உலக அதிசயங்களைப் பார்த்து நாம் பல முறை வியந்திருக்கிறோம். ஆனால், நாம் காணாத பல அதிசய இடங்கள் உலகில் உள்ளன.
அவையும் உலக அதிசயங்களுக்கு சற்றும் குறைவானவை அல்ல. அவற்றில் சிலவற்றை இங்கே காணலாம்.
இது அபுதாபியின் மணல் கடல். இது உலகின் மிகப்பெரிய வெற்று இடம் என்றும் அழைக்கப்படுகிறது. இது சவுதி அரேபியாவிலிருந்து ஏமன், ஓமான் மற்றும் ஐக்கிய அரபு எமிரேட்ஸ் வரை பரவியுள்ளது. இப்படி ஒரு இடம் உலகில் உள்ளதா என்பதே பலருக்கு ஆச்சரியமாக உள்ளது.
பாகிஸ்தானின் கலஷ் பள்ளத்தாக்கு உலகின் அழகான மற்றும் அதிசயம் நிறைந்த இடங்களில் ஒன்றாகும். இது பாகிஸ்தானின் மர்மமான பள்ளத்தாக்கு என்று கூறப்படுகிறது. இந்துகுஷ் மலைத்தொடர்களில் அமைந்திருக்கும் இந்த பள்ளத்தாக்கின் இயற்கை காட்சிகள் மக்களை கவர்ந்திழுக்கின்றன.
இது ஒரு தேவாலயம். இது ஈக்வடார் எல்லையில் உள்ள கொலம்பிய நகரமான இபியேலஸில் உள்ளது. தூரத்திலிருந்து இதைப் பார்க்கும்போது, காடுகளின் நடுவில் யாரோ இதைக் கொண்டு வந்து வைத்துள்ளதைப் போல காட்சியளிக்கிறது. இதன் பெயர் லாஸ் லஜாஸ். இந்த கதீட்ரலுக்கு 100 மீட்டர் கீழே ஒரு நதி பாய்கிறது. இந்த நதி அதன் அழகை அதிகரிக்கிறது.
இது அமெரிக்காவின் மிகப்பெரிய தீவில் அமைந்துள்ள அப்போஸ்தல் தீவு. இது 'ஜுவல்ஸ் ஆஃப் லேக் சுப்பீரியர்' என்றும் அழைக்கப்படுகிறது. இங்கே, கரையில் உருவாகும் மணல் பாறைகள் கொள்ளை அழகு. இந்த பாறைகளின் மேல் பல வகையான தாவரங்கள் உள்ளன.
இந்த இடத்தின் பெயர் ஜெரிகோவாகோரா, இது பிரேசிலின் ஒரு சிறிய கிராமமாகும். ஃபோர்டாலெஸாவிலிருந்து மேற்கே 300 கி.மீ தொலைவில் இது அமைந்துள்ளது. இந்த இடத்தில் மணல் திட்டுகள் மிகவும் அழகாக இருக்கின்றன. மக்கள் இவற்றைப் பார்க்க தொலைதூரத்திலிருந்து வருகிறார்கள். இந்த இடம் சுற்றுச்சூழல் பாதுகாக்கப்பட்ட பகுதியாக அறிவிக்கப்பட்டுள்ளது.
