கல்யாண் இயக்கத்தில் ஜோதிகா, ரேவதி நடிப்பில் உருவாகி இருக்கும் ‘ஜாக்பாட்’ திரைப்பட பாடல்கள் வெளியானது!
நடிகர் சூர்யா தயாரிப்பு நிறுவனமான 2டி எண்டர்டெயின்மென்ட் தயாரிப்பில் ஜோதிகா நடிக்கும் திரைப்படம் ‘ஜாக்பாட்’. ஏற்கனவே 2டி எண்டர்டெயின்மென்ட் தயாரிப்பில் ஜோதிகா நடித்த 36 வயதினிலே, மகளிர் மட்டும் ஆகிய படங்கள் வெற்றி பெற்றுள்ளன.
இந்நிலையில் தற்போது மூன்றாவது முறையாக சூர்யாவின் 2டி எண்டெர்டெயின்மென்ட் தயாரிப்பில் ஜோதிகா நடித்துள்ள படம் தான் “ஜாக்பாட்”. இப்படத்தை இயக்குனர் கல்யாண் இயக்கியுள்ளார். இவர் ஏற்கெனவே 'குலேபகாவலி' படத்தின் மூலம் ரசிகர்களை வயிறு வலிக்க சிரிக்க வைத்தவர். இந்தப்படமும் காமெடியை அடித்தளமாக கொண்டது தான்.
படத்தில் ஜோதிகாவோடு நடிகை ரேவதி, நடிகர்கள் யோகிபாபு, ஆனந்த்ராஜ், மன்சூர் அலிகான், மொட்டை ராஜேந்திரன், ஜெகன் உள்ளிட்ட பல நட்சத்திரங்கள் நடித்திருக்கிறார்கள்.
The songs of #Jackpot is out now! Click play for thi
Tamil ttps://t.co/bl5OvwR9Gm
Telugu tps://t.co/Kwt6Cu2sRZ #Jyotika #Revathi #Kalyaan @Composer_Vishal @2D_ENTPVTLTD @Suriya_offl @rajsekarpandian pic.twitter.com/7LZQoFcVUv— Sony Music South (@SonyMusicSouth) July 27, 2019
இந்த ' ஜாக்பாட் ' டிற்கு ஆனந்த்குமார் ஒளிப்பதிவு செய்துள்ளார். விஷால் சந்திரசேகர் இசை அமைத்துள்ளார். படத்தின் எடிட்டர் விஜய். இத்திரைப்படம் 2டி எண்டெர்டெயின்மெண்ட்டின் 11-வது தயாரிப்பு என்பது குறிப்பிடத்தக்கது.
இந்நிலையில் இத்திரைப்படத்தின் இடம்பெற்றுள்ள பாடல்களை படக்குழுவினர் வெளியிட்டுள்ளனர்.
