நடிகர் கார்த்தி நடிப்பில் உருவாகி வரும் ‘கைதி’ திரைப்படத்தின் டீஸரினை படக்குழுவினர் வெளயிட்டுள்ளனர்!
நடிகர் கார்த்தி நடிப்பில் உருவாகி சமீபத்தில் வெளியான ‘தேவ்’ திரைப்படம் தமிழ் திரைப்பட ரசிகர்களிடையே நல்ல வரவேற்ப்பை பெற்றுள்ளது. இத்திரைப்படத்தினை தொடர்ந்து மாநகரம் திரைப்படத்தை இயக்கிய லோகேஷ் கனகராஜ் இயக்கும் ‘கைதி’ திரைப்படத்தில் தற்போது நடித்துள்ளார்.
இத்திரைப்படத்தை சத்யன் சூர்யன் தயாரிப்பு நிறுவனம் தயாரிக்கிறது. மேலும் ட்ரீம் வாரியர்ஸ் அசோசியேட் செய்கின்றனர். ஏற்கனவே கார்த்திக் நடிப்பில் வெளியான சகுனி, காஷ்மோரா, தீரன் அதிகாரன் ஒன்று ஆகிய படங்களுக்கு இந்நிறுவனம் அசோசியேட் செய்துள்ளனர்.
இப்படத்தின் படபிடிப்பு வேலைகள் தற்போது முடிவடைந்துள்ள நிலையில், இத்திரைப்படத்தின் டீஸரினை படக்குழுவினர் வெளியிட்டுள்ளனர்.
டீஸரில் காண்பிக்கப்படும் காட்சிகள் கைதிக்கும் காவல்துறைக்கு இடையே நடக்கும் போட்டி, போராட்டங்களை கதை கருவாக கொண்டு திரைப்படம் உருவாகி இருக்கலாம் என தெரிகிறது.
