ನವದೆಹಲಿ : ದೇಶದ ಜನತೆಗೆ ಸರ್ಕಾರ 'ಆಧಾರ್ ಕಾರ್ಡ್' ನೀಡಿ ಎಲ್ಲರಿಗು ವಿಶಿಷ್ಟ ಗುರುತಿನ ಸಂಖ್ಯೆ ನೀಡಿದೆ. ಸರ್ಕಾರವು ಈಗ ಇದೆ ರೀತಿ ನೋಂದಾಯಿತ ಸಂಖ್ಯೆಯನ್ನು ಭೂಮಿಗೆ ನೀಡಲು ತಯಾರಿ ನಡೆಸುತ್ತಿದೆ. ಕೇಂದ್ರ ಸರ್ಕಾರದ ಒಂದು ರಾಷ್ಟ್ರ ಒಂದು ನೋಂದಣಿ ಕಾರ್ಯಕ್ರಮದ ಅಡಿಯಲ್ಲಿ ಈ ಕೆಲಸ ನಡೆಸುತ್ತಿದೆ. ಇತ್ತೀಚಿಗೆ ಮಂಡನೆಯಾದ 2022 ರ ಬಜೆಟ್‌ನಲ್ಲಿ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಭೂ ದಾಖಲೆಗಳನ್ನು ಡಿಜಿಟಲ್ ರೂಪದಲ್ಲಿ ಇರಿಸಲಾಗುವುದು ಎಂದು ತಿಳಿಸಿದ್ದಾರೆ.
IP ಆಧಾರಿತ ತಂತ್ರಜ್ಞಾ ಬಳಕೆ
ಮಾಹಿತಿಯ ಪ್ರಕಾರ, ಭೂಮಿಯ ದಾಖಲೆಗಳನ್ನು ಡಿಜಿಟಲ್(Digital Land Record) ಆಗಿ ಇಡಲು ಐಪಿ ಆಧಾರಿತ ತಂತ್ರಜ್ಞಾನವನ್ನು ಬಳಸಲಾಗುವುದು. ಭೂ ದಾಖಲೆಗಳ ಸಹಾಯದಿಂದ ಅವರ ದಾಖಲೆಗಳನ್ನು ಡಿಜಿಟಲ್ ರೂಪದಲ್ಲಿ ಇಡಲಾಗುತ್ತದೆ. 2023ರ ವೇಳೆಗೆ ದೇಶದಾದ್ಯಂತ ಇರುವ ಭೂ ದಾಖಲೆಗಳನ್ನು ಡಿಜಿಟಲೀಕರಣಗೊಳಿಸುವ ಗುರಿಯನ್ನು ಕೇಂದ್ರ ಸರ್ಕಾರ ಹೊಂದಿದೆ. ಮಾರ್ಚ್ 2023 ರೊಳಗೆ ದೇಶದಾದ್ಯಂತ ಭೂ ದಾಖಲೆಗಳನ್ನು ಡಿಜಿಟಲೀಕರಣಗೊಳಿಸುವ ಗುರಿಯನ್ನು ನಿಗದಿಪಡಿಸಲಾಗಿದೆ.
ಇದನ್ನೂ ಓದಿ : Gas Cylinder Booking : ಈಗ ನೀವು LPG ಸಿಲಿಂಡರ್ ಅನ್ನು ಉಚಿತವಾಗಿ ಪಡೆಯಬಹುದು! ಅದಕ್ಕೆ ತಕ್ಷಣ ಈ ಕೆಲಸ ಮಾಡಿ
14 ಅಂಕಿಗಳ ವಿಶಿಷ್ಟ ಸಂಖ್ಯೆ ನೀಡಲಾಗುವುದು
ಡಿಜಿಟಲ್ ಭೂಮಿಯ ರೆಕಾರ್ಡಿಂಗ್ ಅನೇಕ ರೀತಿಯಲ್ಲಿ ಪ್ರಯೋಜನಗಳನ್ನು ಒದಗಿಸುತ್ತದೆ. ಇದನ್ನು 3ಸಿ ಸೂತ್ರದ ಪ್ರಕಾರ ವಿತರಿಸಲಾಗುವುದು, ಇದು ಎಲ್ಲಾ ಪ್ರಯೋಜನಗಳನ್ನು ನೀಡುತ್ತದೆ. ಇವುಗಳಲ್ಲಿ ಸೆಂಟ್ರಲ್ ಆಫ್ ರೆಕಾರ್ಡ್ಸ್, ದಾಖಲೆಗಳ ಸಂಗ್ರಹ, ದಾಖಲೆಗಳ ಅನುಕೂಲತೆಗಳಿಂದ ಜನಸಾಮಾನ್ಯರಿಗೆ ಹೆಚ್ಚು ಪ್ರಯೋಜನವಾಗುತ್ತದೆ. ಇದರೊಂದಿಗೆ, 14 ಅಂಕಿಗಳ ULPIN ಸಂಖ್ಯೆ ಅಂದರೆ ನಿಮ್ಮ ಜಮೀನಿನ ವಿಶಿಷ್ಟ ಸಂಖ್ಯೆಯನ್ನು ನೀಡಲಾಗುತ್ತದೆ. ಸರಳ ಭಾಷೆಯಲ್ಲಿ, ಭೂಮಿಯ ಆಧಾರ್ ಸಂಖ್ಯೆಯನ್ನು ಸಹ ಕರೆಯಬಹುದು. ಭವಿಷ್ಯದಲ್ಲಿ, ನಿಮ್ಮ ಜಮೀನಿನ ಎಲ್ಲಾ ದಾಖಲೆಗಳನ್ನು ಒಂದೇ ಕ್ಲಿಕ್‌ನಲ್ಲಿ ಮನೆಯಲ್ಲಿಯೇ ಕುಳಿತು ನೋಡಲು ನಿಮಗೆ ಸಾಧ್ಯವಾಗುತ್ತದೆ.
