20 જૂનના સમાચાર

20 જૂનના સમાચાર News

‘સમાજ અમને એક નહિ થવા દે...’ એ બીકે એક ફળિયામાં રહેતા પ્રેમીઓએ કૂવામાં છલાંગ લગાવી
આત્મહત્યા
‘સમાજ અમને એક નહિ થવા દે...’ એ બીકે એક ફળિયામાં રહેતા પ્રેમીઓએ કૂવામાં છલાંગ લગાવી
પંચમહાલના શહેરા તાલુકાના ગાંગડીયા ગામમાં પ્રેમી પંખીડાએ કૂવામાં મોતની છલાંગ લગાવી છે. ગેંગડીયા ગામના નવાપૂરા પટેલ ફળીયાની પ્રેમીપંખીડાએ મોતનું પગલુ અપનાવ્યું છે. એક જ ફળીયામાં રહેતા પ્રેમી પંખીડાને સમાજ એક નહિ થવા દે એ બીકે જીવન ટૂંકાવ્યું છે. 3 દિવસ પહેલા ગામમાંથી વિપુલ અને સેજલ નામના પ્રેમી પંખીડા ફરાર થયા હતા. વિપુલ અને સેજલે ઘરથી આશરે ૮૦૦ મીટરના અંતરે આવેલ કુવામાં ઝંપલાવ્યું હતું. પ્રેમ પ્રકરણને લઈ ગત રાત્રે જ ગામઠી પંચાણુ થયુ હતું. ત્યારે આજે શહેરા પોલીસે ઘટના સ્થળે પહોંચી કૂવામાંથી મૃતદેહો બહાર કાઢ્યા હતા. મૃતદેહોને શહેરા રેફરલ ખાતે પીએમ માટે મોકલવામાં આવ્યા છે. 
Jun 20,2020, 16:38 PM IST
અમદાવાદમાં રથયાત્રાના યોજવા અંગે હાઇકોર્ટના નિર્દેશ બાદ જ ગુજરાત સરકાર
રથયાત્રા 2020
અમદાવાદમાં રથયાત્રાના યોજવા અંગે હાઇકોર્ટના નિર્દેશ બાદ જ ગુજરાત સરકાર
અમદાવાદ ભગવાન જગન્નાથ રથયાત્રા (Rathyatra 2020) ને લઈ મોટા સમાચાર સામે આવ્યા છે. રથયાત્રા યોજવા કે ન યોજવા બાબતને લઇને હાઇકોર્ટના નિર્દેશ બાદ જ સરકાર નિર્ણય લેશે તેવું જણાવાયું છે. હાઇકોર્ટમાં રથયાત્રા ન યોજવા દાખલ થયેલી અરજી પર નિર્ણય બાદ જ સરકાર પોતાનું સ્ટેન્ડ ક્લિયર કરશે. હાઇકોર્ટમાં સોમવારે રથયાત્રાના અયોજન બાબતે સુનવણી થશે. રથયાત્રા બાબતે સરકાર હાલ કોઈ બાબતે નિર્ણાયક નહિ બને. રથયાત્રા યોજવા કે ન યોજવા બાબતે બધો જ દારમોદાર હાઇકોર્ટનાં ફેસલા પર નિર્ભર રહેશે. 
