Happy Birthday Arya: நடிகர் ஆர்யா டிசம்பர் 11 ஆம் தேதியான இன்று தனது 43வது பிறந்தநாளை கொண்டாடி வருகிறார். அறியும் அறியாமலும் படத்தின் மூலம் அறிமுகமான ஆர்யா பல ஹிட் படங்களை கொடுத்துள்ளார். சாக்லேட் பாய் முதல் குத்துசண்டை வரை பல கதாபாத்திரங்களில் நடித்துள்ளார்.
நான் கடவுள் (2009) பாலா இயக்கத்தில் ஆர்யா நடித்துள்ள படம் நான் கடவுள். இந்த படத்தில் ஆர்யா ஒரு அகோரி கதாபாத்திரத்தில் நடித்துள்ளார். இந்தப் படத்திற்காக சிறந்த நடிகர் பிரிவில் பிலிம்பேர் விருது பெற்றார்.
பாஸ் என்கிற பாஸ்கரன் (2010) ராஜேஷ் இயக்கத்தில் ஆர்யா நடிப்பில் வெளியாகி மிகப்பெரிய ஹிட் அடித்த படம் பாஸ் என்கிற பாஸ்கரன். ஆர்யா மற்றும் சந்தானத்தின் காமெடியில் படம் முழுக்க பல காட்சிகள் சிறப்பாக அமைந்து இருக்கும்.
மதராசப்பட்டினம் (2010) ஏ.எல்.விஜய் இயக்கத்தில் ஆர்யா நடித்துள்ள படம் மதராசப்பட்டினம். 1940களின் பின்னணியில் கதை நடக்கிறது. இப்படத்தில் எமி ஜாக்சன் கதாநாயகியாக நடித்துள்ளார்.
ராஜா ராணி (2013) இயக்குனர் அட்லீ இயக்கிய முதல் படம் ராஜா ராணி. இந்த படத்தில் ஆர்யா முக்கிய கதாபாத்திரத்தில் நடிக்க நயன்தாரா, ஜெய், நஸ்ரியா ஆகியோர் நடித்து உள்ளனர்.
சார்பட்டா பரம்பரை (2021) பா ரஞ்சித் இயக்கத்தில் குத்துச்சண்டை வீரராக ஆர்யா நடித்துள்ள படம் சார்பட்டா பரம்பரை. 1970 களில் நடக்கும் குத்துசண்டை விளையாட்டை மையமாக வைத்து உருவாக்கப்பட்டு இருந்தது. இப்படத்திற்காக ஆர்யாவுக்கு சிறந்த நடிகருக்கான பிலிம்பேர் விருது கிடைத்தது.
