ભારતમાં આ રાજ્યના લોકો 1 રૂપિયો પણ ટેક્સ ભરતા નથી, સરકાર પણ કંઈ બોલતી નથી

ગંગટોકઃ Tax Free State in India: કોઈપણ દેશમાં વિકાસ અને તમામ સુવિધાઓની સારી વ્યવસ્થા માટે સરકાર નાગરિકો પાસેથી ટેક્સ વસૂલે છે. સરકારના તમામ કામ માટે નાગરિકોએ ટેક્સ ચૂકવવો પડે છે. તમને જાણીને નવાઈ લાગશે કે ભારતમાં એક એવું રાજ્ય છે જ્યાં લોકો સરકારને એક રૂપિયો પણ ટેક્સ નથી આપતા. આ રાજ્યના લોકોને ટેક્સના જાળમાંથી બહાર રાખવામાં આવ્યા છે એટલે કે તેમને આવકવેરો ભરવામાંથી મુક્તિ આપવામાં આવી છે.

અમે વાત કરી રહ્યા છીએ સિક્કિમની. ભારતના આ ઉત્તરપૂર્વીય રાજ્યના વતનીઓને આવકવેરા અધિનિયમ, 1961ની કલમ 10(26AAA) હેઠળ આવકવેરાની ચુકવણીમાંથી મુક્તિ આપવામાં આવી છે. સિક્કિમ એ શરતે ભારતમાં પ્રવેશ કર્યો કે તે તેનો વિશેષ દરજ્જો જાળવી રાખશે અને ભારતીય બંધારણની કલમ 371(f) માં ઉલ્લેખિત તેના જૂના કાયદાઓ સાથે ચાલુ રાખશે.

સિક્કિમના પોતાના કર કાયદા છે, જેની સ્થાપના 1948માં કરવામાં આવી હતી અને તે 1975થી આ કાયદાઓનું પાલન કરે છે. ઉપરાંત, રાજ્યના નાગરિકોને પાન કાર્ડની આવશ્યકતામાંથી મુક્તિ આપવામાં આવી છે. ભારતીય સિક્યોરિટીઝ માર્કેટ અને મ્યુચ્યુઅલ ફંડમાં રોકાણ કરવા માટે, સિક્કિમના રહેવાસીઓને અગાઉ માર્કેટ રેગ્યુલેટર સેબી દ્વારા PAN ની જરૂરિયાતમાંથી મુક્તિ આપવામાં આવી હતી.

આ પણ વાંચોઃ તમારી પુત્રી આપી દો... પત્ની બનાવીને રાખિશ.. માતાએ ના પાડી તો યુવતી પર કર્યો હુમલો

એસોસિએશન ઓફ ઓલ્ડ સેટલર્સ ઓફ સિક્કિમ (AOSS) દ્વારા 2013માં દાખલ કરાયેલી અરજીમાં "જૂના ભારતીય વસાહતીઓ" કે જેઓ 1975 પહેલા રાજ્યમાં કાયમી ધોરણે સ્થાયી થયા હતા, જ્યારે સિક્કિમનું ભારતમાં વિલીનીકરણ થયું હતું, તેને I-T મુક્તિમાંથી બાકાત રાખવાનો વિરોધ કરતી અરજી કરવામાં આવી હતી. જવાબમાં, સુપ્રીમ કોર્ટે રાજ્યને કલમ 10(26AAA)માં સ્પષ્ટીકરણ બદલવાનો આદેશ આપ્યો. રાજ્યને 26 એપ્રિલ, 1975ના રોજ અથવા તે પહેલાં સિક્કિમમાં પ્રાથમિક નિવાસસ્થાન ધરાવતા તમામ ભારતીય નાગરિકોને IT ચુકવણીમાંથી મુક્તિ લંબાવવાની કલમ સામેલ કરવાનો નિર્દેશ આપવામાં આવ્યો હતો.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube