Fire Incident: ରାଜଧାନୀରେ ଏକ ପ୍ଲାଷ୍ଟିକ୍ କାରଖାନାରେ ଭୟଙ୍କର ଅଗ୍ନିକାଣ୍ଡ, ଜୀବନ୍ତ ଜଳିଗଲେ ୨ ଜଣ, ଅନେକ ଆହତ

Delhi Fire: ଜାତୀୟ ରାଜଧାନୀ ନରେଲାସ୍ଥିତ ଏକ ପ୍ଲାଷ୍ଟିକ କାରଖାନାରେ ସୋମବାର ସକାଳେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ ଦୁଇ ଜଣଙ୍କର ମୃତ୍ୟୁ ହୋଇଛି । ସକାଳ ପ୍ରାୟ ୯.୩୫ ରେ ନିଆଁ ଲାଗିଥିଲା । ଏହି ଘଟଣା ସମ୍ପର୍କରେ ଅଗ୍ନିଶମ ବାହିନୀ ପରେ ସୂଚନା ପାଇଥିଲେ । ଏହା ପରେ ୧୦ ଟି ଦମକଳ ଘଟଣାସ୍ଥଳରେ ପହଞ୍ଚିଥିଲା । କୁହାଯାଉଛି ଯେ ଘଟଣାସ୍ଥଳରୁ ୨ ଜଣ ଲୋକଙ୍କୁ ସୁରକ୍ଷିତ ଭାବେ ସ୍ଥାନାନ୍ତର କରାଯାଇଛି । ତଥାପି ଅନେକ ଲୋକ ବିଲଡିଂ ଭିତରେ ଫସି ରହିଥିବାର ଭୟ ରହିଛି । ଅଗ୍ନିଶମ ବିଭାଗର ୧୦ ଟି ଗାଡି ନିଆଁ ଲିଭାଇବାରେ ନିୟୋଜିତ ଅଛନ୍ତି । ଏହି ଅଗ୍ନିକାଣ୍ଡରେ ପୋଡି ଯାଇଥିବା ଲୋକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସମସ୍ତ ଲୋକଙ୍କ ଅବସ୍ଥା ସ୍ଥିର ଥିବା କୁହାଯାଉଛି ।

ନିଆଁକୁ ନିୟନ୍ତ୍ରଣକୁ ଆଣିବା ପୂର୍ବରୁ ବିଲ୍ଡିଂରେ ଏହା ସବୁଆଡେ ବ୍ୟାପି ଯାଇଥିଲା ଓ ୨୦ ଜଣ ଗୁରୁତର ଆହତ ହୋଇଥିଲେ । ଆହତମାନଙ୍କୁ ତୁରନ୍ତ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଠାରେ ଡାକ୍ତର ଜଣଙ୍କର ମୃତ୍ୟୁକୁ ନିଶ୍ଚିତ କରିଥିଲେ । ବର୍ତ୍ତମାନ ପୋଲିସ ଓ ଅଗ୍ନିଶମ ବିଭାଗର ଟିମ୍ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି । ବିଲଡିଂ ଚାରିପାଖରେ ଥିବା ଘରଗୁଡ଼ିକୁ ମଧ୍ୟ ସତର୍କ କରାଯାଇଛି । କୁହାଯାଉଛି ଯେ ୩ ରୁ ୪ ଜଣ ଲୋକ ବିଲ୍ଡିଂରେ ଫସି ରହିଥିବା ଆଶଙ୍କା କରାଯାଉଛି, ଯେଉଁମାନଙ୍କୁ ନିରାପଦରେ ବାହାରକୁ ଆଣିବା ପାଇଁ ନିରନ୍ତର ଉଦ୍ୟମ ଚାଲିଛି ।

ସୂଚନାନୁସାରେ, ଶ୍ରମିକମାନେ ମଙ୍ଗଳବାର ଦିନ ସକାଳ ୯ ଟାରୁ କାରଖାନାରେ କାମ କରିବା ଆରମ୍ଭ କରିଥିଲେ । ଘଟଣା ସମୟରେ କାରଖାନାରେ ପ୍ରାୟ ୧୦୦ ଜଣ କର୍ମଚାରୀ ଉପସ୍ଥିତ ଥିଲେ । ଦିଲ୍ଲୀ ପୋଲିସ କହିଛି ଯେ ନରେଲା ଇଣ୍ଡଷ୍ଟ୍ରିଆଲ ଅଞ୍ଚଳରେ ଏହି ଅଗ୍ନିକାଣ୍ଡ ଘଟିଛି । ୧୦ ଟି ଦମକଳ ଘଟଣାସ୍ଥଳରେ ଉପସ୍ଥିତ ରହିଛି । ଯେଉଁମାନେ ଆହତ ହୋଇଛନ୍ତି, ସେମାନଙ୍କୁ ହସ୍ପିଟାଲକୁ ନିଆଯାଇଛି, ସମସ୍ତଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି ଓ ସାମାନ୍ୟ ଆଘାତ ପାଇଛନ୍ତି । ୨ ଜଣଙ୍କର ମୃତ୍ୟୁ ହୋଇଛି, ସେମାନଙ୍କୁ ଚିହ୍ନଟ କରାଯାଉଛି ।

दिल्ली के नरेला इंडस्ट्रियल एरिया में आग लगने की ख़बर है। दमकल की 10 गाड़ियां मौके पर मौजूद हैं। कुछ घायल हैं और उन्हें अस्पताल ले जाया गया है, सभी की हालत स्थिर है और उन्हें मामूली चोटें आई हैं। 2 लोगों की मृत्यु हुई है, उनकी पहचान की जा रही है: दिल्ली पुलिस pic.twitter.com/UVFzrdWEYn

— ANI_HindiNews (@AHindinews) November 1, 2022

ଦିଲ୍ଲୀର ନରେଲାର ଭୋରଗଡ ଇଣ୍ଡଷ୍ଟ୍ରିଆଲ୍ ଅଞ୍ଚଳରେ ଥିବା ଏକ ପ୍ଲାଷ୍ଟିକ୍ ଚପଲ ତିଆରି କାରଖାନାର ତୃତୀୟ ମହଲାରେ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡ ପରେ ପ୍ରବଳ ଧୂଆଁ ଯୋଗୁଁ ଶ୍ରମିକମାନେ ବାହାରକୁ ଆସିପାରିନଥିଲେ । ଅଗ୍ନିଶମ ବାହିନୀ ମଧ୍ୟ ୨୦ ଜଣ କର୍ମଚାରୀଙ୍କୁ ଉଚ୍ଚ ସିଡ଼ିରେ କାରଖାନାରୁ ବାହାର କରି ହସ୍ପିଟାଲକୁ ନେଇ ଯାଇଥିଲେ, ସେମାନଙ୍କ ମଧ୍ୟରୁ ଅନେକ ଗୁରୁତର ଭାବରେ ପୋଡି ଯାଇଥିଲେ । ସେଠାରେ ଦୁଇଜଣ ଶ୍ରମିକଙ୍କର ମୃତ୍ୟୁ ଚିହ୍ନଟ ହୋଇଥିଲା ।