ಮನೆಯಲ್ಲಿ ಕಳ್ಳರಿರುವಾಗ್ಲೆ ಮಾಲೀಕನ ಎಂಟ್ರಿ : ಪಿಸ್ತೂಲ್ ಹಣೆಗಿಟ್ಟು ಹಣ, ಚಿನ್ನಾಭರಣ ದರೋಡೆ

ಬೆಂಗಳೂರು : ಯಾರು ಇಲ್ಲದ ಮನೆಗೆ ಮೂವರು ನುಗ್ಗಿದ್ದ ಮೂವರು ಕಳ್ಳರು, ಇನ್ನೇನು ಕೆಲಸ ಮುಗಿತು ಅನ್ನುವಷ್ಟರಲ್ಲಿ ಮನೆ ಮಾಲೀಕ ಎಂಟ್ರಿ ಕೊಟ್ಟು ಅವರಿಗೆ ಶಾಕ್‌ ನೀಡಿದ್ದ. ಆಗಲೇ ನೋಡಿ ಅಲ್ಲಿ ಹೈಡ್ರಾಮಾ ನಡೆದಿದ್ದು, ಪಿಸ್ತೂಲ್ ಹೊರಗೆ ಬಂದಿದ್ದು. ಈ ಕುರಿತು ಇಂಟ್ರಸ್ಟಿಂಗ್‌ ವರದಿ ಇಲ್ಲಿದೆ ನೋಡಿ..

ಈ ದೃಶ್ಯದಲ್ಲಿ ಕಾಣ್ತಿರೊ ಭವ್ಯವಾದ ಮನೆ ವೈದ್ಯ ಉಮಾಂಕರ್ ಎಂಬುವವರಿಗೆ ಸೇರಿದ್ದು. ಕಷ್ಟ ಪಟ್ಟು ದುಡಿದ ಹಣವನ್ನೆಲ್ಲ ಮನೆಯಲ್ಲೇ ಇಟ್ಟಿದ್ದ. ಆದ್ರೆ ಒಂದೇ ಒಂದು ದಿನ ಯಾಮಾರಿದ್ದು. ಅಷ್ಟು ಹಣ ಕಂಡವರ ಪಾಲಾಗಿದೆ. ಘಟನೆಯಿಂದ ಬೆಚ್ಚಿ ಬಿದ್ದಿರೊ ವೈದ್ಯ ದಿಕ್ಕೇ ತೋಚದಂತಾಗಿದ್ದಾನೆ.

ಇದನ್ನೂ ಓದಿ:ಯಾವ ಸೀಮೆಯ ಓಬಿಸಿ ನಾಯಕ ? : ಸಿದ್ದರಾಮಯ್ಯಗೆ ಸುನಿಲ್ ಕುಮಾರ್ ಪ್ರಶ್ನೆ

ಹೌದು... ಉಮಾಶಂಕರ್ ಏಪ್ರಿಲ್ 24 ರ ಬೆಳಗ್ಗೆ ಮನೆಗೆ ಬೀಗ ಹಾಕಿ ಕೆಲಸದ ನಿಮಿತ್ತ ಹೊರಗೆ ತೆರಳಿದ್ರು.. ರಾತ್ರಿ 8.20 ಗಂಟೆಗೆ ಸಹಕಾರನಗರದಲ್ಲಿನ ಬಾಸ್ಕೆಟ್ ಬಾಲ್ ಎದುರು ಇರುವ ತನ್ನ ಮನೆಗೆ ಬಂದಿದ್ದಾರೆ. ಈ ವೇಳೆ ಮನೆಯ ಡೋರ್ ಓಪನ್ ಆಗಿದ್ದು, ಒಬ್ಬ ಹುಡುಗ ಮನೆಯ ಮಧ್ಯದಲ್ಲಿ ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ನಿಂತಿದ್ದ. ಈ ವೇಳೆ ಯಾರಪ್ಪ ನೀನು ಎಂದು ಕೇಳ್ತಿದ್ದಂತೆ ಆತ ಜೋರಾಗಿ ಭಯ್ಯಾ, ಭಯ್ಯಾ ಎಂದು ಕೂಗೋಕೆ ಶುರು ಮಾಡಿದ್ದ. ಈ ವೇಳೆ ಉಮಾಶಂಕರ್‌ಗೆ ಅನುಮಾನ ಬಂದು ಮನೆಯ ಡೋರ್ ಲಾಕ್ ಮಾಡಲು ಯತ್ನಿಸಿದ್ದಾರೆ.

