "ಏನ್ ಬಿಗ್ಬಾಸ್.. ಎಲ್ಲರಿಗೂ ಒಳ್ಳೊಳ್ಳೆ ಫ್ರೆಂಡ್ಸ್ ಕಳುಹಿಸಿದ್ದೀರಾ. ನನಗೆ ಮಾತ್ರ ಈ ಹಾಳ್ಬಿದ್ದವನ್ನ ಕಳಿಸಿದ್ದೀರಲ್ಲ. ನನಗೂ ಒಂದೊಳ್ಳೆ ಫ್ರೆಂಡ್ಸ್ ಕಳುಹಿಸಿದ್ದರೆ ಏನಾಗುತ್ತಿತ್ತು? ನನಗೆ ಪರಿಚಯ ಇರೋರೆಲ್ಲಾ ಇಂಥ ಬೆನ್ನಿಗೆ ಚೂರಿ ಹಾಕುವವರೇ ಸಿಕ್ಕಿದ್ದಾರೆ. ಇಲ್ಲಿ ಬಂದು ಫ್ರೆಂಡ್ಸ್ ಆಗಿರೋರೇ ಥಿಕ್ ಫ್ರೆಂಡ್ಸ್ ಆಗವ್ರೆ. ಗೊತ್ತಿಲ್ಲದಿರುವ ದುಶ್ಮನ್ಗಿಂತ ಗೊತ್ತಿರೋ ಫ್ರೆಂಡ್ ತುಂಬಾ ಡೇಂಜರಸ್ ಅಂತೆ" ಎಂದು ತಮ್ಮ ಅಸಮಾಧಾನವನ್ನ ಹೊರಹಾಕಿದರು.
ಇತ್ತ ವಿನಯ್ ತನಿಷಾ ಅವರ ಪ್ರೊಟೀನ್ನನ್ನು ಕಾರ್ತಿಕ್ ಎತ್ತಿಟ್ಟಿದ್ದಕ್ಕೆ ಗರಂ ಆಗಿದ್ದು, "ಎತ್ತಿಟ್ಟುಕೊಂಡು, ಬಚ್ಚಿಟ್ಟುಕೊಂಡು ಚಿಲ್ಲರೆ ತರಹ ಆಡೋದಿಲ್ಲ" ಎಂದು ಕಾರ್ತಿಕ್ ಬಗ್ಗೆ ವಿನಯ್ ಹೇಳಿದರು. ಈ ವೇಳೆ ವಿನಯ್ - ಕಾರ್ತಿಕ್ ಮಧ್ಯೆ ಮಾತಿನ ಚಕಮಕಿ ನಡೆಯಿತು. ವಿನಯ್ಗೆ ಮುಂಚಿನಿಂದಲೂ ಕಾರ್ತಿಕ್ ಹಾಗೂ ಸಂಗೀತಾ ಪರಿಚಿತರಾಗಿದ್ದರು, ಯಾಕೋ ಬಿಗ್ಬಾಸ್ ಮನೆಯಲ್ಲಿ ವಿನಯ್ - ಕಾರ್ತಿಕ್ ಮತ್ತು ಸಂಗೀತಾ ಮಧ್ಯೆ ಎಲ್ಲವೂ ಸರಿಯಿಲ್ಲ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.