Namaste Trump : ભારતના બે દિવસીય પ્રવાસ માટે અમેરિકાથી રવાના થયા રાષ્ટ્રપતિ ડોનાલ્ડ ટ્રમ્પ

મને વડાપ્રધાન નરેન્દ્ર મોદીની સાથે ખુબ સારૂ લાગે છે, તેઓ મારા મિત્ર છે. પીએમ મોદીએ મને કહ્યું હતું કે, આ અત્યાર સુધીનો સૌથી મોટો કાર્યક્રમ હશે.

Last Updated: Feb 23, 2020, 08:36 PM IST

Namaste Trump : ભારતના બે દિવસીય પ્રવાસ માટે અમેરિકાથી રવાના થયા રાષ્ટ્રપતિ ડોનાલ્ડ ટ્રમ્પ

વોશિંગ્ટનઃ અમેરિકાના રાષ્ટ્રપતિ ટ્રમ્પ આજે રવિવારે પોતાના ભારતના પ્રથમ સત્તાવાર પ્રવાસ માટે વ્હાઇટ હાઉસથી રવાના થઈ ગયા છે. તેઓ કાલે એટલે કે સોમવારે સવારે 11.40 કલાકે અમદાવાદ પહોંચશે અને તેમની સાથે પત્ની મેલાનિયા, પુત્રી ઇવાંકા અને જમાઈ જેરેડ કુશ્નર પણ હશે. અમેરિકાના રાષ્ટ્રપતિની સાથે એક પ્રતિનિધિમંડળ પણ હશે. ભારત રવાના થતાં પહેલા તેમણે કહ્યું કે, ભારતના લોકોને મળવા માટે આતુર છું, અમે લાખો લોકોની સાથે ત્યાં હશું. મને વડાપ્રધાન નરેન્દ્ર મોદીની સાથે ખુબ સારૂ લાગે છે, તેઓ મારા મિત્ર છે. પીએમ મોદીએ મને કહ્યું હતું કે, આ અત્યાર સુધીનો સૌથી મોટો કાર્યક્રમ હશે. ભારતીય વિદેશ મંત્રાલયે અમેરિકી રાષ્ટ્રપતિ ટ્રમ્પની ભારતની યાત્રાનો કાર્યક્રમ જાહેર કર્યો છે જે આ પ્રકારે છે...

#WATCH US President Trump ahead of his visit to India: I look forward to being with the people of India, we will be with millions&millions of people. I get along very well with PM,he is a friend of https://t.co/gdvh2zVfyu told me this will be the biggest event they have ever had. pic.twitter.com/2aG6jr1m9G

— ANI (@ANI) February 23, 2020

24 ફેબ્રુઆરી, સોમવાર
સવારે 11.40 કલાકે
રાષ્ટ્રપતિ ટ્રમ્પ તેમના પરિવાર અને પ્રતિનિધિમંડળની સાથે અમદાવાદના સરદાર વલ્લભભાઈ પટેલ આંતરરાષ્ટ્રીય એરપોર્ટ પર ઉતરશે. અહીં માત્ર સત્તાવાર તસવીરો લેવામાં આવશે.

12.15 કલાકે
ટ્રમ્પ અમદાવાદ સ્થિત મહાત્મા ગાંધીના સાબરમતી આશ્રમ પહોંચશે.

બપોરે 1.05 કલાકે
મોટેરા સ્ટેડિયમમાં ભવ્ય 'નમસ્તે ટ્રમ્પ' કાર્યક્રમમાં હાજરી આપશે.

બપોરે 3.30 કલાકે
આગરા માટે રવાના થશે.

સાંજે 4.45 કલાકે
આગરાના એરફોર્સ સ્ટેશન ઉતરશે

સાંજે 5.15 કલાકે
તાજમહેલની મુલાકાત લેશે

6.45 કલાકે
દિલ્હી માટે રવાના થશે

7.30 કલાકે દિલ્હીના પાલમ સ્થિત એરફોર્સ સ્ટેશન પર ઉતરશે

મંગળવાર, 25 ફેબ્રુઆરી

સવારે 10 કલાકે
રાષ્ટ્રપતિ ભવનમાં સ્વાગત કરવામાં આવશે

સવારે 10.30 કલાકે
રાજઘાટઃ મહાત્મા ગાંધીની સમાધિ પર પુષ્પચક્ર અર્પિત કરશે

સવારે 11 કલાકે
પીએમ નરેન્દ્ર મોદીની સાથે હૈદરાબાદ હાઉસમાં બેઠક કરશે

બપોરે 12.40 કલાકે
હૈદરાબાદ હાઉસમાં પત્રકાર પરિષદ સંબોધિત કરશે