શનિવારે કેમ નથી ખરીદવામાં આવતી આ છ વસ્તુઓ? જાણવા જેવી છે આ વાત

Shanivar Ke Upay: જ્યોતિષ શાસ્ત્ર(Astrology) માં શનિદેવ (Shani Dev)ને ખૂબ જ ક્રૂર ગ્રહ માનવામાં આવે છે. તે ન્યાયના દેવ છે અને કર્મો પ્રમાણે ફળ આપે છે. તેથી શનિદેવથી બચીને દૂર રહેવું વધુ સારું છે. આ માટે તે બધા કામ ન કરવા જોઈએ જેનાથી શનિદેવ ગુસ્સે થઈ શકે. ખાસ કરીને શનિવારના દિવસે તમારે એવું કામ ન કરવું જોઈએ જે તમને શનિદેવની અશુભ દ્રષ્ટિનો શિકાર બનાવે. આમાં સૌથી મહત્વની બાબત એ છે કે શનિ સંબંધિત વસ્તુઓ ખરીદવાનું ટાળવું. આવો જાણીએ શનિદેવને સમર્પિત શનિવારે (Saturday) કઈ વસ્તુઓ ન ખરીદવી જોઈએ.

ઉલ્લેખનીય છેકે, જ્યોતિષ શાસ્ત્ર વિશે એક વાત એવી કહેવામાં આવે છેકે, જો તમે તેમાં માનો તો ઘણું બધુ હોય છે. પણ જો તમે તેમાં નથી માનતા તો તેને લગતી જાણકારી જાણવાનો કોઈ મતલબ રહેતો નથી. પણ કોઈના ન માનવાથી સમગ્ર જ્યોતિષ શાસ્ત્ર ખોટું ઠરતુ નથી, કારણકે, તે વર્ષોથી સદીઓથી ચાલતુ આવ્યું છે. તેની સાથે જ્ઞાન, વિજ્ઞાન અને તપની વાતો પણ જોડાયેલી હોય છે. ત્યારે જાણીએ જ્યોતિષ શાસ્ત્ર મુજબ શનિવારે કઈ કઈ વસ્તુઓથી દૂર રહેવું જોઈએ.

શનિવારે આ વસ્તુઓ ન ખરીદો-
મીઠુંઃ શનિવારે મીઠું ખરીદવાથી તમે અનેક રોગોનો શિકાર બની શકો છો. તેથી શનિવારે મીઠું ન ખરીદો. અઠવાડિયાના અન્ય કોઈપણ દિવસે મીઠું ખરીદવું વધુ સારું છે.

લાકડુંઃ શનિવારે લાકડું ખરીદવું પણ યોગ્ય નથી. નહિ તો જીવનમાં ઘણી મુસીબતો આવશે.

લોખંડની વસ્તુઓઃ શનિવારના દિવસે લોખંડની વસ્તુઓ ખરીદવી કે વેચવી ન જોઈએ. આમ કરવાથી દેવું વધવા લાગે છે. આ દિવસે સ્ટીલના વાસણો અને ઈલેક્ટ્રોનિક વસ્તુઓ પણ ખરીદવી જોઈએ નહીં. 

તેલ: સામાન્ય રીતે શનિવારે કોઈ પણ તેલ ન ખરીદવું જોઈએ, પરંતુ સરસવનું તેલ તો બિલકુલ ન ખરીદો. તેના બદલે અઠવાડિયાના કોઈપણ દિવસે તેલ ખરીદો અને શનિવારે શનિ મંદિરમાં દીવો પ્રગટાવો.

કાળી વસ્તુઓઃ શનિવારના દિવસે કોઈપણ કાળા રંગની વસ્તુઓ જેમ કે કપડાં, તલ વગેરે ન ખરીદો, પરંતુ આ દિવસે તેનું દાન કરો.

શૂઝ અને ચપ્પલઃ શનિવારે પણ જૂતા અને ચપ્પલ ન ખરીદો. આ કારણે શનિની ખરાબ નજરનો ભોગ બનવું પડે છે. આ દિવસે કોઈ ગરીબ વ્યક્તિને શૂઝ અને ચપ્પલ આપો.

(Disclaimer: અહીં આપવામાં આવેલી જાણકારી જનરલ માહિતી પર આધારિત છે. ઝી મીડિયા આ અંગેની પુષ્ટી કરતું નથી.)