ಈ ವೇಳೆ ಮನೆಯಲ್ಲಿದ್ದ ಮತ್ತೊಬ್ಬ ವ್ಯಕ್ತಿ ಬಂದು ಪಿರ್ಯಾದುದಾರರಿಗೆ ಗನ್ ತೋರಿಸಿ, ದರವಾಜಾ ಕೋಲೊ.. ನಹಿತೋ ಟೋಕ್ದೊಂಗಾ ಎಂದು ಬೆದರಿಸಿದ್ದಾನೆ. ಭಯಗೊಂಡ ಉಮಾಶಂಕರ್ ಡೋರ್ ಓಪನ್ ಮಾಡಿದ್ದು. ಆಗ ಇಬ್ಬರು ವೈದ್ಯನನ್ನ ಮನೆಯ ಒಳಗೆ ಎಳೆದುಕೊಂಡು‌ ಹೋಗಿದ್ದು, ಮತ್ತೊಬ್ಬ ಆಸಾಮಿ ಪಿರ್ಯಾದುದಾರರ ಮನೆಯ 1ನೇ ಫ್ಲೋರ್ನಿಂದ ಒಂದು ಬ್ಯಾಗ್ ತೆಗೆದು ಕೆಳಗೆ ಇಳಿದು ಬಂದು ಉಮಾಶಂಕರ್ ನನ್ನ ಒಂದು ರೂಂ ನಲ್ಲಿ ಕೂಡಿ ಹಾಕಿ ಪರಾರಿಯಾಗಿದ್ದಾರೆ..

ಇದನ್ನೂ ಓದಿ:ನಾವು ಬಿಕ್ಷೆ ಬೇಡುತ್ತಿಲ್ಲ ಬರ ಪರಿಹಾರ ಕೇಳುತ್ತಿದ್ದೇವೆ ಎಂದ ಸುರ್ಜೆವಾಲಾ

ವೈದ್ಯ ಒಳಗಿನ ಲಾಕ್ ಓಪನ್ ಮಾಡಿಕೊಂಡು ಹೊರಗೆ ಬಂದು ನೋಡಿದಾಗ ಮೂರು ಜನ ಆಸಾಮಿಗಳು ಅಲ್ಲಿಂದ ಓಡಿ ಹೋಗಿರೋದು ಗೊತ್ತಾಗಿದೆ.. ಬಳಿಕ 1ನೇ ಫ್ಲೋರ್ಗೆ ಹೋಗಿ ನೋಡಿದಾಗ ಮನೆಯ ಒಳಗಿನ ವಾಡ್ರೂಬ್ ಗಳನ್ನ ಒಡೆದು ವಸ್ತುಗಳನ್ನು ಚಲ್ಲಾಪಿಲ್ಲಿ ಮಾಡಿ ಮನೆಯಲ್ಲಿದ್ದ 500 ಗ್ರಾಂನಷ್ಟು ಚಿನ್ನಾಭರ.. ವಿವಿಧ ಕಂಪನಿಯ 6  ವಾಚ್ಗಳು, ಸುಮಾರು 20 ಲಕ್ಷ ನಗದು ಹಣವನ್ನು ಕಳ್ಳತನ ಮಾಡಿಕೊಂಡು ಹೋಗಿರುವುದು ಕಂಡುಬಂದಿದೆ... 

ಘಟನೆ ಸಂಬಂಧ ಕೊಡಿಗೆಹಳ್ಳಿ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದ್ದು ಪೊಲೀಸರು ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ..ತನಿಖೆ ವೇಳೆ ಆರೋಪಿಗಳು ಉತ್ತರ ಪ್ರದೇಶದ ಕಖ್ಯಾತ ದರೋಡೆ ಗ್ಯಾಂಗ್ ಅನ್ನೋದು ಗೊತ್ತಾಗಿದೆ..

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://tinyurl.com/7jmvv2nz
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.