Gold / Silver Price Today, February 16, 2021: பிப்ரவரி 16, செவ்வாயன்று தங்கத்தின் விலை கடும் சரிவைக் கண்டது. வெள்ளி விலை ஓரளவு அதிகரித்தது. 34 ரூபாய் வீழ்ச்சிக்குப் பிறகு ஒரு கிராம் 22 காரட் தங்கத்தின் விலை ரூ .4,600 ஆக இருந்தது.
தங்கத்தின் விலை நாட்டின் பல்வேறு நகரங்களிலும் வேறுபாட்டைக் கொண்டுள்ளது. பல்வேறு முக்கிய நகரங்களில் உள்ள விலை விவரங்களை இங்கே கானலாம்.
10 கிராம் 22 காரட்-தங்கத்தின் விலை ரூ .340 குறைந்து, 46,000 ரூபாயாக உள்ளது. சந்தை போக்கைத் தொடர்ந்து 24 காரட் தங்கத்தின் வீலையும் குறைந்தது. 10 கிராம் தங்கத்தின் விலை ரூ. 340 குறைந்து ரூ. 47,000 ஆக உள்ளது. மேலும், 24 காரட் தங்கம் மற்றும் 22 காரட் கிராம் தங்கத்தின் விலைகளை ஒப்பிட்டுப் பார்த்தால், சுமார் ரூ .1,000 வித்தியாசத்தைக் காண முடிகிறது.
டெல்லி: தேசிய தலைநகரில் 22 காரட் தங்கத்தின் விலை 10 கிராமுக்கு ரூ .46,400 ஆக இருந்தது. அதேசமயம் 10 கிராம் 24 காரட் தங்கத்தின் விலை ரூ .50,620 ஆகும்.
சென்னை: சென்னையில் 22 காரட் தங்கத்தின் விலை 10 கிராமுக்கு ரூ .44,570 ஆக உள்ளது. 24 காரட் தங்கத்தின் விலை ரூ .48,630 ஆக உள்ளது.
கொல்கத்தா: கொல்கத்தாவில் 22 காரட் தங்கத்தின் விலை ரூ .46,720 ஆகவும், 24 காரட் தங்கத்தின் விலை ரூ .49,420 ஆகவும் உள்ளது.
மும்பை: மும்பையில் 22 காரட் தங்கத்தின் விலை ரூ .46,000 ஆகவும் 24 காரட் தங்கத்தின் விலை ரூ .47,000 ஆகவும் உள்ளது.
சர்வதேச சந்தையில், தங்கத்தின் வீதம் செவ்வாயன்று அவுன்ஸ் ஒன்றுக்கு 0.32 சதவீதம் அதிகரித்து 1,824.30 அமெரிக்க டாலராக அதிகரித்துள்ளது. இருப்பினும், கடந்த 30 நாட்களில், தங்கத்தின் விலை 0.24 சதவீதம் குறைந்துள்ளது.
வெள்ளியின் விலை இன்று ரூ .6 அதிகரித்தது. செவ்வாய்க்கிழமை வெள்ளி ஆபரணங்கள் அல்லது நகைகளை வாங்க 10 கிராமுக்கு 698 ரூபாய் செலவிட வேண்டியிருக்கும். மெட்ரோ நகரங்களில் வெள்ளி விலைகள்: டெல்லி, மும்பை மற்றும் கொல்கத்தாவில் வெள்ளியின் விலை ஒரு கிலோ வெள்ளிக்கு ரூ .69,800 என்ற நிலையில் உள்ளது. சென்னை மற்றும் ஹைதராபாத்தில் இது ரூ .74,600 ஆக உள்ளது. டெல்லி, மும்பை மற்றும் கொல்கத்தாவை விட சென்னை மற்றும் ஹைதராபாத்தில் வெள்ளி விலை அதிகமாக உள்ளது என்பது குறிப்பிடத்தக்கது.
