Vikram Vedha : ବିକ୍ରମ୍ ବେଧାକୁ ନେଇ ଟେନସନ୍ ରେ ହ୍ରିତିକ୍, ବକ୍ସ ଅଫିସରେ ହିଟ୍ କରିବନି କି ମୁଭି !

Vikram Vedha : ବଲିଉଡର ସୁପରଷ୍ଟାର ହ୍ରିତିକ୍ ରୋଶନଙ୍କ ଅଭିନୀତ ଫିଲ୍ମ ବିକ୍ରମ୍ ବେଧା (Vikram Vedha) ଖୁବଶିଘ୍ର ପରଦାକୁ ଆସୁଛି । ଫିଲ୍ମର ପ୍ରମୋସନକୁ ନେଇ ବ୍ୟସ୍ତ ଅଛନ୍ତି ବଲିଉଡର ଗ୍ରୀକଗଡ୍ ।  ଫିଲ୍ମଟି ବକ୍ସ ଅଫିସରେ ଧମାଲ ମଚେଇବ ବୋଲି ଆଶା ରଖିଛନ୍ତି  ଫିଲ୍ମର ଷ୍ଚାର କାଷ୍ଟ ।  ନବରାତ୍ରୀରେ ଫିଲ୍ମଟି ରିଲିଜ୍ ହେବାକୁ ସ୍ଥିର ହୋଇଛି ।  ଫିଲ୍ମରେ ହ୍ରିତିକ୍ ରୋଶନ, ସୈଫ୍ ଅଲ୍ଲୀ ଖାନ୍ , ରାଧିକା ରାଧିକା ଆପତେ ,ରୋହିକ ସରାଫ,ୟୋଗିତା ବିହାନୀ,ସରିବ୍ ହାସମି ଓ ସତ୍ୟଦୀପ ମିଶ୍ରା ଅଭିନୟ କରିଛନ୍ତି। ହ୍ରିତିକ ବେଧାଙ୍କ ଚରିତ୍ରରେ ଅଭିନୟ କରିଛନ୍ତି । ତାଙ୍କୁ ଫିଲ୍ମରେ ଏକ ଭିନ୍ନ ଅନ୍ଦାଜରେ ଦେଖିବାକୁ ମିଳିବ। ବିକ୍ରମର ଭୂମିକାରେ ନଜର ଆସିବେ ସୈଫ୍ । 

ଫିଲ୍ମରେ ବିକ୍ରମ ଜଣେ ସଚ୍ଚୋଟ ପୋଲିସ୍ ଇନ୍ସପେକ୍ଟର , ଯିଏ ଗ୍ୟାଙ୍ଗଷ୍ଟର ବେଦକୁ ଧରିବାକୁ ଚେଷ୍ଟା କରନ୍ତି। ଯେତେବେଳେ ବେଦ ଆତ୍ମସମର୍ପଣ କରେ, ଯେତେବେଳେ ବେଦ ତାଙ୍କୁ ତିନିଟି କାହାଣୀ ବର୍ଣ୍ଣନା କରନ୍ତି । ସେତେବେଳେ ବିକ୍ରମଙ୍କର ଭଲ ଏବଂ ମନ୍ଦ ବିଷୟରେ ଧାରଣା ପରିବର୍ତ୍ତନ ହେବାକୁ ଲାଗେ । ଆକ୍ସନ ଭରା ଏ ଫିଲ୍ମରେ ହ୍ରିତିକଙ୍କ ଦମଦାର ଅଭିୟନ ଦେଖିବାକୁ ପାଇବା ଦର୍ଶକ । ବିକ୍ରମ ବେଧାର କଲେକସନ୍‌କୁ ନେଇ ଅଭିନେତା ହ୍ରିତିକ୍ ରୋଶନ ଚିନ୍ତିତ ଅଛନ୍ତି । କାହିଁକି ନା ଫିଲ୍ମଟି ଭଲ କାମ କରିବ ନାହିଁ। କିଛି କହିପାରୁ ନାହିଁ । ହ୍ରିତିକ ଆହୁରି କହିଛନ୍ତି, ‘ମୁଁ ମୋ ଜୀବନରେ ସର୍ବଦା ଖୁସି ରହିବି। ମୁଁ ଖୁସି ହେବି ଯେ ମୋତେ ବିକ୍ରମ ବେଧା ଭଳି ଚଳଚ୍ଚିତ୍ରରେ କାମ କରିବାର ସୁଯୋଗ ମିଳିଛି। ଏକ ଚଳଚ୍ଚିତ୍ର, ଏକ ସ୍କ୍ରିପ୍ଟ ଯାହା ଏତେ ଚମତ୍କାର ଭାବରେ ଲେଖାଯାଇଥିଲା । ଫିଲ୍ମ ରିଲିଜ ହେବା ପରେ ମଧ୍ୟ ମୁଁ ଏହି ଚଳଚ୍ଚିତ୍ର ବିଷୟରେ ଅନେକ ଦିନ ଧରି ଚିନ୍ତା ଜାରି ରଖିବି। ମୁଁ ପ୍ରକୃତରେ ଏହା ଉପରେ ଏକ କେସ୍ ଷ୍ଟଡି କରିବାକୁ ଚାହେଁ। 

