Akshaya Tritiya 2022: ಅಕ್ಷಯ ತೃತೀಯದ ದಿನ ಆಭರಣಗಳ ಖರೀದಿ ಬದಲು ಡಿಜಿಟಲ್ ಚಿನ್ನದ ಮೇಲೆ ಕೂಡಾ ಹೂಡಿಕೆ ಮಾಡಬಹುದು

ಬೆಂಗಳೂರು  : Akshaya Tritiya Gold Invest Options : ಹಿಂದೂ ಧರ್ಮದಲ್ಲಿ ಅಕ್ಷಯ ತೃತೀಯಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ಇದೆ. ಈ ದಿನದಂದು ಚಿನ್ನವನ್ನು ಖರೀದಿಸುವುದು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗಿದೆ. ಇಂದಿನ ದಿನ ಚಿನ್ನವನ್ನು ಖರೀದಿಸಲು ಹಲವು ಆಯ್ಕೆಗಳಿವೆ. ಕೇವಲ ಬುಲಿಯನ್ ಮಾರುಕಟ್ಟೆಗೆ ಹೋಗಿ ಆಭರಣಗಳನ್ನು ಖರೀದಿಸುವುದು ಅನಿವಾರ್ಯವಲ್ಲ. ಮನೆಯಲ್ಲಿ ಕುಳಿತು ಡಿಜಿಟಲ್ ಚಿನ್ನವನ್ನು ಕೂಡಾ ಖರೀದಿಸಬಹುದು. 

ಗೋಲ್ಡ್  ಇಟಿಎಫ್ :
ಗೋಲ್ಡ್ ಇಟಿಎಫ್ ಒಂದು ಪೇಪರ್ ಗೋಲ್ಡ್ ಸೌಲಭ್ಯವಾಗಿದ್ದು, ಷೇರುಗಳಂತಹ ಘಟಕಗಳಲ್ಲಿ ಚಿನ್ನವನ್ನು ಖರೀದಿಸಬಹುದು. ಗೋಲ್ಡ್ ಇಟಿಎಫ್‌ಗಳಲ್ಲಿ ಹೂಡಿಕೆ ಮಾಡಲು, ನೀವು ಡಿಮ್ಯಾಟ್ ಖಾತೆಯನ್ನು ಹೊಂದಿರಬೇಕು. ಇದರ ಮಾನದಂಡವೆಂದರೆ ಬುಲಿಯನ್ ಮಾರುಕಟ್ಟೆಯಲ್ಲಿನ  ಚಿನ್ನದ ಬೆಲೆಗಳು. ಇವುಗಳು ಎಕ್ಸ್ಚೇಂಜ್ ಟ್ರೇಡೆಡ್ ಫಂಡ್ . ಇದನ್ನು ಸ್ಟಾಕ್ ಎಕ್ಸ್ಚೇಂಜ್  ಘಟಕಗಳಲ್ಲಿ ಖರೀದಿಸಬಹುದು. ಇದರಲ್ಲಿ ಚಿನ್ನದ ಭೌತಿಕ ವಿತರಣೆ ಆಗುವುದಿಲ್ಲ. 

