ಬೆಂಗಳೂರು : ಎಂಜಿ ಮೋಟಾರ್ ಇಂಡಿಯಾ ತನ್ನ ನಾಲ್ಕನೇ ಮಾದರಿಯನ್ನು 2023 ರ ಆರಂಭದಲ್ಲಿ ಬಿಡುಗಡೆ ಮಾಡಲು ಸಿದ್ದತೆ ನಡೆಸುತ್ತಿದೆ. ಇದು 2-ಸೀಟ್ ಲೇಔಟ್ ಹೊಂದಿರುವ ಕಾಂಪ್ಯಾಕ್ಟ್ ಎಲೆಕ್ಟ್ರಿಕ್ ಕಾರ್ ಆಗಿರಲಿದೆ. ಈ ಇವಿ ಇತ್ತೀಚೆಗೆ ಬಿಡುಗಡೆಯಾದ ಟಾಟಾ ಟಿಯಾಗೊ EVಗೆ ಪೈಪೋಟಿ ನೀಡಲಿದೆ ಎಂದು ಹೇಳಲಾಗುತ್ತಿದೆ. ಟಾಟಾ ಟಿಯಾಗೊ EV 5 ಆಸನಗಳನ್ನು ಹೊಂದಿದ್ದು, ಪ್ರಸ್ತುತ ದೇಶದಲ್ಲಿರುವ ಅಗ್ಗದ ಎಲೆಕ್ಟ್ರಿಕ್ ಕಾರ್ ಆಗಿದೆ. ಎಂಜಿ ಸಿಟಿ ಇವಿ ಇದಕ್ಕಿನತಳು ಕಡಿಮೆ ದರದಲ್ಲಿ ಲಭ್ಯವಿರಲಿದೆ ಎಂದು ಹೇಳಲಾಗುತ್ತಿದೆ. ಈ ಮಾದರಿಯು ಜೂನ್ 2023 ರ ವೇಳೆಗೆ ಬಿಡುಗಡೆಯಾಗುವ ಸಾಧ್ಯತೆಯಿದೆ.
ಮುಂಬರುವ ಕಾಂಪ್ಯಾಕ್ಟ್ ಎಲೆಕ್ಟ್ರಿಕ್ ಕಾರು ಮೊದಲ ಹಂತದಲ್ಲಿ 60 ಪ್ರತಿಶತದಷ್ಟು ಸ್ಥಳೀಯ ಘಟಕಗಳನ್ನು ಹೊಂದಿರುತ್ತದೆ ಎಂದು ಹೇಳಲಾಗಿದೆ. ಉತ್ತಮ ಬೆಲೆಗೆ ಕಾರನ್ನು ಬಿಡುಗಡೆ ಮಾಡಲು, ಸ್ಥಳೀಯವಾಗಿ ಜೋಡಿಸಲಾದ ಬ್ಯಾಟರಿ ಪ್ಯಾಕ್ ನೀಡಲಾಗುವುದು. ಮಾಧ್ಯಮ ವರದಿಗಳ ಪ್ರಕಾರ, MG ಯ ಈ ಮಿನಿ ಎಲೆಕ್ಟ್ರಿಕ್ ಕಾರು ಕೇವಲ 2.9 ಮೀಟರ್ ಉದ್ದವಿರಬಹುದು ಎನ್ನಲಾಗಿದೆ.
ಇದನ್ನೂ ಓದಿ : Aadhaar Card : ನಿಮ್ಮ ಆಧಾರ್ ಕಾರ್ಡ್‌ಗೆ 10 ವರ್ಷ ಆಗಿದೆಯೇ? ಕೂಡಲೇ ಈ ಕೆಲಸ ಮಾಡಿ
ವಾಹನ ದಟ್ಟಣೆ ಹೆಚ್ಚು ಇರುವ ಪ್ರದೇಶಗಳಿಗಾಗಿ ಇದನ್ನು ವಿಶೇಷವಾಗಿ ವಿನ್ಯಾಸಗೊಳಿಸಲಾಗುವುದು. ದೊಡ್ಡ ಟಚ್‌ಸ್ಕ್ರೀನ್, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕನ್ಸೋಲ್, ಕನೆಕ್ಟೆಡ್ ಕಾರ್ ಟೆಕ್ನಾಲಜಿ , ವೈರ್‌ಲೆಸ್ ಸಂಪರ್ಕ ಸೇರಿದಂತೆ ಹಲವು ಉತ್ತಮ ವೈಶಿಷ್ಟ್ಯಗಳನ್ನು ಈ ಕಾರು ಹೊಂದಿರಲಿದೆ. ಕಾಂಪ್ಯಾಕ್ಟ್ EV ಕೋನೀಯ ಮುಂಭಾಗದ ಬಂಪರ್ ಮತ್ತು ಸ್ಕ್ವಾರಿಶ್ ಹೆಡ್‌ಲ್ಯಾಂಪ್‌ಗಳೊಂದಿಗೆ ಬಾಕ್ಸಿ ಲುಕ್ ಪಡೆಯುತ್ತದೆ.
ಇದು 12-ಇಂಚಿನ ಸ್ಟೀಲ್ ರಿಮ್ಸ್, ನಂಬರ್ ಪ್ಲೇಟ್ ಹೌಸಿಂಗ್‌ನಲ್ಲಿ ಅಡ್ಡಲಾಗಿರುವ ಲೈಟ್ ಬಾರ್, ಕರ್ವ್ದ್ ವಿಂಡ್‌ಸ್ಕ್ರೀನ್ ಮತ್ತು ಸಣ್ಣ ಟೈಲ್‌ಲ್ಯಾಂಪ್‌ಗಳನ್ನು ಹೊಂದಿರಲಿದೆ. ಇದರ ವ್ಹೀಲ್ ಬೇಸ್ 2010mm ಆಗಿರಬಹುದು ಎನ್ನಲಾಗಿದೆ. ಅದರ ಪವರ್‌ಟ್ರೇನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಸುಮಾರು 20kWh - 25kWh ಸಾಮರ್ಥ್ಯದ ಬ್ಯಾಟರಿ ಪ್ಯಾಕ್ ಹೊಂದಿರಲಿದೆ.
ಇದನ್ನೂ ಓದಿ : 5 ಲಕ್ಷಕ್ಕಿಂತ ಕಡಿಮೆ ಬೆಲೆಯ 7 ಸೀಟರ್ .! ಖರೀದಿಗೆ ಮುಗಿ ಬಿದ್ದ ಜನ .!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
