આ પ્રતિબંધ મૂકાશે તો સુરતના હીરા ઉદ્યોગની મુશ્કેલી વધશે, જાણો શું છે મોટું કારણ
રશિયા અને યૂક્રેન વચ્ચે યુદ્ધના લીધે દુનિયાના અનેક દેશોના અર્થતંત્ર પર અસર પડી રહી છે. કેટલાક દેશોએ રશિયાના આ નિર્ણય સામે વાંધો પણ લીધો છે. જોકે તેમ છતાંય રશિયા અને યૂક્રેન વચ્ચે હાલ પણ યુદ્ધ જારી છે. રશિયાના અર્થતંત્ર પર અસર પડે તે માટે અપ્રત્યક્ષ રીતે કેટલાક દેશો પ્રયાસ કરી રહ્યા છે.
Trending Photos
- 9
- 6
- 5
- 8
)
ઝી બ્યુરો/સુરત: G7 દેશો દ્વારા રશિયન હીરાની આયાત પર પ્રતિબંધ મૂકવામાં આવ્યો છે ત્યારે તેની સીધી અસર સુરતના હીરા ઉદ્યોગ પર જોવા મળી રહી છે. હીરા ઇમ્પોર્ટ રોકવા માટેના કાયદાનો અમલ કઇ રીતે કરાશે તે અંગે હીરા ઉદ્યોગકારો દ્વિધામાં મુકાયા છે.
રશિયા અને યૂક્રેન વચ્ચે યુદ્ધના લીધે દુનિયાના અનેક દેશોના અર્થતંત્ર પર અસર પડી રહી છે. કેટલાક દેશોએ રશિયાના આ નિર્ણય સામે વાંધો પણ લીધો છે. જોકે તેમ છતાંય રશિયા અને યૂક્રેન વચ્ચે હાલ પણ યુદ્ધ જારી છે. રશિયાના અર્થતંત્ર પર અસર પડે તે માટે અપ્રત્યક્ષ રીતે કેટલાક દેશો પ્રયાસ કરી રહ્યા છે. જેના ભાગરૂપે રશિયાના હીરા પર પણ પ્રતિબંધ મૂકવામાં આવ્યા છે. તેને વધુ સખત કરવા માટે જી-7 દેશો દ્વારા ફરીથી આ મુદ્દે ચર્ચાઓ જારી છે અને ટૂંકમાં જ તેના વિશે તમામ નિયમો જારી કરવામાં આવે તેવી શક્યતા વ્યક્ત કરવામાં આવી રહી છે.
ભારતના હીરાઉદ્યોગકારો રશિયા, દક્ષિણ આફ્રિકા, ઝિમ્બાબ્વે સહિતના દેશોમાંથી રફ હીરા ઇમ્પોર્ટ કરે છે. જે પૈકી રશિયાના હીરા અન્ય માઇન્સ કરતાં વધારે ઇમ્પોર્ટ થાય છે. રશિયા અને યુક્રેન વચ્ચે યુદ્ધ પછી અમેરિકા સહિતના કેટલાક દેશો રશિયાનો વિરોધ કરી રહ્યા છે. તેમણે રશિયાના હીરા નહી ખરીદવાનો નિર્ણય લીધો છે. દુનિયાના તમામ દેશોમાં કટ અને પોલિશ્ડ હીરાનો મોટો જથ્થો ભારતમાંથી નિકાસ થાય છે. ભારતથી નિકાસ થતા હીરા રશિયાના હોય તો તેને કેટલાક દેશોએ નહી સ્વીકારવાનો નિર્ણય લીધો છે.
વિકસિત સાત દેશોના સમૂહ એટલે કે જી-7 દેશોએ પણ થોડા દિવસો પહેલા મિટિંગમાં રશિયાના હીરા અંગે ચર્ચા વિચારણા કરી હતી અને તેના પર અંકુશ મૂકવા માટે નિયમ ઘડી રહ્યા છે. જાણવા મળેલી માહિતી મુજબ જી-૭ દેશો કેનેડા, ફ્રાન્સ, જર્મની, ઇટાલી, જાપાન, યુકે અને અને યુએસમાં રશિયાના હીરા નહીં એક્સપોર્ટ થાય તે માટે હીરાઉદ્યોગકારોએ હીરા સાથે હીરાના ઓરિજિન અંગે સેલ્ફ ડિક્લેરેશન આપવું પડશે.
સાથોસાથ એક એક નોડલ એજન્સી બનાવવા અંગે પણ વિચારણા ચાલી રહી છે કે જે સર્ટિફિકેટની વિગતો સાચી છે કે નહીં તેની તપાસ કરી શકશે. જી-7 દેશો દ્વારા રશિયાના હીરા સામે સખતી કરવામાં આવી રહી છે, પરંતુ સ્થાનિક હીરાઉદ્યોગકારોનું કહેવું છે કે ભલે કાયદાઓ બની જાય પરંતુ તેનો અમલ કઇ રીતે કરાશે અને કયા હીરા માટે કરવામાં આવશે તે ગૂંચવણો ભરેલું છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