Jun 20,2020, 15:09 PM IST
મંત્રી કુમાર કાનાણીના ઘરમાં કોરોના પહોંચ્યો, જયંતિ રવિએ લીધી સુરતની મુલાકાત
સુરત
મંત્રી કુમાર કાનાણીના ઘરમાં કોરોના પહોંચ્યો, જયંતિ રવિએ લીધી સુરતની મુલાકાત
રાજ્યકક્ષાના આરોગ્ય મંત્રીના ઘરમાં કોરોના પહોંચ્યો છે. મંત્રી કુમાર કાનાણીના પુત્રવધુ કોરોના સંક્રમિત થયા છે. જેઓની હાલ સુરત ખાતે સારવાર ચાલી રહી છે. મંત્રી કાનાણી છેલ્લા કેટલાક સમયથી ગાંધીનગર જ રહે છે. તો બીજી તરફ, સુરતમાં સતત વધી રહેલા કોરોના પોઝિટિવ કેસને ધ્યાનમાં રાખી આજે રાજ્યના આરોગ્ય અગ્રસચિવ જયંતિ રવિ સુરતની મુલાકાતે આવ્યા હતા. કોરોના પોઝિટિવ દર્દીઓની સતત વધી રહેલા આ કેસોને ધ્યાનમાં રાખી તમામ સુવિધાઓ અંગે અધિકારીઓ સાથે ચર્ચા વિચારણા કરી હતી. આ સાથે સુપરસ્પ્રેડની સંભાવનાઓની શક્યતા વ્યક્ત કરી હતી અને પ્રાઇવેટ લેબમાં કોરોના ટેસ્ટિંગની કિંમત ઓછી કરવા અંગે ઈશારો આપ્યો હતો.
Jun 20,2020, 14:43 PM IST
સુરતના સાધુ સમાજે કહ્યું, પબુભા મોરારીબાપુની માફી માંગે, નહિ તો તેમની વિરુદ્ધ પ્રદર્
પબુભાનો મોરારીબાપુ પર હુમલો
સુરતના સાધુ સમાજે કહ્યું, પબુભા મોરારીબાપુની માફી માંગે, નહિ તો તેમની વિરુદ્ધ પ્રદર્
કથાકાર મોરારી બાપુ પર દ્વારકા મંદિરમાં પૂર્વ ધારાસભ્ય પબુભા માણેક દ્વારા હુમલાના પ્રયાસ અંગે રાજ્યભરમાં રોષ જોવા મળી રહ્યો છે. આજે સૌરાષ્ટ્ર વૈષ્ણવ સાધુ સમાજ દક્ષિણ ગુજરાત દ્વારા સુરત કલેકટરને આવેદનપત્ર આપવામાં આવ્યું છે. તેમજ પબુભા માણેક મોરારીબાપુ સામે માફી માંગ કરવામાં આવી છે. સાથે સાધુ સમાજે જણાવ્યું છે કે, જો પબુભા માફી નહીં માંગે તો આવનાર દિવસોમાં તેની વિરુદ્ધ સાધુ સમાજ દ્વારા વિરોધ પ્રદર્શન પણ કરવામાં આવશે.
Jun 20,2020, 12:20 PM IST
ગુજરાત ATS નું મોટું ઓપરેશન સફળ, હેરાફેરી કરતા 9 આરોપીને 54 હથિયારો સાથે પકડ્યા
ગુજરાત એટીએસ
ગુજરાત ATS નું મોટું ઓપરેશન સફળ, હેરાફેરી કરતા 9 આરોપીને 54 હથિયારો સાથે પકડ્યા
ગુજરાત ATS નું હથિયાર પકડવા સૌથી મોટું ઓપરેશન હાથ ધર્યું હતું, જેમાં મોટી સફળતા મળી છે. કચ્છ, મોરબી, અમરેલી, વાંકાનેર, અમદાવાદ, ભાવનગર જિલ્લા સહિતની જગ્યાઓ પર સર્ચ કરી 50 થી વધુ હથિયારો પકડી પાડ્યા છે.  9 જેટલા આરોપીઓની હથિયાર સાથે ધરપકડ કરાઈ છે. મોટાભાગના હથિયાર ઓટોમેટિક/વિદેશી છે. કચ્છમાં હથિયાર સાથે પકડાયેલ આરોપીની પૂછપરછ બાદ હથિયારોની હેરાફેરી અંગે આ ખુલાસો થયો હતો. હથિયાર હેરાફેરી કરતો શખ્સ મૂળ અમદાવાદનો છે. ગુજરાત એટીએસએ કુલ 54 હથિયારો પકડી પાડ્યા છે. રથયાત્રા પહેલા ગુજરાતમાં હથિયારોનું મોટું કનેક્શન હાથ લાગ્યું છે. 
