Aaradhya Bachchan: લિપ કિસ પર મચી ભારે બબાલ!, દીકરીના જન્મદિવસે જ ઐશ્વર્યા રાય થઈ ટ્રોલ, જાણો શું છે મામલો

અભિષેક બચ્ચન અને ઐશ્વર્યા રાય બચ્ચનની લાડકી પુત્રી આરાધ્યા આજે 11 વર્ષની થઈ ગઈ. અમિતાભ બચ્ચનની પૌત્રી આરાધ્યાનો જન્મ 16 નવેમ્બર 2011ના રોજ થયો હતો. આરાધ્યાના 11માં  બર્થડે પર ઐશ્વર્યા અને અભિષેક પોતાની લાડકી પુત્રી પર ઢગલો પ્રેમ વરસાવી રહ્યા છે. અભિનેત્રીએ પોતાના ઈન્સ્ટાગ્રામ એકાઉન્ટથી એક ફોટો પોસ્ટ કર્યો છે. આ તસવીરમાં ઐશ્વર્યા આરાધ્યાને લિપ કિસ કરતી જોવા મળે છે. તસવીર શેર કરતા અભિનેત્રીએ લખ્યું કે મારો પ્રેમ, મારી જિંદગી...આઈ લવ યુ મેરી આરાધ્યા...

માતા ઐશ્વર્યાની આરાધ્યા માટેની આ ક્યૂટ પોસ્ટ ફેન્સને ખુબ પસંદ પડી રહી છે. અભિનેત્રીની પોસ્ટ પર ઢગલો કમેન્ટ્સ પણ આવી રહી છેં. પણ જ્યાં કેટલાક લોકો આરાધ્યાને બર્થડે વીશ કરી રહ્યા છે ત્યાં બીજી બાજુ એવા પણ લોકો જોવા મળી રહ્યા છે જે પુત્રીને લિપ કિસ કરવા બદલ ઐશ્વર્યાને ટ્રોલ પણ કરી રહ્યા છે. એક યૂઝરે લખ્યું કે માનો પ્રેમ.... તો બીજા યૂઝરે લખ્યું કે આ ભારતનું કલ્ચર નથી. ઐશ્વર્યા રાયની આ પોસ્ટને અત્યાર સુધીમાં સાડા ચાર લાખથી વધુ લાઈક મળી ચૂકી છે. 

ઐશ્વર્યા રાયની પોસ્ટ....

 

 

 

 

View this post on Instagram

 

 

 

 

 

 

 

 

 

 

 

A post shared by AishwaryaRaiBachchan (@aishwaryaraibachchan_arb)

વર્ષ 2007માં થયા લગ્ન
અત્રે જણાવવાનું કે અભિનેત્રી ઐશ્વર્યા રાયે વર્ષ 2007માં બોલીવુડના શહેનશાહ અમિતાભ બચ્ચનના પુત્ર અભિષેક સાથે લગ્ન કર્યા હતા. આ લગ્ન તે સમયે દેશમાં જ નહીં પરંતુ વિદેશમાં પણ ચર્ચાને પાત્ર બન્યા હતા. અભિનેત્રીએ લગ્નના 4 વર્ષ બાદ એટલે કે 2011માં દીકરી આરાધ્યાને જન્મ આપ્યો હતો. ઘરમાં જન્મેલી નાનકડી પૌત્રીનું નામ અમિતાભ બચ્ચને પોતે રાખ્યું હતું. 

પ્રોટેક્ટિવ છે ઐશ્વર્યા
ઐશ્વર્યા રાય બચ્ચન તેની પુત્રી આરાધ્યાને લઈને ખુબ પ્રોટેક્ટિવ રહે છે. તે પબ્લિક પ્લેસ પર પુત્રીને પાપારાજીના કેમેરાથી બચાવવાની કોશિશ કરતી જોવા મળતી હોય છે. ઐશ્વર્યા પુત્રીની ખુબ જ ક્લોઝ છે અને આ જ કારણ છે કે તે તેની પુત્રી સાથે જોવા મળતી હોય છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube