பிரதமர் நரேந்திர மோடி இன்று பிரதமராக பதவியேற்க உள்ளார். மோடியின் அமைச்சரவையில் தமிழக பாஜக தலைவர் அண்ணாமலை இணை அமைச்சராக பதவியேற்க வாய்ப்புள்ளதாக கூறப்படுகிறது.
தமிழக பாஜக தலைவர் அண்ணாமலை இன்று மத்திய அமைச்சர்கள் குழுவில் இணை அமைச்சராக பதவியேற்க உள்ளதாக தற்போது தகவல்கள் வெளியாகி உள்ளன.
தேசிய ஜனநாயக கூட்டணியில் பிரதமராக தேர்தெடுக்கப்பட்டுள்ள நரேந்திர மோடி இன்று மூன்றாவது முறையாக பதவியேற்க உள்ளார்.
அதனை தொடர்ந்து பாஜகவில் உள்ள சிலரும், கூட்டணி கட்சிகளில் உள்ள சிலரும் மத்திய அமைச்சராக பதவியேற்க உள்ளதாக கூறப்படுகிறது.
இதில் கோவை தொகுதியில் போட்டியிட்ட அண்ணாமலைக்கு இணை அமைச்சர் பதவி வழங்கப்படும் என்று தகவல்கள் தற்போது வெளியாகி உள்ளது.
அமைச்சர் பதவி கொடுக்கப்பட்டால் தமிழக பாஜக தலைவர் பதவி வேறு ஒருவருக்கு வழங்கப்படும். அண்ணாமலையை தொடர்ந்து தமிழிசைக்கு அமைச்சர் பதவி வழங்க வாய்ப்புள்ளது.
2019ல் பாஜகவில் இணைந்த அண்ணாமலை 2024 மக்களவைத் தேர்தலில் கோயம்புத்தூர் தொகுதியில் போட்டியிட்டு திமுகவிடம் தோல்வி அடைந்தார் என்பது குறிப்பிடத்தக்கது.
