இந்தியன் பிரீமியர் லீக்கின் (ஐபிஎல்) 2023 சீசன் தொடங்குவதற்கு முன்னதாக சென்னை சூப்பர் கிங்ஸ் (சிஎஸ்கே) பெரும் அடியை சந்தித்துள்ளது, ஏனெனில் நட்சத்திர ஆல்-ரவுண்டர் பென் ஸ்டோக்ஸ் முழங்கால் காயத்தால் இந்த சீசனின் தொடக்கத்தில் பந்து வீசத் மாட்டார் என்று தகவல் வெளியாகி உள்ளது. சமீபத்தில் நியூசிலாந்துக்கு எதிரான இங்கிலாந்து டெஸ்ட் தொடரின் போது ஸ்டோக்ஸ் காயத்தால் அவதிப்பட்டு வந்தார். இருப்பினும், ஐபிஎல் முடிந்த சில நாட்களில் ஆஸ்திரேலியாவுக்கு எதிரான ஆஷஸ் தொடர் தொடங்கினாலும், நான் ஐபிஎல் போட்டியில் விளையாடுவேன் என்று இரண்டாவது டெஸ்ட் போட்டி முடிந்ததும் பென் ஸ்டோக்ஸ் உறுதிப்படுத்தினார். CSKன் பேட்டிங் பயிற்சியாளர் மைக்கேல் ஹஸ்ஸி பென் ஸ்டோக்ஸ் பந்து வீச மாட்டார் என்பதை உறுதிப்படுத்தினார்.
மேலும் படிக்க | வொர்க் அவுட் செய்யும் தல தோனியின் தலை வீடியோ! தலையை கொஞ்சம் காட்டுங்க! வீடியோ வைரல்
"எனது புரிதல் என்னவென்றால், அவர் தொடக்கத்தில் இருந்தே ஒரு பேட்ஸ்மேனாக விளையாடத் தயாராக இருக்கிறார். பந்துவீச்சைக் காத்திருந்து பார்க்க வேண்டும், அவருக்கு முழங்காலில் காயம் உள்ளது. சென்னை மற்றும் ஈசிபியைச் சேர்ந்த பிசியோக்கள் மிகவும் நெருக்கமாக வேலை செய்கிறார்கள். எனது புரிதல் என்னவென்றால், அவர் போட்டியின் முதல் சில ஆட்டங்களில் அதிகம் பந்துவீச மாட்டார், சில வாரங்கள் ஆகலாம். எனக்கு 100% உறுதியாகத் தெரியவில்லை, ஆனால் நாங்கள் போட்டியின் ஒரு கட்டத்தில் அவரை பந்துவீச வைப்போம்," என்று மைக்கேல் ஹஸ்ஸி கூறினார். சிஎஸ்கே தனது தொடக்க ஆட்டத்தில் வெள்ளிக்கிழமை (மார்ச் 31) நடப்பு சாம்பியனான குஜராத் டைட்டன்ஸ் (ஜிடி) உடன் அகமதாபாத்தின் நரேந்திர மோடி ஸ்டேடியத்தில் விளையாடுகிறது. CSK ஐந்தாவது ஐபிஎல் பட்டத்தை கைப்பற்றி சாதனை படைக்கும் முயற்சியில் உள்ளது. சிஎஸ்கே கேப்டனாக எம்எஸ் தோனியின் வாரிசாக ஸ்டோக்ஸ் பலரால் விரும்பப்பட்டார். ஸ்டோக்ஸை CSK மிக அதிகக் விலைகொடுத்து ஏலத்தில் ரூ.16.25 கோடிக்கு எடுத்தனர்.
Going Ballistic!WhistlePodu #Yelloveimjadeja @benstokes38 pic.twitter.com/IZ0QjqNPXd
— Chennai Super Kings (@ChennaiIPL) March 26, 2023
சிஎஸ்கே அணி விவரம்:
எம்எஸ் தோனி, ரவீந்திர ஜடேஜா, டெவோன் கான்வே, ருதுராஜ் கெய்க்வாட், அம்பதி ராயுடு, சுப்ரான்ஷு சேனாபதி, மொயின் அலி, ஷிவம் துபே, ராஜ்வர்தன் ஹங்கர்கேகர், டுவைன் பிரிட்டோரியஸ், மிட்செல் சான்ட்னர், தீபக் சாஹர், துஷார் தேஷ்பாண்டே, முகேஷ் சிம்மத் சௌத்ரி, முகேஷ் சிம்மத் சௌத்ரி, , மகேஷ் தீக்ஷனா, அஜிங்க்யா ரஹானே, பென் ஸ்டோக்ஸ், ஷேக் ரஷீத், நிஷாந்த் சிந்து, கைல் ஜேமிசன், அஜய் மண்டல், பகத் வர்மா, சிசண்டா மகலா
மேலும் படிக்க | IPL 2023: சிஎஸ்கே-வில் விளையாடப்போகும் 11 வீரர்கள்! லீக் ஆனா லிஸ்ட்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