ಒಂದೇ ಕ್ಲಿಕ್ ನಲ್ಲಿ ಜಮೀನಿನ ಸಂಪೂರ್ಣ ವಿವರ ಸಿಗಲಿದೆ
ಅದೇ ಸಮಯದಲ್ಲಿ, ಈ ULPIN ಅನ್ನು ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ (PM Kisan Yojan) ನಂತಹ ಅನೇಕ ಯೋಜನೆಗಳಲ್ಲಿ ಬಳಸಬಹುದು. ಇದಲ್ಲದೇ ULPIN ನಂಬರ್ ಮೂಲಕ ದೇಶದ ಎಲ್ಲೆಂದರಲ್ಲಿ ಭೂಮಿ ಖರೀದಿಸಲು ಮತ್ತು ಮಾರಾಟ ಮಾಡಲು ಯಾವುದೇ ತೊಂದರೆ ಇರುವುದಿಲ್ಲ. ಖರೀದಿದಾರ ಮತ್ತು ಮಾರಾಟಗಾರರ ಸಂಪೂರ್ಣ ವಿವರಗಳನ್ನು ಬಹಿರಂಗಪಡಿಸಲಾಗುತ್ತದೆ. ಇನ್ನು ಮುಂದೆ ಆ ಜಮೀನು ವಿಭಜನೆಯಾದರೆ ಆ ಜಮೀನಿನ ಆಧಾರ್ ಸಂಖ್ಯೆಯೇ ಬೇರೆಯಾಗಲಿದೆ.
ಇದನ್ನೂ ಓದಿ : ಸಂವಿಧಾನ ಮತ್ತು ಪ್ರಜಾಪ್ರಭುತ್ವವನ್ನು ಉಳಿಸಲು ಅಂಬೇಡ್ಕರ್‌ವಾದಿಗಳು ಸಮಾಜವಾದಿಗಳೊಂದಿಗೆ ಸೇರಬೇಕು: ಅಖಿಲೇಶ್ ಯಾದವ್
ಡ್ರೋನ್ ಮೂಲಕ ಭೂಮಿ ಮಾಪನ
ಒಂದು ರಾಷ್ಟ್ರ, ಒಂದು ನೋಂದಣಿ(One Nation One Registration) ಕಾರ್ಯಕ್ರಮದ ಮೂಲಕ ಸರ್ಕಾರವು ಡ್ರೋನ್‌ಗಳ ಸಹಾಯದಿಂದ ಭೂಮಿಯನ್ನು ಅಳೆಯುತ್ತದೆ ಎಂಬುದು ಉಲ್ಲೇಖನೀಯ. ಡ್ರೋನ್‌ನಿಂದ ಭೂಮಿ ಅಳತೆಯಿಂದ ಯಾವುದೇ ತಪ್ಪು ಅಥವಾ ಅಡಚಣೆಯಾಗುವ ಸಾಧ್ಯತೆ ಇರುವುದಿಲ್ಲ. ಇದರ ನಂತರ, ಈ ಮಾಪನವನ್ನು ಸರ್ಕಾರಿ ಡಿಜಿಟಲ್ ಪೋರ್ಟಲ್‌ನಲ್ಲಿ ಲಭ್ಯಗೊಳಿಸಲಾಗುತ್ತದೆ. ಪ್ರಸ್ತುತ, ದೇಶದಲ್ಲಿ 140 ಮಿಲಿಯನ್ ಹೆಕ್ಟೇರ್ ಭೂಮಿಯನ್ನು ಕೃಷಿ ಮಾಡಲಾಗುತ್ತಿದೆ. 125 ಮಿಲಿಯನ್ ಹೆಕ್ಟೇರ್ ಭೂಮಿಯನ್ನು ದುರಸ್ತಿ ಮಾಡಲಾಗುತ್ತಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
