પાટીદારોની જેમ હવે સવર્ણોએ પણ રાજકારણીઓ વિરુદ્ધ બેનરો લગાવ્યા

દેવરિયા : એસસી-એસટી એક્ટમાં કરાયેલા સંશોધન મુદ્દે સવર્ણોમાં ભારે રોષ વ્યાપી રહ્યો છે. વિવિધ ગામડાઓમાં પણ હવે તેનો વિરોધ થઇ રહ્યો છે. દેવરિયા જિલ્લાના કેટલાક ગામડાઓમાં બેનર લટકાવીને આ સંદેશ આપવામાં આવી રહ્યો છે. આ સવર્ણોનું ગામ છે. કૃપા અહીં વોટ માંગીને અમને શરમમાં ન મુકશો. સૌથી ચોંકાવનારી બાબત છે કે જે ગામમાં આ પોસ્ટર લગાવાયા છે ત્યાં અનુસુચિત જાતીના લોકો પણ રહી રહ્યા છે. પરંતુ બેનરનાં વિરોધમાં કોઇ પ્રતિક્રિયા આવી નથી. 

અત્રે ઉલ્લેખનીય છે કે, પાટીદાર અનામત આંદોલન સમયે પણ આવા પ્રકારનાં બેનરો જ સુરત સહિત પાટીદાર બહુમતીવાળા વિસ્તારોમાં બેનરો લગાવાયા હતા. કેન્દ્ર દ્વારા હાલમાં જ એસસી-એસટી એક્ટમાં સંશોધન કરવામાં આવ્યું હતું. આ પરિવર્તન મુદ્દે 6 સપ્ટેમ્બરે સવર્ણોની તરફથી ભારત બંધની જાહેરાત કરવામાં આવી હતી. આ દરમિયાન હિંસાની પણ ઘણી ઘટનાઓ સામે આવી હતી. હવે લોકો દ્વારા ગામોમાં પોસ્ટર લગાવીને નારાજગી વ્યક્ત કરવામાં આવી રહી છે. 

જિલ્લાનાં ભલુઅની વિકાસ ખંડના સોનાડી ગામમાં રવિવારે એવું જ એક પોસ્ટર જોવા મળ્યું હતું. ગામમાં બનેલા ઇન્ટર કોલેજ પર લાગેલા આ પોસ્ટરમાં એક તરફ લખવામાંઆવ્યું છે કે એસસી-એસટી એક્ટનો અમે વિરોધ કરીએ છીએ. તો બીજી તરફ લખ્યું છે કે અનામત મુક્ક ભારત. પોસ્ટમાં નીચે લખાયું છે કે તમામ રાજનીતિક પાર્ટીઓને નિવેદન છે કે તેમનો આ ગામમાં પ્રવેશ વર્જીત છે. જો કોઇ અપ્રિય ઘટના બનશે તો તેના માટે પોતે જ જવાબદાર રહેશે. નીચે લખ્યું છે નિવેદન સમગ્ર ગ્રામવાસીઓ. 

ગામના નિવાસી સુધીર સિંહે જણાવ્યું કે, સવર્ણ મતોની મદદથી સત્તા પ્રાપ્ત કરનાર ભાજપ સરકાર આવ્યા બાદ સવર્ણોને જ નુકસાન પહોંચાડી રહી છે. જેનો સ્વિકાર કરવામાં નહી આવે. હાલ તો આ માત્ર શરૂઆત છે.