Jun 20,2020, 11:44 AM IST
IAF ચીફનું મોટું નિવેદન, વ્યર્થ નહિ જાય ગલવાન ઘાટીના શહીદોનુ બલિદાન
આરકેએસ ભદૌરિયા
IAF ચીફનું મોટું નિવેદન, વ્યર્થ નહિ જાય ગલવાન ઘાટીના શહીદોનુ બલિદાન
હૈદરબાદમાં કમ્બાઈન્ડ ગ્રેજ્યુએશન પરેડ ચાલી રહી છે. આ દરમિયાન IAF પ્રમુખ આરકેએસ ભદૌરિયા પણ હાજર રહ્યાં. તેઓએ વર્તમાન પરિસ્થિતિને લઈને ખુલીને વાત કરી છે. એકેડમીની પાસિંગ આઉટ પરેડ અને કમ્બાઈન્ડ ગ્રેજ્યુએશન સેરેમનીને સંબોધન કરતા  એર ચીફે કહ્યું કે, ગલવાન ઘાટીમાં શહીદ જવાનોનું બલિદાન વ્યર્થ જવુ ન જોઈએ. પોતાના સંબોધનની શરૂઆતમાં એર ચીફે કહ્યું કે, હું લદ્દાખમાં શહીદ થયેલ કર્નલ સંતોષ બાબુ અને તેમની ટીમના જવાનોને શ્રદ્ધાંજલિ આપું છું. એક ઉંચા રણક્ષેત્રની ચેલેન્જિસ વચ્ચે જે પ્રકારે પોતાની વીરતાનું પ્રદર્શન કરતા તેઓ શહીદ થયા તે દેશની સંપ્રભુતાની રક્ષા છે. તણાવ વચ્ચે પણ અમે આ સ્થિતિને શાંતિપૂર્ણ રીતે સોલ્વ કરવાનો પ્રયાસ કરી રહ્યાં છે. 
Jun 20,2020, 10:34 AM IST
પેટ્રોલ-ડીઝલના ભાવમાં 14મા દિવસે ભડાકો, ગરીબ ભારતીયોની કમર તૂટશે
પેટ્રોલ ડીઝલમાં ભાવવધારો
પેટ્રોલ-ડીઝલના ભાવમાં 14મા દિવસે ભડાકો, ગરીબ ભારતીયોની કમર તૂટશે
પેટ્રોલ-ડીઝલના ભાવમાં સતત 14મા દિવસે તેલ કંપનીઓએ વધારો કર્યો છે. આ 14 દિવસોમાં પેટ્રોલની કિંમતો (Petrol price) માં 7.62 રૂપિયા અને ડીઝલ (diesel price) માં 8.28 રૂપિયા પ્રતિ લીટરનો વધારો થયો છે. જોકે, કાચા તેલના ભાવ પહેલાની સરખામણીમાં ઓછા થયા છે. આવામાં તેલ કંપનીઓ દ્વારા ભાવમાં સતત વધારો થવાથી દેશવાસીઓના ખિસ્સા પર અસર પડી રહી છે. તેલ કંપનીઓએ પેટ્રોલના ભાવમાં 51 પૈસા અને ડીઝલમાં 61 પૈસા પ્રતિ લીટરનો વધારો કર્યો છે. 
Jun 20,2020, 9:47 AM IST
શું વોટિંગ ન કરીને BTP એ આડકતરી રીતે ભાજપને સમર્થન આપ્યું?
Rajyasabha Election 2020
શું વોટિંગ ન કરીને BTP એ આડકતરી રીતે ભાજપને સમર્થન આપ્યું?
