7 Important Note For First Time Voters: முதல்முறை வாக்காளர்கள் வாக்குச் செலுத்தும்போது இந்த 7 விஷயங்களை நீங்கள் கண்டிப்பாக சரிபார்க்க வேண்டும். இதன்மூலம், உங்கள் வாக்கு சரியாக பதிவாகும்.
வாக்குச் செலுத்துவது என்பது ஜனநாயக கடமை. அத்தகைய கடமையை செய்ய செல்லும்போது அனைத்து வழிமுறைகளை சரியாக பின்பற்றவும்.
உங்கள் அருகிலுள்ள வாக்குச் சாவடியை முதலில் கண்டுபிடியுங்கள். அங்குதான் நீங்கள் வாக்கை செலுத்த முடியும்.
வாக்குச்சாவடிக்கு சென்று அங்கு வாக்குச்சாவடி அலுவலர் உங்கள் வாக்காளர் பட்டியலில் உங்கள் பெயரைச் சரிபார்த்து உங்கள் அடையாள அட்டையை கேட்பார்.
உங்கள் பெயரையும், அடையாள அட்டையை சரிபார்த்த பிறகு, உங்கள் ஆள்காட்டி விரலில் மை வைக்கப்படும். மேலும் நீங்கள் வாக்குச் செலுத்துவதற்கான ஒப்புகைச் சீட்டைக் கொடுப்பார்கள். மேலும், பதிவேட்டில் உங்கள் கையொப்பம் கேட்கப்படும்.
அதன்பின், மூன்றாம் வாக்குச்சாவடி அலுவலரிடம் அந்த ஒப்புகைச் சீட்டைக் கொடுத்து, உங்கள் கை விரலில் வைக்கப்பட்ட மையை காட்டியபின், வாக்குச்சாவடி வாக்கு செலுத்தும் பகுதிக்குள் அனுமதிக்கப்படுவீர்கள்.
வாக்குச் சாவடியில் வைக்கப்பட்டிருக்கும் மின்னணு வாக்குப்பதிவு இயந்திரத்தை (EVM) நீங்கள் விரும்பும் வேட்பாளரின் சின்னத்தின் பட்டனை சரியாக அழுத்தவும். அந்த சின்னத்தில் பக்கத்தில் பீப் ஒலி, சிவப்பு ஒளி உங்கள் தேர்வை உறுதிப்படுத்தும்.
VVPAT இயந்திரத்தில் கண்ணாடி திரையிடப்பட்ட முகப்பில் ஒரு சீட்டு தோன்றும், நீங்கள் தேர்ந்தெடுத்த வேட்பாளரின் வரிசை எண், பெயர், சின்னம் ஆகியவை 7 வினாடிகளுக்கு அதில் காண்பிக்கப்படும். அதன்பின் இந்த சீட்டு சீல் செய்யப்பட்ட VVPAT பெட்டியில் விழுந்துவிடும்.
வேட்பாளர்கள் சின்னத்திற்கு பின் கடைசியாக நோட்டாவுக்கு, அதாவது மேலே குறிப்பிடப்பட்ட யாருக்கும் எனது வாக்கு இல்லை (None Of The Above - NOTA) என்ற ஆப்ஷன் கொடுக்கப்பட்டிருக்கும். உங்களின் விருப்பப்படி அதற்கும் வாக்களிக்கலாம்.
