Prabhas Salaar movie review : ರೆಬೆಲ್ ಸ್ಟಾರ್ ಪ್ರಭಾಸ್ ನಟನೆಯ ಸಲಾರ್ ಸಿನಿಮಾ ತೆರೆಮೇಲೆ ಅಬ್ಬರಿಸಿ ಬೊಬ್ಬಿರಿದಿದೆ. ಸಲಾರ್ ಸಿನಿಮಾವನ್ನ ಸ್ಟಾರ್ ಡೈರೆಕ್ಟರ್ ಪ್ರಶಾಂತ್ ನೀಲ್ ಹೇಗೆ ಮಾಡಿದ್ದಾರೆ ಅನ್ನೋ ಕುತೂಹಲ ಖಂಡಿತ ಎಲ್ಲರಿಗೂ ಇತ್ತು. ಮೊದಲಾರ್ಧ ಕೆಲವು ಸೀನ್ ಗಳನ್ನ ನೋಡಿದ್ರೆ ಉಗ್ರಂ ಸಿನಿಮಾ ಖಂಡಿತ ನಿಮಗೆ ನೆನಪಾಗುತ್ತೆ. ಪ್ರಭಾಸ್ ಗೆ ಡೈಲಾಗ್ ಗಿಂತ ಹೆಚ್ಚು ಆಕ್ಷನ್ ಮೂಲಕವೇ ನಿಮ್ಮನ್ನ ರಂಜಿಸುತ್ತಾರೆ.
ಮಾಸ್ ಆಡಿಯನ್ಸ್ ಗೆ ಸಲಾರ್ ಸಿನಿಮಾ ಹೇಳಿಮಾಡಿಸಿದ್ದು ಅಂದ್ರೆ ತಪ್ಪಿಲ್ಲ. ಜೊತೆಗೆ ನೀವು ಕೊಡೋ ಪೈಸೆಗೂ ಈ ಸಿನಿಮಾ ಮೋಸ ಮಾಡೋಲ್ಲ ಅನ್ನೋದನ್ನ ಕನ್ಫರ್ಮ್ ಆಗಿ ಹೇಳಿಬಿಡಬಹುದು. ತಾಯಿ ಸೆಂಟಿಮೆಂಟ್, ಗೆಳೆತನ ಇವೂ ನಮ್ಮನ್ನ ಹೆಚ್ಚಾಗಿ ಕಾಡುತ್ತೆ. ಪೃಥ್ವಿರಾಜ್ ಮತ್ತು ಪ್ರಭಾಸ್ ಕಾಂಬೋ ಸಖತ್ ಆಗೇ ವರ್ಕೌಟ್ ಆಗಿದೆ. ಕಾನ್ಸಾರ್ ಪ್ರಾಂತ್ಯದಲ್ಲಿ ನಡೆಯೋ ಕಾಳಗ ಕಣ್ಣಿಗೆ ಹಬ್ಬವೇ ಸರಿ.
ಇದನ್ನೂ ಓದಿ:BBK10: ಬಿಗ್‌ ಬಾಸ್‌ ಮನೆಯಲ್ಲಿ ಲಕ್ಷುರಿ ಖರೀದಿಗಾಗಿ ಜಟಾಪಟಿ
ಮೊದಲಾರ್ಧ ಎಲ್ಲೂ ಬೋರು ಮತ್ತು ತಲೆನೋವು ಅನ್ನೋಕೆ ಜಾಗವನ್ನೇ ಕೊಡಲಿಲ್ಲ. ಸೆಕೆಂಡ್ ಹಾಫ್ ಖಂಡಿತ ತುಂಬಾ ಲಾಂಗ್ ಮತ್ತು ತಲೆನೋವು ಅನಿಸಲುಬಹುದು ಅಥವಾ ಅನಿಸದೆ ಇರಲುಬಹುದು. ಅದು ನಿಮ್ಮ ನೋಟಕ್ಕೆ ಬಿಟ್ಟಿದ್ದು. ಬಟ್ ಮೇಕಿಂಗ್ ಅದ್ಭುತ, ಕ್ಯಾಮೆರಾ ವರ್ಕ್, ಬಿಜಿಎಂ, ಸೆಟ್ ಹಾಗೂ ಕಾಸ್ಟುಮ್ ಎಲ್ಲವೂ ಆಹಾಓಹೋ ಅನ್ನೋ ಹಾಗೆಯೇ ಇದೆ. ಅದರಲ್ಲೂ ಮುಖ್ಯವಾಗಿ ಕನ್ನಡ ಕಲಾವಿದರಿಗೂ ಇಲ್ಲಿ ಹೆಚ್ಚು ಆದ್ಯತೆ ಕೊಟ್ಟಿದ್ದಾರೆ.
