Nora Fatehi : ಕಾಡಿನಲ್ಲಿ ʼಮೈ ಮುಟ್ಟಲು ಬಂದ ನಟʼನ ಕೆನ್ನೆಗೆ ಬಾರಿಸಿದ ನೋರಾ ಪತೇಹಿ..!

Nora Fatehi : ಬಿಟೌನ್‌ ಸುಂದರಿ ನೋರಾ ಪತೇಹಿ ಬಾಲಿವುಡ್‌ನ ಪ್ರಮುಖ ಹಾಟ್ ನಟಿಯರಲ್ಲಿ ಒಬ್ಬರು. 2014 ರಲ್ಲಿ ಬಿಡುಗಡೆಯಾದ ʼರೋರ್ʼ ಚಿತ್ರದ ಮೂಲಕ ಬಾಲಿವುಡ್‌ಗೆ ನೋರಾ ಎಂಟ್ರಿ ಕೊಟ್ಟರು. ಆ ಬಳಿಕ ನಟಿಸಲು ಅವಕಾಶ ಸಿಗದ ಕಾರಣ ನೋರಾ ಮತ್ತೆ ಗ್ಲಾಮರಸ್‌ ಹಾದಿಗೆ ಮರಳಿದ್ದರು. ಇದರ ಫಲವಾಗಿ ಅವರಿಗೆ ಹಲವು ಸಿನಿಮಾಗಳ ಐಟಂ ಸಾಂಗ್ಸ್‌ನಲ್ಲಿ ಸೊಂಟ ಬಳುಕಿಸುವ ಅವಕಾಶಗಳು ಬರಲಾರಂಭಿಸಿದವು. ಅದರಂತೆ ಅವರು ಮೊದಲಿಗೆ ಪೂರಿ ಜಗನ್ನಾಥ್ ನಿರ್ದೇಶನದ ತೆಲುಗು ಚಿತ್ರ ಟೆಂಪರ್‌ನಲ್ಲಿ ಜೂನಿಯರ್ ಎನ್‌ಟಿಆರ್ ಜೊತೆ ಐಟಂ ಡ್ಯಾನ್ಸ್ ಮಾಡಿದರು.

ಟೆಂಪರ್‌ ನಂತರ ನೋರಾ ಪತೇಹಿ ರಾಜಮೌಳಿ ಅವರ ಮಹಾಕಾವ್ಯ ಚಿತ್ರ ಬಾಹುಬಲಿ ಸಿನಿಮಾದ ಮನೋಹರಿ ಹಾಡಿನಲ್ಲಿ ಮಾದಕ ನೃತ್ಯದ ಮೂಲಕ ಸೌತ್‌ ಸಿನಿ ಪ್ರೇಕ್ಷಕರಿಗೆ ಹತ್ತಿರವಾದರು. ತಮಿಳಿನಲ್ಲಿ ಕಾರ್ತಿ ನಟನೆ ದೋಜಾ ಮತ್ತು ಮಲಯಾಳಂ ಚಿತ್ರಗಳಲ್ಲಿ ಐಟಂ ಡ್ಯಾನ್ಸ್ ಮಾಡಿದ್ದಾರೆ. ಇದಲ್ಲದೆ, ನೋರಾ ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆಯಲ್ಲಿ ತನ್ನ ಮಾದಕ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ಸಾಕಷ್ಟು ಫ್ಯಾನ್‌ ಪಾಲೊಯಿಂಗ್‌ ಸಂಪಾದಿಸಿದ್ದಾರೆ.

ಇದನ್ನೂ ಓದಿ: ಇದೊಂದು ಬಾಕಿ ಇತ್ತು ನೋಡ್ರಪ್ಪ...! ಹುಡುಗಿರ್ ಲೆಹೆಂಗಾ ಹಾಕ್ಕೊಂಡು ಡಾನ್ಸ್‌ ಮಾಡಿದ ಅಕ್ಷಯ್‌

ಇತ್ತೀಚಿಗೆ ನೋರಾ ಸಂದರ್ಶನವೊಂದರಲ್ಲಿ ಬಾಲಿವುಡ್‌ನಲ್ಲಿ ತನಗೆ ಆಗಿರುವ ಲೈಂಗಿಕ ಕಿರುಕುಳದ ಬಗ್ಗೆ ಬಹಿರಂಗವಾಗಿ ಮಾತನಾಡಿದ್ದಾರೆ. ʼನನ್ನ ಮೊದಲ ಹಿಂದಿ ಚಿತ್ರ, ರೋರ್: ದಿ ಟೈಗರ್ ಆಫ್ ಸುಂದರ್ಬನ್ಸ್, ಬಾಂಗ್ಲಾದೇಶದ ಕಾಡಿನಲ್ಲಿ ಚಿತ್ರೀಕರಣಗೊಳ್ಳುತ್ತಿದ್ದಾಗ ನನ್ನ ಸಹನಟ ಅನುಚಿತವಾಗಿ ವರ್ತಿಸಲು ಪ್ರಯತ್ನಿಸಿದರು. ಅದು ನನಗೆ ಇಷ್ಟವಾಗಲಿಲ್ಲ ಆಗ ನಾನು ಅವನ ಕೆನ್ನೆಗೆ ಬಾರಿಸಿದೆ ಎಂದು ಹೇಳಿಕೊಂಡಿದ್ದಾರೆ.

ಆಗ ನಟ ಪ್ರತಿಯಾಗಿ ನನ್ನ ಕಪಾಳಕ್ಕೆ ಹೊಡೆದ, ನಾನು ಕೋಪದಿಂದ ಮತ್ತೊಮ್ಮೆ ಕಪಾಳಮೋಕ್ಷ ಮಾಡಿದೆ. ನಂತರ ನಟ ನನ್ನ ಕೂದಲನ್ನು ಹಿಡಿದು ಎಳೆದರು. ಆಗ ನಮ್ಮಿಬ್ಬರ ನಡುವೆ ಮಾರಾಮಾರಿ ನಡೆದಿದೆ. ನಾವಿಬ್ಬರೂ ಒಬ್ಬರನ್ನೊಬ್ಬರು ಕೆಟ್ಟದಾಗಿ ನಿಂದಿಸಿ ಜಗಳ ಮಾಡಿಕೊಂಡೆವು ಎಂದು ನೋರಾ ಹೇಳಿದರು. ಸದ್ಯ ನೋರಾ ಈ ಹೇಳಿಕೆ ಬಾಲಿವುಡ್‌ನ ಇನ್ನೊಂದು ಕರಾಳತೆ ಸಾಕ್ಷಿಯಾಗಿದೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.