ரோகித் சர்மா ஓய்வு பெற்ற பிறகு மூன்று பார்மட்டிற்கும் புதிய கேப்டனாக யாரை நியமிக்கலாம் என்று பிசிசிஐ தற்போது பரிசீலனை செய்து வருகிறது.
டி20 உலக கோப்பையை வென்ற பிறகு இந்திய அணியின் கேப்டன் ரோகித் சர்மா சர்வதேச டி20 போட்டிகளில் இருந்து ஓய்வு பெறுவதாக அறிவித்து உள்ளார்.
புதிய டி20 கேப்டனாக ஹர்திக் பாண்டியா நியமிக்கபடுவார் என்று எதிர்பார்த்த நிலையில் சூரியகுமார் யாதவ் கேப்டன் ஆக நியமிக்கப்பட்டார்.
தற்போது டெஸ்ட் மற்றும் ஒரு நாள் அணியின் கேப்டனாக இருக்கும் ரோகித் சர்மாவிற்கு பிறகு மூன்று பார்மட்டிற்கும் ஒரே கேப்டனை பிசிசிஐ தேடி வருகிறது.
சமீபத்திய தொடர்களில் பிசிசிஐ தொடக்க ஆட்டக்காரர் சுப்மான் கில்லுக்கு கேப்டன்சி வாய்ப்பை வழங்கி வருகிறது. அவரை இந்தியாவின் வருங்கால கேப்டனாக பார்க்கிறது.
ஹர்திக் பாண்டியாவிற்கு அடிக்கடி காயம் ஏற்படுவதால் அவரை கேப்டன் பதவியில் இருந்து தற்காலிகமாக பிசிசிஐ நீக்கி உள்ளது.
எவ்வாறாயினும், மூன்று ஃபார்மட்களிலும் சிறந்து விளங்கும் வீரரை தேர்வு செய்வது பிசிசிஐக்கு சற்று கடினமாக இருக்கும். இருப்பினும் கேப்டன்சி போட்டியில் சுப்மான் கில் மற்றும் ரிஷப் பந்த் முன்னிலையில் உள்ளனர்.
