ಮುಂಬೈ: ನಟಿ ಆಮಿ ಜಾಕ್ಸನ್ ತನ್ನ 28 ನೇ ಹುಟ್ಟುಹಬ್ಬವನ್ನು ಸೀಶೆಲ್ಸ್‌ನಲ್ಲಿ ತನ್ನ ಪಾರ್ಟ್ನರ್ ಜಾರ್ಜ್ ಪನಾಯೊಟೌ ಮತ್ತು ಅವರ ಮಗ ಆಂಡ್ರಿಯಾಸ್ ಅವರೊಂದಿಗೆ ಆಚರಿಸುತ್ತಿದ್ದಾರೆ. ಹುಟ್ಟುಹಬ್ಬದ-ವಿಶೇಷ ರಜೆಯ ಪೋಟೋಗಳನ್ನು ಆಮಿ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಮಗುವಿಗೆ ಜನ್ಮ ನೀಡಿದ ನಂತರ ತಾಯ್ತನದ ಸಂಭ್ರಮವನ್ನು ಅನುಭವಿಸುತ್ತಿರುವ ಆಮಿ ಆಗಾಗ ತಮ್ಮ ಇನ್ಸ್ಟಾಗ್ರಾಂ ಪೋಸ್ಟ್ ಗಳ ಮೂಲಕ ತಮ್ಮ ಅಪ್ಡೇಟ್ ಗಳನ್ನು ಅಭಿಮಾನಿಗಳಿಗೆ ನೀಡುತ್ತಲೇ ಇರುತ್ತಾರೆ. ತುಂತುರು ಮಳೆಯ ನಡುವೆ ಬಿಕಿನಿಯಲ್ಲಿ ಕಾಣಿಸಿಕೊಂಡಿರುವ ಅವರ ಪೋಟೋ ಈಗ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ. ಈ ಪೋಟೋ ಜೊತೆಗೆ ಅವರು ಜೀವನದ ಬಗ್ಗೆ ಸುದೀರ್ಘವಾದ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ.
"ಸುಮ್ಮನೆ ’ಎಚ್ಚರಗೊಂಡು ನನ್ನ ಪಕ್ಕದಲ್ಲಿ ಮಲಗಿರುವ ನನ್ನ ಮಗನನ್ನು ನೋಡುವುದು ಒಂದು ಆಶೀರ್ವಾದ. ನನ್ನ ಸ್ವಂತ ಎರಡು ಕಾಲುಗಳ ಮೇಲೆ ಹೊರಗೆ ನಡೆಯಲು ಮತ್ತು ನನ್ನ ಸ್ವಂತ ಎರಡು ಕಿವಿಗಳಿಂದ ಅಲೆಗಳನ್ನು ಕೇಳಲು ಸಾಧ್ಯವಾಗುವುದು ಒಂದು ಆಶೀರ್ವಾದ. ನನ್ನ ಉತ್ತಮ ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ಮಾತನಾಡಲು ಅವಕಾಶವನ್ನು ಹೊಂದಲು ನಾನು ಅವರನ್ನು ಪ್ರೀತಿಸುತ್ತೇನೆ ಎಂದು ನಾನು ಅವರಿಗೆ ಹೇಳಬಲ್ಲೆ.
“ನೀವು ಇಂದು ಕಣ್ಣು ತೆರೆದು ಮತ್ತೊಂದು ಉಸಿರು ತೆಗೆದುಕೊಂಡರೆ - ನೀವು ಗೆಲ್ಲುತ್ತೀರಿ !! ಇದೀಗ ಪ್ರಪಂಚದಾದ್ಯಂತ ನಡೆಯುತ್ತಿರುವ ಎಲ್ಲದರ ಜೊತೆಗೆ ... ಇನ್ನೊಂದು ದಿನ ಬದುಕುವುದು ನಿಜಕ್ಕೂ ಉಡುಗೊರೆಯಾಗಿದೆ !! ನಾನು ಈ ಗ್ರಹದಲ್ಲಿ ನನ್ನ 28ನೇ ವರ್ಷಕ್ಕೆ ಸಂಪೂರ್ಣ ಹೊಸ ದೃಷ್ಟಿಕೋನದಿಂದ ಮತ್ತು ಕೃತಜ್ಞತೆಯಿಂದ ತುಂಬಿದ ಹೃದಯದೊಂದಿಗೆ ಹೋಗುತ್ತಿದ್ದೇನೆ ಮತ್ತು ಈ ಸಣ್ಣ ಮಳೆಯ ನೃತ್ಯದಿಂದ ನಾನು ಪ್ರಾರಂಭಿಸಲಿದ್ದೇನೆ !! ಹೌದು ನನ್ನ ಜನ್ಮದಿನ ಮುಗಿಯುತ್ತಿದೆ ಮತ್ತು ಸೂರ್ಯ ಕಾಣಿಸುತ್ತಿಲ್ಲ ನಿಜ, ಆದರೆ, ಸಸ್ಯಗಳು ಸಂತೋಷವಾಗಿವೆ, ”ಎಂದು ಬರೆದುಕೊಂಡಿದ್ದಾರೆ.
