வாஷிங்டன்: சூரியன், மஞ்சள் நிறத்தில் இருந்து வெள்ளை நிறமாக மாறுவது குறித்து எழுத்தாளர் ஜாக்கி டீவோய் சமீபத்தில் ட்வீட் செய்தார், இது சமூக ஊடகங்களில் விவாதத்தைத் தூண்டியது.
சூரியனின் நிறம் மஞ்சள்?
நான் சிறுவனாக இருந்தபோது சூரியன் மஞ்சள் நிறமாக இருக்கும் என்று 20 வயது இளைஞரிடம் சொன்னால் அவர் சிரிக்கிரார். அவர் கடைசியாக மஞ்சள் சூரியனை டெலிடூபீஸில் பார்த்தார். இதோ இப்போது சூரியன் இப்படி இருக்கிறது. வெள்ளை மற்றும் வித்தியாசமான வடிவத்தில் இருக்கும் சூரியனின் தோற்றம். நீங்கள் இருக்கும் இடத்தில் சூரியன் எப்படி இருக்கிறது?
என்ற ஜாக்கி டீவோயின் பதிவு வைரலானது.
I’m just telling a person in their 20s that the sun used to be yellow when I was a child and he’s laughing. The last time he saw a yellow sun was on Teletubbies. Here’s the sun right now. White and a weird shape. How’s it looking where you are? pic.twitter.com/C3BJdt7s8I
— Jacqui Deevoy (@JacquiDeevoy1) May 3, 2023
வைரலான டிவிட்டர் பதிவு
சில நாட்களில், இந்த டிவிட்டர் பதிவு, ஆறு மில்லியனுக்கும் அதிகமான பார்வைகளைப் பெற்றது. இந்த பதிவை பார்த்தவர்களும் பார்ப்பவர்களும், சூரியனின் நிறம் என்ன? மஞ்சளா இல்லை வெள்ளை தான் என இரு பிரிவாக பிரிந்து தங்கள் தரப்புக் கருத்துக்களை எடுத்துரைக்கின்றனர்.
மேலும் படிக்க | AI டூல் ஏசிங் மருத்துவப் பரிசோதனைகள் நோய்களை கண்டறியுமா?
நமது சூரிய மண்டலத்தின் நட்சத்திரத்தின் நிறம் குறித்த இந்த விவாதம் மிகவும் ஆர்வமுள்ள கேள்வியை எழுப்பியது - சூரியனின் நிறம் என்ன: மஞ்சள் அல்லது வெள்ளை?
விஞ்ஞானிகளின் கணிப்பின் படி சூரியனின் நிறம்
விஞ்ஞானிகளின் கூற்றுப்படி, சூரியன், வெள்ளை மற்றும் மஞ்சள் என இரண்டு நிறங்களையும் கொண்டிருக்கிறது. ஆனால் அவை இரண்டும் சூரியனின் நிறம் இல்லை. சூரியன் உண்மையில் பச்சை நிறத்தில் இருக்கிறது என்ற தகவல் ஆச்சரியமாக இருக்கலாம்.
நாசாவின் சோலார் டைனமிக்ஸ் அப்சர்வேட்டரியின் திட்ட விஞ்ஞானி டபிள்யூ டீன் பெஸ்னெல், "உங்கள் கண்களால் சூரியனைப் பார்த்தால் பச்சையாகத் தோன்றும்" என்றார்.
"அடிப்படையில், நீங்கள் சூரியனைப் பார்க்கும்போது, அதில் உள்ள அனைத்து வெவ்வேறு வண்ணங்களும் தெரிவதில்லை. அது மிகவும் பிரகாசமாக இருக்கிறது, அதன் பிரகாசமானது, பார்ப்பவரின் கண்களின் திறனை மங்கச் செய்துவிடுகிறது. அதாவது பிரகாசம் அதிக உள்ள சூரியனை சில நொடிகளுக்கு மேல் நம்மால் பார்க்க முடிவதில்லை. 'சூரியனின் நிறம் என்ன என்று நேரடியாக பார்த்து தெரிந்துக் கொள்வது கடினம்.” என்று அவர் மேலும் கூறினார்.
ஒளிச்சிதறல்
பூமியில் இருந்து 93 மில்லியன் மைல் தொலைவில் உள்ள இந்த நட்சத்திரம் பொதுவாக வானத்தில் வெண்புள்ளி போல் தோன்றும் என்று பெஸ்னெல் விளக்கினார். இருப்பினும், ஒளி சிதறியதால் மஞ்சள் நிறமாக இருப்பதாக பலர் நம்புகிறார்கள் என அவர் மேலும் கூறினார்.
காற்றில் உள்ள மூலக்கூறுகள் சூரிய ஒளியின் நீலம் மற்றும் ஊதா அலைநீளங்களைத் திருப்பிவிடுகின்றன, இது அதிக சிவப்பு மற்றும் மஞ்சள் அலைநீளங்களை ஒருவரின் கண்களைத் தாக்க அனுமதிக்கிறது என்று பெஸ்னெல் கூறினார்.
"அடிப்படையில், இது ஒரு பச்சை நட்சத்திரம், இது மிகவும் பிரகாசமாக இருப்பதால் வெண்மையாகத் தெரிகிறது, மேலும் நமது வளிமண்டலம் எவ்வாறு செயல்படுகிறது என்பதன் காரணமாக இது மஞ்சள், ஆரஞ்சு அல்லது சிவப்பு நிறமாகவும் தோன்றும்" என்று பெஸ்னெல் கூறினார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