રાજ્યસભાની ચૂંટણીમાં આખરે ભાજપના ત્રણેય ઉમેદવારોનો વિજય થયો. ભાજપ યેનકેન પ્રકારે પોતાની જીત મેળવવામાં સફળ રહ્યું. કોંગ્રેસમાંથી શક્તિસિંહ ગોહિલ વિજયી બન્યા, પરંતુ ભરતસિંહ સોલંકી સૌથી ઓછા 31.8 મત સાથે હાર્યા છે. કહી શકાય કે, ભાજપે તમામ મોરચે યોગ્ય આયોજન કરીને જીત મેળવી છે. તો સાથે જ એવી રાજકીય ચર્ચા પણ થઈ રહી છે કે, બીટીપીએ આડકતરી રીતે ભાજપને સમર્થન આપ્યું છે. કોંગ્રેસના નેતાઓના મનાવવાના લાખ પ્રયાસો છતાં બીટીપી છેલ્લી ઘડી સુધી વોટિંગ કરવા ન આવ્યું. જેનો કોંગ્રેસને મોટો ફટકો પડ્યો છે. બીટીપી કોંગ્રેસને જીતાડી શકે એમ હતું. ત્યારે ચર્ચા શરૂ થઈ ગઈ છે કે, રાજ્યસભાની ચૂંટણી બાદ રાજકીય સમીકરણો બદલાઈ શકે છે. કોંગ્રેસ અને બીટીપીનું સમર્થન તૂટી શકે છે. તો સાથે જ વોટિંગ ન કરીને બીટીપીએ રૂપાણી સરકારને આડકતરી રીતે સમર્થન આપ્યું છે, જેથી નવા સમીકરણો પણ રચાઈ શકે છે. 
Jun 20,2020, 9:16 AM IST
ચીનના પેટમાં ફાળ પડશે, દાયકા જૂના સૈન્ય સાથીદારની વિક્ટરી પરેડમાં ભાગ લેશે ભારત
Defence Minister
ચીનના પેટમાં ફાળ પડશે, દાયકા જૂના સૈન્ય સાથીદારની વિક્ટરી પરેડમાં ભાગ લેશે ભારત
મોદી સરકાર વૈશ્વિક સ્તર પર ચીનને અલગ થલગ કરવાના પ્રયાસોમાં લાગી ગયું છે. તમામ દેશ ચીનની કાયરતા માટે તેની આલોચના કરી રહ્યું છે. આ વચ્ચે, રશિયાએ દેશના સંરક્ષણ મંત્રી રાજનાથ સિંહ (Rajnath Singh) ને મોસ્કોમાં 24 જૂનના રોજ યોજાનારી વિક્ટરી ડે પરેડમાં સામેલ થવા માટે આમંત્રિત કર્યાં છે. રાજકીય સૂત્રોએ આ વિશે માહિતી આપી છે.
Jun 20,2020, 8:14 AM IST
વડોદરા : વાઘોડિયા GIDCની એગ્રો ઈન્ડસ્ટ્રીઝમા લાગી આગ, બે કલાક બાદ પણ કાબૂ બહાર
fire
વડોદરા : વાઘોડિયા GIDCની એગ્રો ઈન્ડસ્ટ્રીઝમા લાગી આગ, બે કલાક બાદ પણ કાબૂ બહાર
વાઘોડિયા GIDCમા આવેલી જય એગ્રો ઈન્ડસ્ટ્રીઝમા વહેલી સવારે ભીષણ આગ લાગી હતી. આગ લાગતા ધુમાડાના ગોટેગોટા આકાશમાં પાંચ કિલોમીટરના વિસ્તાર સુધી ફરી વળ્યા હતા. આગની ઘટનાને પગલે વડોદરા મહાનગરપાલિકા, અપોલો, ગેલ ઈન્ડીયા, ગુજરાત સ્ટેટ ડિઝાસ્ટર મેનેજમેન્ટ એથોરિટીના અગ્નિશામક ઘટના સ્થળે પહોંચી ગયા હતા અને ભીષણ આગ પર પાણીનો મારો ચલાવવાનું આરંભ્યું હતું. 
Jun 20,2020, 7:49 AM IST

Trending news