ಇದನ್ನೂ ಓದಿ : Vegetable price: ಗ್ರಾಹಕರೇ ಗಮನಿಸಿ: ಇಂದಿನ ತರಕಾರಿಗಳ ಬೆಲೆ ಹೀಗಿದೆ

ಗೋಲ್ಡ್ ಮ್ಯೂಚುಯಲ್ ಫಂಡ್ :
ಇಟಿಎಫ್‌ಗಳು ಮಾತ್ರವಲ್ಲದೆ ಚಿನ್ನದ ಮ್ಯೂಚುವಲ್ ಫಂಡ್‌ಗಳು ಸಹ ಉತ್ತಮ ಆಯ್ಕೆಯಾಗಿದೆ. ಚಿನ್ನದ ಮ್ಯೂಚುವಲ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡುವುದು ಕೂಡ ಸುಲಭ. ನೀವು ಗೋಲ್ಡ್ ಮ್ಯೂಚುಯಲ್ ಫಂಡ್‌ಗಳಲ್ಲಿ ನೇರವಾಗಿ ಆನ್‌ಲೈನ್ ಮೋಡ್ ಮೂಲಕ ಅಥವಾ ಅದರ ವಿತರಕರ ಮೂಲಕ ಹೂಡಿಕೆ ಮಾಡಬಹುದು. ಗೋಲ್ಡ್ ಮ್ಯೂಚುವಲ್ ಫಂಡ್ ಮುಕ್ತ ಹೂಡಿಕೆ ಉತ್ಪನ್ನವಾಗಿದೆ. ಅಂದರೆ ನೀವು ಯಾವಾಗ ಬೇಕಾದರೂ ಅದನ್ನು ಮಾರಾಟ ಮಾಡಬಹುದು. ಇದಕ್ಕೆ ಡಿಮ್ಯಾಟ್ ಖಾತೆಯ ಅಗತ್ಯವಿಲ್ಲ. ಗೋಲ್ಡ್ ಮ್ಯೂಚುಯಲ್ ಫಂಡ್‌ನಲ್ಲಿ, ನಿಮ್ಮ ಫಂಡ್ ಮ್ಯಾನೇಜರ್ ತನ್ನ ಕಾರ್ಪಸ್ ಅನ್ನು ಗೋಲ್ಡ್ ಇಟಿಎಫ್‌ಗಳಲ್ಲಿ ಹೂಡಿಕೆ ಮಾಡುತ್ತಾರೆ. SIP ಮೂಲಕ ಗೋಲ್ಡ್ ಮ್ಯೂಚುವಲ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡಬಹುದು.

ಸಾವರಿನ್ ಗೋಲ್ಡ್ ಬಾಂಡ್ :
ನೀವು ಚಿನ್ನದ ಮೇಲೆ ಹೂಡಿಕೆ ಮಾಡಲು ಬಯಸಿದರೆ ಸಾವರಿನ್ ಗೋಲ್ಡ್ ಬಾಂಡ್ ಸಹ ಉತ್ತಮ ಆಯ್ಕೆಯಾಗಿದೆ. ಗೋಲ್ಡ್ ಬಾಂಡ್‌ಗಳಲ್ಲಿ ಹೂಡಿಕೆ ಮಾಡಲು ಭಾರತ ಸರ್ಕಾರದಿಂದ SGB ನೀಡಲಾಗುತ್ತದೆ. ಸಾವರಿನ್ ಗೋಲ್ಡ್  ಬಾಂಡ್‌ಗಳು ಎಂಟು ವರ್ಷಗಳ ಮೆಚುರಿಟಿ ಅವಧಿ ಮತ್ತು ಐದು ವರ್ಷಗಳ ಲಾಕ್-ಇನ್ ಅವಧಿಯನ್ನು ಹೊಂದಿರುತ್ತವೆ. ಮುಕ್ತಾಯದವರೆಗೆ SGB ಅನ್ನು ಹೊಂದಿದ್ದರೆ, ಹೂಡಿಕೆಯ ಮೇಲೆ ಯಾವುದೇ ಕ್ಯಾಪಿಟಲ್ ಗೈನ್ ಪಾವತಿಸಬೇಕಾಗಿಲ್ಲ. ಇದರೊಂದಿಗೆ, ವಾರ್ಷಿಕ 2.5 ಶೇಕಡಾ ಬಡ್ಡಿಯನ್ನು ಸಹ ಪಡೆಯುವುದು ಕೂಡಾ ಸಾಧ್ಯವಾಗುತ್ತದೆ. 

ಇದನ್ನೂ ಓದಿ : Gold-Silver: ಅಕ್ಷಯ ತೃತೀಯದಂದು ಚಿನ್ನ ಖರೀದಿಸುವವರಿಗೆ ಶುಭಸುದ್ದಿ: ಇಂದಿನ ಬಂಗಾರದ ಬೆಲೆ ಹೀಗಿದೆ

ಮೊಬೈಲ್ ವ್ಯಾಲೆಟ್‌ ಮೂಲಕ ಚಿನ್ನವನ್ನು ಖರೀದಿಸಿ :
ಇದಲ್ಲದೇ ಇತ್ತೀಚಿನ ದಿನಗಳಲ್ಲಿ Paytm, Google Pay, PhonePe ನಂತಹ ಅನೇಕ ಮೊಬೈಲ್ ವ್ಯಾಲೆಟ್‌ಗಳು ಡಿಜಿಟಲ್ ಚಿನ್ನವನ್ನು ಖರೀದಿಸುವ ಸೌಲಭ್ಯವನ್ನು ಹೊಂದಿವೆ. ಇದಕ್ಕಾಗಿ ನಿಮಗೆ ಹೆಚ್ಚಿನ ಹೂಡಿಕೆ ಅಗತ್ಯವಿಲ್ಲ. ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ಎಷ್ಟು ಚಿನ್ನ ಬೇಕಾದರೂ ಖರೀದಿಸಬಹುದು.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.