કામરેજના શિક્ષકે વિદ્યાર્થીને એટલા ડંડા માર્યા કે, શરીર પર લાલ ચકામા ઉપસી ગયા

બારડોલી : કામરેજના ખોલવાડ ખાતે આવેલી એક ખાનગી શાળાના વિદ્યાર્થીને શિક્ષક દ્વારા ઢોરમાર મારવામાં આવ્યો હોવાનો આક્ષેપ કરવામાં આવ્યો હતો. જે સમગ્ર માર મારવાનો વીડિયો હાલ CCTV માં કેદ થયો છે. આ અંગે વાલીઓમાં પણ ખુબ જ રોષ જોવા મળી રહ્યો છે. કામરેજ તાલુકાના ખોલવાડ ગામે આવેલી દેવર્સી IIM શાળામાં 7માં ધોરણમાં ભણતા જૈનિલ કવા ગતરોજ પોતાના મિત્રો સાશે રીષેશ ટાઇમમાં મસ્તી મજાક કરતો હતો. દરમિયાન રિષેશ પુર્ણ થયા બાદ કૌશિક નામના શિક્ષકે સ્ટીલના પાઇપ વડે ધોરણ 7માં ઝણતા જૈનીલને માર માર્યો હતો. 

મહેસાણા : 2 લાખ લઈને ભાગેલી લૂંટેરી દુલ્હને કહ્યું, મને તો માત્ર 40 હજાર જ મળ્યા છે

આ માર એટલો ગંભીર હતો કે જૈનિલ ગંભીર રીતે ઘાયલ થયો હતો. જૈનિલે ઘરે આવીને ખુબ જ દુખાવો થતા માતા-પિતાને વાત કરી હતી. વાલીએ જૈનિલના પગ ચેક કરતા આખા પગ પર તેને ચાઠા હતા. જ્યારે વાલીઓએ આ અંગે ફરિયાદ કરતા શાળા તંત્ર બચાવની મુદ્રામાં જોવા મળ્યું હતું. ત્યારે આ મુદ્દે વાલીઓ પર ગંભીર આક્ષેપો લગાવવામાં આવી રહ્યા છે. હાલ તો શિક્ષક દ્વારા મારવામાં આવેલા મારના CCTV ખુબ જ વાયરલ થઇ રહ્યા છે. શિક્ષક દ્વારા માત્ર એક વિદ્યાર્થી જ નહી પરંતુ બીજા પણ ઘણા વિદ્યાર્થીઓને પણ માર માર્યો હતો. 

ભારે વરસાદની આગાહી વચ્ચે ગુજરાતના દરિયાનો મિજાજ બદલાયો, 11 બંદર પર 3 નંબરનુ સિગ્નલ મૂકાયું

જ્યારે આ સમગ્ર મામલે શાળાએ શિક્ષકની તરફેણમાં લુલો બચાવ કર્યો હતો. જો કે વાલીને સંતોષકારક જવાબ આપ્યો ન હતો ત્યારે વાલીએ સીસીટી જોવા માંગ્યા ત્યારે વાલીને પોલીસ સ્ટેશન ખાતે સીસીટીવી બતાવીશું તેવો ઉડાઉ જવાબ આપ્યો હતો. વાલીઓનો આક્ષેપ છે કે, આવા જવાબ દ્વારા શિક્ષકોનો લુલો બચાવ કરવામાં આવી રહ્યો છે. ત્યારે હાલ તો વાલીઓ દ્વારા શાળા પાસે યોગ્ય ન્યાયની માંગ કરી રહ્યા છે. હાલ તો સમગ્ર મામલે વાલીઓ દ્વારા કાયદાકીય સલાહ માંગવામાં આવી રહી છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube