Confirmed: આ દિવસે સિનેમાઘરોમાં રિલીઝ થશે Radhe, સલમાન ખાને આપી ખુશખબર

નવી દિલ્હીઃ બોલીવુડના ભાઈજાનના ફેન્સ જેનો લાંબા સમયથી રાહ જોઈ રહ્યાં હતા તે સમય હવે આવી ગયો છે. આખરે સુપરસ્ટાર સલમાન ખાન  (Salman Khan) એ મૌન તોડ્યુ છે અને પોતાની આવનારી ફિલ્મ રાધેઃ યોર મોસ્ટ વોન્ટેડ ભાઈ (Radhe: Your Most Wanted Bhai) ની રિલીઝ ડેટની જાહેરાત કરી દીધી છે. સલમાને સોશિયલ મીડિયા દ્વારા જાહેરાત કરી છે કે આ ફિલ્મ આ વર્ષે ઈદ (Eid 2021) પર રિલીઝ થશે. 

સલમાને રાધે સાથે સંબંધિત જાણકારી શેર કરતા લખ્યુ, 'સોરી બધા થિએટર માલિકોની વિનંતી પર જવાબ આપવામાં મને આટલો સમય લાગી ગયો. તે સમયે આટલો મોટો નિર્ણય લેવો મુશ્કેલ હતો. હું થિયેટર માલિકો અને એક્ઝીબીટરોની ખરાબ સ્થિતિ સમજી શકુ છે, તેથી મેં નક્કી કર્યું છે કે રાધે ફિલ્મ થિયેટરમાં જ રિલીઝ થશે.'

#Radhe pic.twitter.com/0VMAbeqGyV

— Salman Khan (@BeingSalmanKhan) January 19, 2021

તેણે આગળ લખ્યુ, 'હું તેમને વિનંતી કરીશ કે જે પણ દર્શક આ ફિલ્મ જોવા સિનેમાહોલમાં આવે તેની સુરક્ષાની તમામ વ્યવસ્થા કરવામાં આવે. મારૂ કમિટમેન્ટ ઈદનું છે અને આ ફિલ્મ ઇંશાઅલ્લાહ 2021ના ઈદ પર રિલીઝ થશે. ઉપર વાળાની ઈચ્છા હશે તો આ વર્ષે રાધેને થિયેટરમાં જોવાનો આનંદ ઉઠાવીશું.'

આ પણ વાંચોઃ AUSvsIND: ટીમની જીત પર બોલીવુડે આપી શુભેચ્છા, શાહરૂખ બોલ્યો- આખી રાત જાગીને મેચ જોઈ  

સલમાન ખાન (Salman Khan) ની ફિલ્મ થિયેટરમાં રિલીઝ થવાનો મતલબ છે કે દર્શકોએ ફિલ્મ જોવા સિનેમાઘરોમાં પહોંચવું પડશે. આશા છે કે ઈદ સુધી સ્થિતિ સુધરી જશે અને એક વર્ષથી ઘરમાં બેસેલા ફિલ્મ પ્રેમીઓને આ વખતે બહાર જઈ કંઈક ધમાકો જોવાની તક મળશે. આ વર્ષે ઈદ 19 કે 20 જુલાઈએ આવવાની છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube