IPL 2021 Schedule: આઈપીએલ 2021નો કાર્યક્રમ જાહેર, 9 એપ્રિલે શરૂઆત અને 30 મેએ ફાઇનલ

મુંબઈઃ આઈપીએલ ગવર્નિંગ કાઉન્સિલે રવિવારે ઈન્ડિયન પ્રીમિયર લીગ 2021નો કાર્યક્રમ જાહેર કરી દીધો છે. આ ટૂર્નામેન્ટ ભારતમાં જ રમાશે. આશરે બે વર્ષ બાદ ભારતમાં આઈપીએલ રમાશે. આ વખતે અમદાવાદ, બેંગલુરૂ, ચેન્નઈ, દિલ્હી, મુંબઈ અને કોલકત્તામાં આ ટૂર્નામેન્ટની મેચોનું આયોજન કરવામાં આવશે. 

સિઝનની પ્રથમ મેચ 9 એપ્રિલ 2021થી ચેન્નઈમાં રમાશે. અહીં મુંબઈ ઈન્ડિયન અને રોયલ ચેલેન્જર્સ બેંગલોર વચ્ચે મુકાબલા રમાશે. દુનિયાના સૌથી મોટા ક્રિકેટ સ્ટેડિયમ નરેન્દ્ર મોદી ક્રિકેટ સ્ટેડિયમમાં આઈપીએલ પ્લેઓફ અને 30 મે 2021ના અહીં ફાઇનલ રમાશે. આ સ્ટેડિયમમાં ભારત અને ઈંગ્લેન્ડ વચ્ચે આંતરરાષ્ટ્રીય મેચ પણ રમાઈ રહી છે. 

સિઝનની પહેલી મેચ 9 એપ્રિલ 2021થી ચેન્નઈમાં રમાશે. જ્યાં મુંબઈ ઈન્ડિયન્સ અને રોયલ ચેલેન્ઝર્સ બેંગ્લોર વચ્ચે મુકાબલો જામશે. દુનિયાના સૌથી મોટા ક્રિકેટ સ્ટેડિયમ નરેન્દ્ર મોદી ક્રિકેટ સ્ટેડિયમમાં આઈપીએલની પ્લેઓફ અને 30 મે 2021ના રોજ ફાઈનલ મેચ રમાશે.

લીગ સ્ટેજમાં દરેક ટીમ ચાર મેદાન પર મેચ રમશે. 56 લીગ મેચમાંથી ચેન્નઈ,કોલકાતા, મુંબઈ અને બેંગલુરુમાં 10-10 મેચ રમાશે. જ્યારે અમદાવાદમાં 8 મેચ રમાશે. આ વખતે આઈપીએલની વિશેષતા એ છે કે બધી મેચ ન્યૂટ્રલ વેન્યૂ પર રમાશે. કોઈપણ ટીમ ઘરઆંગણે મેદાન પર કોઈ મેચ નહીં રમે. દરેક ટીમ ચાર મેદાન પર પોતાની લીગ સ્ટેજની મેચ રમશે.