Swachhatta Abhiyana 3.0: ಇತ್ತೀಚೆಗೆ ಸ್ವಚ್ಛತಾ ಅಭಿಯಾನದ ವೇಳೆ ಕಚೇರಿಯ ಸ್ವಚ್ಚತೆ ಮಾಡುವ ಮೂಲಕ ಕೇಂದ್ರವು 500 ಕೋಟಿ ರೂ.ಗಳನ್ನು ಗಳಿಸಿದೆ . 2021 ರಿಂದ 2023 ರವರೆಗೆ ಸರ್ಕಾರ ನಡೆಸಿದ ಅಭಿಯಾನಗಳಲ್ಲಿ, ಕಚೇರಿಯ ಅವಶೇಷಗಳನ್ನು ವಿಲೇವಾರಿ ಮಾಡುವ ಮೂಲಕ 1,100 ಕೋಟಿ ರೂಪಾಯಿ ಆದಾಯವನ್ನು ಗಳಿಸಲಾಗಿದೆ ಎಂದು ಅದು ಹೇಳಿದೆ. ಮೂರನೇ ವಿಶೇಷ ಅಭಿಯಾನವು ಈ ವರ್ಷದ ಅಕ್ಟೋಬರ್ 2-31 ರ ಅವಧಿಯಲ್ಲಿ 500 ಕೋಟಿ ರೂಪಾಯಿ ಆದಾಯವನ್ನು ಗಳಿಸಿದೆ ಎಂದು ಸಿಬ್ಬಂದಿ ಸಚಿವಾಲಯದ ಹೇಳಿಕೆ ತಿಳಿಸಿದೆ.
"ವಿಶೇಷ ಅಭಿಯಾನ 3.0 ಅಡಿಯಲ್ಲಿ 2.53 ಲಕ್ಷಕ್ಕೂ ಹೆಚ್ಚು ಸೈಟ್‌ಗಳಲ್ಲಿ ಸ್ವಚ್ಛತಾ ಅಭಿಯಾನಗಳನ್ನು ಕೈಗೊಂಡಿದೆ ಹಾಗೂ ಪರಿಣಾಮಕಾರಿ ಕಚೇರಿ ಬಳಕೆಗಾಗಿ 154 ಲಕ್ಷ ಚದರ ಅಡಿ ಜಾಗವನ್ನು ಮುಕ್ತಗೊಳಿಸಿದೆ.
2022 ರಲ್ಲಿ 1.01 ಲಕ್ಷ ಸೈಟ್‌ಗಳಿಗೆ ಸ್ವಚ್ಛತಾ ಅಭಿಯಾನಗಳನ್ನು ಕೈಗೊಂಡರೆ, 2023 ರಲ್ಲಿ 2.53 ಲಕ್ಷಕ್ಕೂ ಹೆಚ್ಚು ಸೈಟ್‌ಗಳನ್ನು ಒಳಗೊಂಡಿದ್ದು, ವಿಶೇಷ ಅಭಿಯಾನದ ಪ್ರಮಾಣವು ಪ್ರತಿ ವರ್ಷ ಕಳೆದಂತೆ ಹೆಚ್ಚುತ್ತಿದೆ" ಎಂದು ಕೇಂದ್ರ ಸಿಬ್ಬಂದಿ ಖಾತೆ ರಾಜ್ಯ ಸಚಿವ ಜಿತೇಂದ್ರ ಸಿಂಗ್ ಹೇಳಿದ್ದಾರೆ.
ಇದನ್ನುಓದಿ: "ದೇಶದ ಒಕ್ಕೂಟ ವ್ಯವಸ್ಥೆ ಉಳಿಯಬೇಕಾದರೆ ಕೇಂದ್ರದಲ್ಲಿ I.N.D.I.A ಬಣ ಅಧಿಕಾರಕ್ಕೆ ಬರಬೇಕು"-ಸಿಎಂ ಸ್ಟಾಲಿನ್
ಅಕ್ಟೋಬರ್ 31 ರಂದು ವಿಶೇಷ ಅಭಿಯಾನ 3.0 ಅನ್ನು ಯಶಸ್ವಿಯಾಗಿ ಮುಕ್ತಾಯಗೊಳಿಸಿದೆಯೆಂದು ಘೋಷಿಸಿದ್ದು, ಇದು ಸ್ವಚ್ಛತೆಯನ್ನು ಸಾಂಸ್ಥಿಕಗೊಳಿಸುವ ಮತ್ತು ಸರ್ಕಾರಿ ಕಚೇರಿಗಳಲ್ಲಿ ಪೆಂಡೆನ್ಸಿಯನ್ನು ಕಡಿಮೆ ಮಾಡುವ ಭಾರತದ ಅತಿದೊಡ್ಡ ಅಭಿಯಾನವಾಗಿದೆ ಎಂದು ಸಿಂಗ್ ಹೇಳಿದರು.ಇದು ಅನೇಕ ಉತ್ತಮ ಅಭ್ಯಾಸಗಳು ಮತ್ತು ಮೈಲಿಗಲ್ಲುಗಳಿಗೆ ಸಾಕ್ಷಿಯಾಗಿದೆ ಎಂದು ಸಹ ಹೇಳಿದ್ದಾರೆ. ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ನಿರ್ದೇಶನಗಳಿಂದ ಪ್ರೇರಿತರಾಗಿ, ವಿಶೇಷ ಅಭಿಯಾನ 3.0 ರಲ್ಲಿ ಸ್ಯಾಚುರೇಶನ್ ವಿಧಾನವನ್ನು ಅಳವಡಿಸಿಕೊಳ್ಳಲಾಗಿದ್ದು, ಇದು ಭಾರತದ ದೂರದ ಭಾಗಗಳಲ್ಲಿಯೂ ಸಹ 2.53 ಲಕ್ಷಕ್ಕೂ ಹೆಚ್ಚು ಕಚೇರಿಗಳನ್ನು ಒಳಗೊಂಡಿದೆ ಎಂದು ಹೇಳಿದರು.
ವಿಶೇಷ ಅಭಿಯಾನ 3.0 ರ ಆವೇಗವನ್ನು ವರ್ಷವಿಡೀ ಮುಂದುವರೆಸಿ, ಅದನ್ನು ಜೀವನ ಭಾಗವನ್ನಾಗಿ ಮಾಡಿಕೊಳ್ಳುವಂತೆ ಸಚಿವರು ಎಲ್ಲಾ ಅಧಿಕಾರಿಗಳಿಗೆ ಕರೆ ನೀಡಿದರು. "ವಿಶೇಷ ಅಭಿಯಾನ 3.0 ಅಕ್ಟೋಬರ್ 31, 2023 ರಂದು ಮುಕ್ತಾಯಗೊಂಡಿದೆ, ಅತ್ಯುತ್ತಮ ಫಲಿತಾಂಶಗಳೊಂದಿಗೆ ಮತ್ತು ಎಲ್ಲಾ ಡೇಟಾವನ್ನು ಒಟ್ಟುಗೂಡಿಸಿದ ನಂತರ, ಮೌಲ್ಯಮಾಪನ ಹಂತವು ನವೆಂಬರ್ 10, 2023 ರಿಂದ ಪ್ರಾರಂಭವಾಗುತ್ತದೆ" ಎಂದು ಹೇಳಿದರು.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
