வைரல் வீடியோ: இன்றைய உலகில், சமூக ஊடகங்கள் நம் வாழ்வோடு பின்னிப்பிணைந்து உள்ளன. இணையம் ஒரு தனி உலகமாக இயங்கி வருகிறது. இங்கு பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. பயனுள்ள பல தகவல்களுடன் கேளிக்கைக்கான ஒரு வழியாகவும் இது உள்ளது. நாம் நமது அன்றாட வாழ்வில் ஏற்படும் இறுக்கங்களை சற்று தளர்த்திக்கொள்ள இணையத்தில் பகிரப்படும் வீடியோக்கள் நமக்கு உதவுகின்றன. இவற்றில் விலங்குகளின் வீடியோக்களுக்கென தனி ரசிகர் பட்டாளமே உள்ளது. விலங்குகளின் உலகில் நாம் நம்ப முடியாத, அருகில் சென்று பார்க்க முடியாத பல நிகழ்வுகளை நாம் இணையத்தில் காண்கிறோம்.
நாய் மிகவும் நன்றியுள்ள விலங்கு. அதுமட்டுமல்ல, அது மிகவும் புத்திசாலியான விலங்காகவும் உள்ளது. நாம் ஆச்சரியப்படும் பல விஷயங்களை செய்து நாய்கள் நம்மை அசத்துவது உண்டு. நாய்கள் வளர்க்கப்படும் வீடுகளில் அவை வீட்டின் ஒரு அங்கமாகவே பார்க்கப்படுகின்றன. நாய்களும் தங்கள் முதலாளிகள் மீதும், வளர்க்கப்படும் வீட்டு உறுப்பினர்கள் மீதும் அளவுகடந்த பாசத்தை காட்டுகின்றன.
வீட்டில் செல்லப்பிராணிகளை வைத்திருப்பவர்கள் அவை செய்யும் சேட்டைகளையும் குறும்புகளையும் அவ்வப்போது கேமெராவில் வீடியோ எடுப்பது உண்டு. அப்படி ஒருவர் தன் நாயை எடுத்த வீடியோ தற்போது சமூக ஊடகங்களில் பகிரப்பட்டு வைரல் ஆகி வருகின்றது.
இந்த நபர் டெட்டி என்ற தன் நாயின் முன்னால், போனில் பேசுவது போல நடிக்கிறார். தான் நாயை விட்டுவிட்டு வெளியே செல்லப்போகப்போவதாக அவர் போனில் பேசுவது போல நடிக்கிறார். இதை கேட்ட நாய் உடனே வீராவேசமாக அவர் மீது பாய்ந்து அவரை படுத்தத் துவங்குகிறது. அவரை கொஞ்சி, செல்லமாக படுத்தி அவரை தாஜா செய்கிறது. அவர் போனில் யாருடனோ பேசுவது போல நடித்து, ‘நான் டெடியை அழைத்துக்கொண்டு வர மாட்டேன். அது என்னை மிகவும் படுத்தும்.’ என வேண்டுமென்றே கூறி, அதை வம்புக்கு இழுக்கிறார். ஆனால், இதை கேட்ட உடனேயே அது அவர் மீது பாய்ந்து அவர் கழுத்து, முகம் என அனைத்து இடங்களிலும் புரண்டு அவரை பாடாய் படுத்தி, அவருக்கு ஐஸ் வைத்து தன்னையும் அழைத்துச்செல்ல செல்லமான முறையில் முயற்சி செய்கிறது.
மேலும் படிக்க | ச்சூச்சூ போகறதுலயும் ஸ்டைலா? என்ன கண்றாவிடா இது? ரசிக்க வைக்கும் குறும்பு வீடியோ
அற்புதமான இந்த க்யூட் வீடியோவை இங்கே காணலாம்:
வீடியோ இணையத்தில் வைரல் ஆனது
இந்த வீடியோ சமூக ஊடக தளமான இன்ஸ்டாகிராமில் teddy_tedcocker என்ற கணக்கில் பகிரப்பட்டுள்ளது. இந்த வீடியோ பதிவிடப்பட்டதில் இருந்து வைரலாக பரவி வருகிறது. இதுவரை 11.4 மில்லியனுக்கும் அதிகமானோர் இந்த வீடொயோவை பார்த்துள்ளனர். இந்த வீடியோவுக்கு ஏகப்பட்ட லைக்குகளும் கிடைத்துள்ளன. இணையவாசிகள் இதற்கு பல வித கமெண்டுகளை அளித்து வருகிறார்கள்.
"நான் டெடியின் வழக்கறிஞர், நீங்கள் என் வாடிக்கையாளரை அவமதிக்கிறீர்கள். அது ஒரு நல்ல நாய்” என்று இன்ஸ்டாகிராம் பயனர் ஒருவர் வேடிக்கையாக கருத்து தெரிவித்துள்ளார். "இந்த வீடியோவை பார்த்தவுடன் எனக்கு என்னுடைய நாய்தான் ஞாபகம் வருகிறது. அதுவும் இப்படி தான் செய்யும்” என மற்றொரு நபர் கமெண்ட் செய்துள்ளார்.
மேலும் படிக்க | Video: எருமையின் மூக்கை கவ்விய முதலை! பிறகு என்ன நடந்தது என்று பாருங்கள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
