પીરિયડ્સ શરૂ થયા પછી છોકરીઓની નથી વધતી હાઇટ ? જાણી લો કારણ અને ઉકેલ

નવી દિલ્હીઃ લંબાઈ તમારી પર્સનાલિટીને નિખારવાનું કામ કરે છે. ઉંચી હાઈટ તમને સારા વ્યક્તિત્વની સાથે સાથે આત્મવિશ્વાસ પણ આપે છે. આનાથી છોકરીઓની સુંદરતામાં પણ વધારો થાય છે, પરંતુ છોકરાઓની સરખામણીમાં છોકરીઓની હાઈટની વૃદ્ધિ જલ્દી અટકી જાય છે. તેની પાછળ ઘણા કારણો હોઈ શકે છે. છોકરીઓના શરીરમાં હોર્મોનલ ફેરફારોને કારણે તેમની હાઈટ 14 થી 15 વર્ષની ઉંમર પછી ધીમી પડી જાય છે. આવી સ્થિતિમાં, ચાલો જાણીએ આવું કેમ થાય છે અને જેના કારણે છોકરીઓની ઊંચાઈ વધતી અટકે છે.

છોકરીઓનો વિકાસ ક્યારે અટકે છે?
બાલ્યાવસ્થામાં છોકરીઓની હાઈટ ખૂબ જ ઝડપથી વધે છે અને જેમ જેમ તેઓ તરુણાવસ્થામાં પહોંચે છે તેમ તેમ તેમનો વિકાસ ફરીથી ખૂબ જ વધી જાય છે. 14 થી 15 વર્ષની ઉંમરે અથવા માસિક ધર્મની શરૂઆતમાં છોકરીઓની હાઈટ ઝડપથી વધતી અટકે છે. આવી સ્થિતિમાં જો તમારી પુત્રી અથવા કોઈપણ છોકરીની હાઈટ ખૂબ ઓછી હોય તો તમારે કોઈ સારા બાળરોગ નિષ્ણાતને મળવું જોઈએ અને પુત્રીની હાઈટ વિશે ચર્ચા કરવી જોઈએ.

આ પણ વાંચોઃ દાવોસથી દિલ્હી સુધી Twitter પર શરીરના સોદા, એક રાતનો ભાવ 2.84 લાખ રૂપિયા

તરુણાવસ્થા વૃદ્ધિને કરે છે અસર 
પીરિયડ્સની શરૂઆતના એક કે બે વર્ષ પહેલાં છોકરીઓની વૃદ્ધિમાં ઉછાળો આવે છે. મોટાભાગની છોકરીઓ માટે, તરુણાવસ્થા 8 થી 13 વર્ષની વય વચ્ચે શરૂ થાય છે અને તેમની ઊંચાઈ 10 થી 14 વર્ષની વય વચ્ચે ઝડપથી વધે છે. પ્રથમ પીરિયડસના એક કે બે વર્ષ પછી, તેઓ માત્ર 1 થી 2 ઇંચ વધે છે. આ દરમિયાન તે તેમની પુખ્ત ઊંચાઈ સુધી પહોંચે છે. ઘણી છોકરીઓ 14 થી 15 વર્ષની ઉંમર સુધીમાં તેમની એડલ્ટ હાઈટ સુધી પહોંચી જાય છે. શક્ય છે કે કેટલીક છોકરીઓ નાની ઉંમરમાં જ તેમની એડલ્ટ હાઈટ પર પહોંચી જાય, તે તમારી દીકરી અથવા કોઈપણ છોકરીના પીરિયડ્સ ક્યારે શરૂ થઈ રહ્યા છે તેના પર નિર્ભર કરે છે.

સ્તનના કદમાં વધારો અને તરુણાવસ્થા વચ્ચે શું સંબંધ છે?
સ્તનના કદમાં વધારો એ ઘણીવાર તરુણાવસ્થાની નિશાની છે. કોઈપણ છોકરીના પીરીયડ શરૂ થાય તેના બે વર્ષ પહેલા સ્તનનું કદ વધવા લાગે છે. કેટલીક છોકરીઓમાં પીરિયડ્સ શરૂ થયાના એક વર્ષ પછી જ બ્રેસ્ટ બડ્સ દેખાવા લાગે છે. આ જ સમયે કેટલીક છોકરીઓમાં, માસિક સ્રાવના ત્રણથી ચાર વર્ષ પછી પણ સ્તનના કદનો વિકાસ શરૂ થતો નથી.

આ પણ વાંચોઃ બિચારો પતિ!!! પત્ની સાથે ઉંઘતા પણ ડરે છે, દરરોજ કાઢે છે અલગ-અલગ બહાના

શું છોકરીઓ છોકરાઓ કરતા અલગ દરે વૃદ્ધિ પામે છે?
તરુણાવસ્થા છોકરીઓ કરતાં છોકરાઓમાં પાછળથી શરૂ થાય છે. સામાન્ય રીતે, છોકરાઓમાં તરુણાવસ્થા 10 થી 13 વર્ષની વય વચ્ચે શરૂ થાય છે અને તેમની વૃદ્ધિ 12 અને 15 વર્ષની વય વચ્ચે થાય છે. આનો અર્થ એ છે કે છોકરાઓમાં વૃદ્ધિ છોકરીઓમાં વૃદ્ધિના બે વર્ષ પછી શરૂ થાય છે. મોટાભાગના છોકરાઓ 16 વર્ષની ઉંમર સુધીમાં ઊંચાઈ વધવાનું બંધ કરી દે છે પરંતુ તેમના સ્નાયુઓ વધતા જ રહે છે.

છોકરીઓની સરેરાશ ઊંચાઈ કેટલી છે?
સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC) અનુસાર 20 વર્ષ અને તેથી વધુ ઉંમરની પુખ્ત મહિલાઓની સરેરાશ ઊંચાઈ 63.7 ઇંચ છે. જે માત્ર 5 ફૂટ 4 ઈંચ છે.

ઊંચાઈમાં જીનેટિક્સ શું ભૂમિકા ભજવે છે?
બાળકની હાઈટ સામાન્ય રીતે માતાપિતાની હાઈટ પર આધારિત હોય છે. ઘણીવાર એવું જોવા મળે છે કે માતા-પિતાની ઊંચાઈને કારણે બાળકની ઊંચાઈ પણ ઊંચી હોય છે. જ્યારે તમે બાળકની ઓછી ઊંચાઈને લઈને ડૉક્ટર પાસે જાઓ છો, ત્યારે તે સૌથી પહેલાં માતા-પિતાની ઊંચાઈ વિશે પૂછે છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube