୫ଟି ଅଧିନରେ ଉନ୍ନୟନ କର୍ତ୍ତୃପକ୍ଷଙ୍କ ଦକ୍ଷତା ବୃଦ୍ଧି

ଭୁବନେଶ୍ୱର: ୫ଟି ସୁଶାସନ ମନ୍ତ୍ର ଅନ୍ତର୍ଗତ ରାଜ୍ୟରେ ଅର୍ବାନ ପ୍ଲାନିଂ (ସହରାଞ୍ଚଳ ଯୋଜନା) ସେବାକୁ ଶୃଙ୍ଖଳିତ କରିବା ଉଦ୍ଦେଶ୍ୟରେ ରାଜ୍ୟ ସରକାର ଅନେକ ରୂପାନ୍ତରୀକରଣ ପଦକ୍ଷେପମାନ ଆରମ୍ଭ କରିଛନ୍ତି। ଏହି ବ୍ୟବସ୍ଥାରେ ସଦ୍ୟତମ ସଂସ୍କାର ହାତକୁ ନିଆଯାଇଛି ଯାହାକି ଉନ୍ନୟନ କର୍ତ୍ତୃପକ୍ଷଙ୍କ ଦକ୍ଷତା ବୃଦ୍ଧି ପାଇଁ ଉଦ୍ଦିଷ୍ଟ ।

ଭୁବନେଶ୍ୱର ବ୍ୟତୀତ ଅନ୍ୟ ସମସ୍ତ  ମହାନଗର ନିଗମରେ କମିଶନର ମାନଙ୍କୁ ଉପାଧ୍ୟକ୍ଷ ଭାବରେ ନିଯୁକ୍ତ କରାଯାଇଛି, ଯାହା କେବଳ ସ୍ଥାନୀୟ ବରିଷ୍ଠ କାର୍ଯ୍ୟକର୍ତ୍ତାଙ୍କ ନିକଟତର ହୋଇ ନିଷ୍ପତ୍ତି ଗ୍ରହଣ କରିବା ଦ୍ୱାରା ଉନ୍ନୟନ କର୍ତ୍ତୃପକ୍ଷଙ୍କ ସାମର୍ଥ୍ୟକୁ ବୃଦ୍ଧି କରିବ ନାହିଁ, ବରଂ ଏହା ନିର୍ଦ୍ଧାରିତ ସମୟ ସୀମା ମଧ୍ୟରେ ସହରାଞ୍ଚଳ ସେବା ଗୁଡିକୁ ନାଗରିକ ମାନଙ୍କ ନିକଟରେ ଶୀଘ୍ର ପହଞ୍ଚାଇବାରେ ସହାୟକ ହେବ । 

ମହାନଗର ନିଗମ ଓ ପ୍ଲାନିଂ (ଯୋଜନା) କର୍ତ୍ତୃପକ୍ଷଙ୍କର ମିଳିତ ଆଭିମୁଖ୍ୟ ସମ୍ବଳଗୁଡିକର ସର୍ବୋତ୍ତମ ଉପଯୋଗ ଦ୍ୱାରା ଅନୁଷ୍ଠାନଗୁଡ଼ିକର କାର୍ଯ୍ୟକାରିତା ଦକ୍ଷତାକୁ ଉନ୍ନତ  କରିବ । ଗୃହ ନିର୍ମାଣ ଓ ନଗର ଉନ୍ନୟନ ବିଭାଗ ତରଫରୁ ଆଜି ସମ୍ବଲପୁର ଉନ୍ନୟନ କର୍ତ୍ତୃପକ୍ଷ  ଏବଂ ରାଉରକେଲା ଉନ୍ନୟନ କର୍ତ୍ତୃପକ୍ଷଙ୍କୁ ବିଜ୍ଞପ୍ତି ଜାରି କରାଯାଇଛି । ସରକାର ପ୍ରତିବନ୍ଧକ ମୁକ୍ତ ପୌର ସେବା ଯୋଗାଇବା ନିମନ୍ତେ ଏକ ଅତ୍ୟାଧୁନିକ ତଥା ଆଧୁନିକ ଅନ-ଲାଇନ୍ ପ୍ଲାଟଫର୍ମ-ସୁଯୋଗ(SUJOG)କୁ ସ୍ଥାନାନ୍ତରିତ ହୋଇସାରିଛନ୍ତି। ଏହି ପ୍ରଗତିଶୀଳ ପଦକ୍ଷେପଗୁଡିକ ସହରାଞ୍ଚଳ ସୁଶାସନକୁ ଲୋକଙ୍କ ନିକଟତର କରାଇବ ସହ ସେବା ଗୁଣବତ୍ତା ବୃଦ୍ଧି କରିବ ବୋଲି ଆଶା ପ୍ରକାଶ କରାଯାଉଛି ।

Also Read- କଳାହାଣ୍ଡି ପ୍ରତିଷ୍ଠା ଦିବସରେ ଲକ୍ଷ୍ଣୀ ବସ୍‌ର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ

Also Read- Tiger 3 First Show: ସକାଳ ୭ଟାରେ ଆରମ୍ଭ ହେବ 'ଟାଇଗର-୩'ର ପ୍ରଥମ 'ସୋ', ଏହି ତାରିଖରୁ କରିପାରିବେ ଟିକେଟ ବୁକ୍