અમરેલી : બગસરા રોડ પર ટ્રક અને કારનો અકસ્માત, 4નાં મોત, 3 ઇજાગ્રસ્ત
Trending Photos
- 6
- 11
- 9
- 7
)
અમરેલી : અમરેલી - બગસરા રોડ પર બાબુપુર ગામના પાટીયા પાસે ગમ્ખવાર અકસ્માત સર્જાયો હતો. જેમાં કાર અને ટ્રક વચ્ચેના અકસ્માતમાં એક જ પરિવારનાં 4 વ્યક્તિનાં ઘટના સ્થળે જ મોત નિપજ્યાં છે. મૃતકમાં સાસુ વહુ અને બે બાળકોનો સમાવેશ થાય છે. મૃતક બંન્ને બાળકો ભાઇ બહેન હતા. જ્યારે 3 વ્યક્તિને ઇજા પહોંચતા 2ને ગંભીર ઇજા સાથે રાજકોટ હોસ્પિટલ સારવાર માટે ખસેડ્યા છે.
જ્યારે એક વ્યક્તિને અમરેલી હોસ્પિટલમાં ખસેડવામાં આવી છે. મૃતક તમામ ગાવડકા ગામમાં રહેતા અને એક જ ગાડીમાં 7 લોકો બેઠેલા હતા. ઘટનાને પગલે લોકોના ટોળા એકત્ર થઇ ગયા હતા. કારમાં ફસાયેલા લોકોને બહાર કાઢ્યા હતા. તમામને સારવાર માટે 108 દ્વારા હોસ્પિટલ ખસેડવામાં આવ્યા હતા.
108 EMT એ જણાવ્યું કે, અમરેલી-બગસરા રોડ પર ઘટના બની હતી. 108ને કોલ મળતા અમરેલીથી બે બગસરાથી એક ટીમ 108ની ટીમ ઘટના સ્થળે પહોંચી હતી. હાલ હજી પણ 1 વ્યક્તિની સ્થિતી ગંભીર હોવાનું જાણવા મળી રહ્યું છે. તમામની સારવાર ચાલી રહી છે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