ಡಾರ್ಲಿಂಗ್' ಪ್ರಭಾಸ್ ಅವರ ಅಭಿಮಾನಿಗಳಿಗೆ 'ಸಲಾರ್' ಹಬ್ಬವೇ ಸರಿ. ಕಳೆದ ಮೂರ್ನಾಲ್ಕು ವರ್ಷಗಳಿಂದ ಫ್ಯಾನ್ಸ್ ಎಂಜಾಯ್‌ ಮಾಡುವಂತಹ ಸಿನಿಮಾಗಳು ಪ್ರಭಾಸ್ ಕಡೆಯಿಂದ ಸಿಕ್ಕಿರಲಿಲ್ಲ. 'ಸಲಾರ್'ನಿಂದ ಅದು ಸಾಧ್ಯವಾಗಿದೆ. ಆದರೆ ಪ್ರಭಾಸ್ ನಟಿಸುವುದಕ್ಕಿಂತ ಹೆಚ್ಚಾಗಿ, ಕೊಚ್ಚುವುದು, ಚಚ್ಚುವುದನ್ನೇ ಜಾಸ್ತಿ ಮಾಡಿದ್ದಾರೆ. ವರದರಾಜ್ ಮನ್ನಾರ್ ಪಾತ್ರದಲ್ಲಿ ಪೃಥ್ವಿರಾಜ್ ಸುಕುಮಾರನ್ ನಟನೆ ಗಮನಾರ್ಹವಾಗಿದೆ.
ಇದನ್ನೂ ಓದಿ:ನಟಿ ಸುಧಾರಾಣಿ ಎರಡನೇ ಗಂಡ ಯಾರು ಗೊತ್ತೇ.!
ಮೌನ, ಕೋಪ, ತಾಳ್ಮೆ, ಪ್ರೀತಿ ಎಲ್ಲವನ್ನೂ ತಮ್ಮ ನಟನೆಯಲ್ಲಿ ತೋರ್ಪಡಿಸುವ ಪೃಥ್ವಿರಾಜ್ ಇಷ್ಟವಾಗುತ್ತಾರೆ. ನಾಯಕಿ ಶ್ರುತಿ ಹಾಸನ್‌ಗೆ ಸೆಕೆಂಡ್ ಹಾಫ್‌ನಲ್ಲಿ ಜಾಸ್ತಿ ಕೆಲಸವಿಲ್ಲ. ಜಗಪತಿ ಬಾಬು, ಈಶ್ವರಿ ರಾವ್, ಜಾನ್ ವಿಜಯ್‌, ಟಿನ್ನು ಆನಂದ್, ಬ್ರಹ್ಮಾಜಿ, ಮೈಮ್ ಗೋಪಿ ಮುಂತಾದವರು ತಮ್ಮ ತಮ್ಮ ಪಾತ್ರಗಳಿಗೆ ಜೀವ ತುಂಬಿದ್ದಾರೆ. ಇಡೀ ಸಿನಿಮಾಗೆ ಟ್ವಿಸ್ಟ್‌ ಕೊಡುವ ಪಾತ್ರದಲ್ಲಿ ಬಾಬಿ ಸಿಂಹ ನಟನೆ ಗಮನಸೆಳೆಯುತ್ತದೆ . ಸಿನಿಮಾ ಎಂಡಿಂಗ್ ಕೂಡ ಯಾಕೋ ಖುಷಿಕೊಡಲಿಲ್ಲ. ಸಲಾರ್ ಪಾರ್ಟ್ 2 ನಲ್ಲಿ ಕಥೆ ಹೇಗೆ ಮುಂದುವರೆಯುತ್ತೆ ಅನ್ನೋ ಕುತೂಹಲ ಖಂಡಿತ ಇದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