ଏହାବି ପଢନ୍ତୁ :  Mahesh Babu's mother passes away : ଇନ୍ଦିରା ଦେବୀଙ୍କ ପରଲୋକ, ଇନଷ୍ଟାରେ ମାଆଙ୍କ ପାଇଁ ଏମିତି କିଛି ଲେଖିଥିଲେ ମହେଶ ବାବୁ

ବିକ୍ରମ ବେଧା ଫିଲ୍ମର ଟିଜର, ଟ୍ରେଲର ପୋଷ୍ଟର ଏବଂ ଗୀତକୁ ପସନ୍ଦ କରୁଛନ୍ତି ଫ୍ୟାନ୍ସ। ଏହି ଚଳଚ୍ଚିତ୍ରରେ ହ୍ରିତିକ ରୋଶନଙ୍କୁ ତିନିଟି ଲୁକରେ ଦେଖିବାକୁ ମିଳିବ। ହ୍ରିତିକଙ୍କ ବ୍ୟତୀତ ସୈଫ ଅଲି ଖାନ ଏବଂ ରାଧିକା ଆପତେ ମଧ୍ୟ ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ।  ବିକ୍ରମ ବେଧା ଦକ୍ଷିଣ ଭାରତୀୟ ଚଳଚ୍ଚିତ୍ରର ରିମେକ୍ । ଯାହା ୨୦୧୭ ତାମିଲ ଭାଷାରେ ରିଲିଜ ହୋଇଥିଲା।  ବିକ୍ରମ ବେଧାର ଫିଲ୍ମର ନିର୍ଦ୍ଦେଶକ ପୁସ୍କର ଗାୟତ୍ରୀ ରହିଛନ୍ତି । ଫିଲ୍ମଟି  ଚଳିତ ମାସ ୩୦ ତାରିଖରେ ରିଲିଜ ହେବ । ଫିଲ୍ମଟିର ବଜେଟ ରହିଛି ୧.୭୫ ବିଲିୟନ୍ ।  ଯଦି ହ୍ରିତିକ ରୋଶନଙ୍କ କାମର କଥା କହିବା । ତେବେ ଏହି ଅଭିନେତାଙ୍କ ହାତରେ ବର୍ତ୍ତମାନ ଅନେକ ବଡ ପ୍ରୋଜେକ୍ଟ ରହିଛି।  ବିକ୍ରମ ବେଧା(Vikram Vedha ) ବ୍ୟତିତ ତାଙ୍କ ହାତରେ ଫାଇଟର(Fighter),  କ୍ରିସ ୪(Krrish 4) ଓ  ଓ୍ବାର୍ ୨ (War 2) ଭଳି ଫିଲ୍ମରେ ସେ ନଜର ଆସିବେ ।