ખાદ્યતેલનાં ભાવમાં ફરી મોટો ઉછાળો; છેલ્લા ત્રણ દિવસમાં સિંગતેલનાં ભાવમાં ભડકો, જાણો શું છે નવો ભાવ?

ઝી બ્યુરો/રાજકોટ: સાતમ- આઠમ બાદ હવે નોરતા-દિવાળીમાં પણ સામાન્ય લોકોએ ભાવવધારો સહન કરવાની નોબત આવી છે. એટલે કે ખાદ્યતેલનાં ભાવમાં ફરી એકવાર ઉછાળો આવ્યો છે. છેલ્લા ત્રણ દિવસમાં સિંગતેલનાં ડબ્બે 110 રૂપિયાનો વધારો નોંધાયો છે. સિંગતેલનો 15 કિલોનાં ડબ્બાનો ભાવ 3050 થી 3090 રૂપિયાએ પહોંચ્યો છે. આવનારા દિવસોમાં હજુ પણ 50થી 70 રૂપિયા ભાવ વધે તેવી પૂરી શક્યતાઓ જોવામાં આવી રહી છે. 

ફરી કોંગ્રેસ તૂટી! પૂર્વ શહેર પ્રમુખ પ્રશાંત પટેલ સહિત 500 કાર્યકરો કરશે કેસરિયો

બીજી બાજુ ભાવ વધારા પાછળ વેપારીઓ અને મિલરો ઊંઘતા ઝડપાયા છે. મગફળીની આવક સારા પ્રમાણમાં છે, પરંતુ સીંગતેલનો જથ્થો પૂરતો ન હોવાથી ભાવમાં વધારો થયો છે. મોટાભાગની મિલો અત્યારે બંધ છે જે નવરાત્રિ આસપાસ શરૂ થતી હોય છે. નવરાત્રિના સમયે ઓઇલ મીલો શરૂ થશે એટલે ભાવમાં તુરંત જ ઘટાડો આવશે.

એકતરફી પ્રેમીએ ફરી હદ વટાવી! જાહેરમાં ચપ્પુના ઘા ઝીંકી પ્રેમિકાની હત્યા, પરિવારજનો..

સિંગેતલમાં ભાવમાં મંગળવારે રૂ.70 વધ્યા બાદ બુધવારે પણ રૂ.30નો વધારો થયો હતો. આમ બે દિવસમાં ડબ્બે રૂ.100 વધ્યા હતા. વરસાદ ખેંચાતા મગફળીનો પાક નિષ્ફળ જવાની ચિંતા સેવાઈ રહી છે. વરસાદ ખેંચાતા અત્યારથી જ મગફળી-સિંગતેલમાં કાળાબજાર શરૂ થઈ ગયા છે. આ વખતે 22 લાખ ટન મગફળીનો પાક આવે તેવી સંભાવના છે. જો વરસાદ આવશે તો મગફળીનો પાક 3 લાખ ટન વધી શકે છે. બે દિવસ સિંગતેલના ભાવમાં સતત વધારો થતા અન્ય સાઈડ તેલમાં પણ ભાવમાં વધ-ઘટ જોવા મળી રહી છે.

ગુજરાતનાં આ વિસ્તારમાં મેઘો ભૂક્કા બોલાવશે! અંબાલાલની ભારેથી અતિભારે વરસાદની આગાહી

નોંધનીય છે કે, બુધવારે કપાસિયા તેલનો ડબ્બો રૂ.1570, પામોલીન રૂ.1360, સરસવ રૂ.1680, સનફ્લાવર રૂ.1450, કોર્ન ઓઈલ રૂ.1480, વનસ્પતિ ઘી રૂ.1590, કોપરેલ રૂ.2300, દિવેલ રૂ.2120 બોલાયો હતો. હજુ પણ ભાવ વધવાની સંભાવના છે. હવે ગણેશોત્સવ, નોરતાની ખરીદી શરૂ થશે. તહેવારમાં તેલની જરૂરિયાત વધારે રહેશે. 

વાલીઓ માટે ચેતવણીરૂપ કિસ્સો! પિતાની લાપરવાહીના કારણે કારમાં ફસાઈ ગયું બાળક અને પછી…'

ઉલ્લેખનીય છે કે. સૌરાષ્ટ્રમાં મગફળીનું વાવેતર ઘટવાને કારણે સંગ્રહખોરી પણ વધી રહી છે. જાડી અને ઝીણી મગફળી બન્ને મળીને આવક 1600 ક્વિન્ટલ થઈ છે. મંગળવારની સરખામણીએ બુધવારે કપાસની આવક 1100 ક્વિન્ટલ વધી હતી, પરંતુ ભાવની સપાટી યથાવત્ રહી હતી. ગુજરાતની સાથે સાથે રાજસ્થાનમાં પણ વરસાદ ખેંચાતા તેલ બજારનું ગણિત-ચિત્ર પલટી ગયું છે.

મોબાઈલની જીદે યુવકનો જીવ ગયો! માતાએ મોબાઈલ ન લઈ આપતા સુરતમાં યુવકે કર્યો આપઘાત