Upadhyaksha Trailer: ಹೊಸ ವರ್ಷದ ಮೊದಲ ಬಹುನಿರೀಕ್ಷಿತ ಸಿನಿಮಾ 'ಉಪಾಧ್ಯಕ್ಷ' ಇದೇ ತಿಂಗಳ ಕೊನೆಯಲ್ಲಿ ತೆರೆಕಾಣಲು ಸಜ್ಜಾಗುತ್ತಿದ್ದು, ಸದ್ಯ ಚಿತ್ರತಂಡ ಟ್ರೇಲರ್‌ ರಿಲೀಸ್ ಮಾಡಿದೆ. ಹತ್ತು ವರ್ಷಗಳ ಹಿಂದೆ ಬಂದಿದ್ದ 'ಅಧ್ಯಕ್ಷ' ಸಿನಿಮಾ ಸೂಪರ್ ಹಿಟ್ ಆಗಿದ್ದು, ಅದರಲ್ಲಿ ಶರಣ್ ಹಾಗೂ ಚಿಕ್ಕಣ್ಣ ಕಾಮಿಡಿಗೆ ಪ್ರೇಕ್ಷಕರು ಫಿದಾ ಆಗಿದ್ದರು. ಹೊಟ್ಟೆ ಹುಣ್ಣಾಗುವಂತೆ ನಕ್ಕು ಸುಸ್ತಾಗುವಷ್ಟು ಹಾಸ್ಯವುದ್ದು, ಇದೀಗ ಹೆಚ್ಚು ಕಡಿಮೆ ಅದೇ ದಾಟಿಯಲ್ಲಿ 'ಉಪಾಧ್ಯಕ್ಷ' ಚಿತ್ರ ನಿರ್ಮಾಣವಾಗಿದೆ. 'ಉಪಾಧ್ಯಕ್ಷ'ನ ಕಥೆಯೂ'ಗೆಜ್ಜೆಪುರ'ದಲ್ಲೇ ಮುಂದುವರೆಯುತ್ತಿದ್ದು, ಒಂದರ್ಥದಲ್ಲಿ ಇದು ಹಿಂದಿನ ಸಿನಿಮಾ ಸೀಕ್ವೆಲ್ ಎನ್ನಬಹುದು.
ಅಧ್ಯಕ್ಷ ಸಿನಿಮಾದಲ್ಲಿ ನಾಯಕಿ ಐಶ್ವರ್ಯ ಸ್ನೇಹಿತೆ ನಾಗರತ್ನನ ಪ್ರೀತಿಸಿ 'ಉಪಾಧ್ಯಕ್ಷ'ರು ಮೋಸ ಹೋಗಿದ್ದು, ಆದರೆ ಈ ಬಾರಿ ಗೌಡರ ಮಗಳನ್ನೇ ಲವ್ ಮಾಡಿ ಕರೆದುಕೊಂಡು ಓಡಿಹೋಗುವ ಕಥೆ ಚಿತ್ರದಲ್ಲಿದೆ. 'ಹಿಟ್ಲರ್ ಕಲ್ಯಾಣ' ಧಾರಾವಾಹಿ ಖ್ಯಾತಿಯ ನಟಿ ಮಲೈಕಾ ಚಿತ್ರದಲ್ಲಿ ಚಿಕ್ಕಣ್ಣಿಗೆ ಜೋಡಿಯಾಗಿದ್ದು, ಇನ್ನುಳಿದಂತೆ ಶಿವರುದ್ರೆ ಗೌಡನ ಪಾತ್ರದಲ್ಲಿ ಆರ್ಮುಗ ರವಿಶಂಕರ್ ಮತ್ತೆ ಅಬ್ಬರಿಸಿದ್ದಾರೆ. ಸಾಧುಕೋಕಿಲ, ಕರಿಸುಬ್ಬು ಸೇರಿದಂತೆ ದೊಡ್ಡ ಕಲಾವಿದರ ದಂಡೇ ಚಿತ್ರದಲ್ಲಿದ್ದು, ಇನ್ನು ಶರಣ್ ಕೂಡ 'ಅಧ್ಯಕ್ಷ'ರ ಪಾತ್ರದಲ್ಲಿ ಕೆಲವೊತ್ತು 'ಉಪಾಧ್ಯಕ್ಷ'ರಿಗೆ ಸಾಥ್ ಕೊಟ್ಟಿದ್ದಾರೆ.
ಇದನ್ನೂ ಓದಿ: ಮನೋಜ್ ಹುಟ್ಟುಹಬ್ಬಕ್ಕೆ ಬಂತು ಧರಣಿ ಕಲಾತ್ಮಕ ಪೋಸ್ಟರ್!
ಟ್ರೈಲರ್ ಕೊನೆಯಲ್ಲಿ ಚಿಕ್ಕಣ್ಣ 'KGF' ರಾಕಿಭಾಯ್ ಗೆಟಪ್‌ನಲ್ಲಿ ಕಾಣಿಸಿಕೊಂಡು ಗಮನ ಸೆಳೆದಿದ್ದು, 'ಉಪಾಧ್ಯಕ್ಷ' ಟ್ರೈಲರ್ ಅಲ್ಲಲ್ಲಿ 'ಅಧ್ಯಕ್ಷ' ಚಿತ್ರವನ್ನೇ ನೆನೆಪಿಸುತ್ತದೆ. ಮತ್ತದೇ ಕಥೆ ಎನ್ನುವುದು ಗೊತ್ತಾಗುತ್ತಿದ್ದು, ಇನ್ನು ಕಾಮಿಡಿ ಪಂಚ್‌ಗಳು ಅಷ್ಟಾಗಿ ವರ್ಕ್ ಆಗಿಲ್ಲ ಎನ್ನುವುದು ಕೆಲವರ ವಾದ. ಉಮಾಪತಿ ಶ್ರೀನಿವಾಸ್ ಚಿತ್ರವನ್ನು ನಿರ್ಮಾಣ ಮಾಡಿದ್ದು ಚಿಕ್ಕಣ್ಣ ಮೊದಲ ಬಾರಿಗೆ ಹೀರೊ ಆಗಿ ಪ್ರೇಕ್ಷಕರ ಮುಂದೆ ಬರ್ತಿದ್ದಾರೆ.
ಅರ್ಜುನ್ ಜನ್ಯಾ ಮ್ಯೂಸಿಕ್, ಶೇಖರ್ ಚಂದ್ರ ಛಾಯಾಗ್ರಹಣ 'ಉಪಾಧ್ಯಕ್ಷ' ಚಿತ್ರಕ್ಕಿದೆ.
ಹ್ಯಾಟ್ರಿಕ್‌ ಹೀರೋ ಶಿವರಾಜ್‌ಕುಮಾರ್ 'ಉಪಾಧ್ಯಕ್ಷ' ಸಿನಿಮಾ ಟ್ರೈಲರ್ ಲಾಂಚ್ ಮಾಡಿ ಚಿತ್ರತಂಡಕ್ಕೆ ಶುಭಕೋರಿದ್ದಾರೆ. ಎಲ್ಲ ಅಂದುಕೊಂಡಂತೆ ಆಗಿದ್ದರೆ ಇನ್ನು ಬೇಗ ಸಿನಿಮಾ ರಿಲೀಸ್ ಆಗಬೇಕಿದ್ದು, ಆದರೆ ಕಾರಣಾಂತರಗಳಿಂದ ತಡವಾಗಿತ್ತು. ಜನವರಿ 26ರಂದು ಗಣರಾಜ್ಯೋತ್ಸವ ಸಂಭ್ರಮದಲ್ಲಿ ತೆರೆಮೇಲೆ 'ಉಪಾಧ್ಯಕ್ಷ'ರ ಕ್ವಾಟ್ಲೆ ಶುರುವಾಗಲಿದೆ. 'ದಿಲ್‌ವಾಲಾ' ಸಿನಿಮಾ ಖ್ಯಾತಿಯ ಅನಿಲ್ ಕುಮಾರ್ 'ಉಪಾಧ್ಯಕ್ಷ' ಕಥೆ ಕಟ್ಟಿಕೊಟ್ಟಿದ್ದಾರೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://tinyurl.com/7jmvv2nz
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.
